Thread by @_NadeemZaidi

آج لاھور کی احتساب عدالت میں خواجہ سعد رفیق اور خواجہ سلمان رفیق المعروف "خواجہ برادران" کے خلاف پیراگون ریفرنس کی سماعت ہوئی

سماعت کا احوال بتانے سےپہلے آپ کو بتاتے ہیں کہ پیراگون ریفرنس آخر ہے کیا؟ اور اس میں خواجہ برادران پر کیا کیا الزامات ہیں اور کیس کس موڑ پر ہے؟
1/11

کچھ شہریوں نے لاھور پریس کلب کے سامنے مظاہرہ کرنے کے بعد نیب لاھور کو ایک درخواست پیش کی تھی جس میں ان کا موقف تھا کہ خواجہ برادران نے ان کے ساتھ 59 کروڑ روپے کا فراڈ کرتے ہوئے انہیں ایسے پلاٹوں کی فائلیں فروخت کی ہیں جو پیراگون ہاوسنگ سوسائیٹی میں موجود ہی نہیں ہیں۔ اس
2/11

شکایت پر جب نیب نے خواجہ برادران کے خلاف تحقیقات کا آغاز کیا تو پتہ چلا کہ

🔸خواجہ برادران پیراگون سوسائٹی کے %93.6 شیئرز کے مالک ہیں
🔸خواجہ برادران نے اپنا سیاسی اثر و رسوخ استعمال کرتے ہوئے پیراگون ہاوسنگ سوسائٹی میں 50 کنال ایسی سرکاری اراضی شامل کی تھی جو سوسائٹی کا
3/11

حصہ نہیں تھی اور انہوں نے اس ہی اراضی کی فائلیں سائلین کو فروخت کر کے ان کے ساتھ فراڈ کیا تھا
🔸سعد رفیق نے پیراگون کے اکاونٹس سے 5 کروڑ 80 لاکھ روپے اور سلمان رفیق نے 3 کروڑ 90 لاکھ روپے غیرقانونی طور پر وصول کر کے استعمال کیے تھے

خواجہ برادران کے خلاف تحقیقات کے دوران
4/11

متعلقہ پٹواری، سب رجسٹرار عزیز بھٹی ٹاون اور پیراگون سوسائٹی کا ایک ڈائریکٹر قیصر امین بٹ خواجہ برادران کے خلاف وعدہ معاف گواہ بن گئے اور ان تینوں کے علاوہ نیب کے سامنے 119 مزید گواہان بھی موجود تھے جو بالواسطہ یا بلاواسطہ متاثرین بھی تھے

122 گواہان اور ناقابل تردید ثبوتوں
5/11

کی بنیاد پر نیب لاھور نے 31 مئی 2019 کو لاھور کی احتساب عدالت میں خواجہ برادران سمیت کل 5 ملزمان کے خلاف پیراگون ریفرنس دائر کر دیا۔ جب ریفرنس دائر کیا گیا اس وقت خواجہ برادران ریمانڈ پر نیب کی تحویل میں تھے۔ انہیں سپریم کورٹ آف پاکستان سے ضمانت ملنے پر 17 مارچ 2020 کو رہا
6/11

کیا گیا تھا۔ ضمانت کے 87 صفحات پر مشتمل فیصلے میں جسٹس مقبول باقر نے کیس کے میرٹس پر تفصیلاً بات کرنے کے علاوہ نیب کی کارکردگی پر سوالات اٹھاتے ہوئے نیب کے کردار کو پولیٹکل انجینیئرنگ بھی قرار دیا تھا جس پر نیب پہلے ہی ری ویو پٹیشن دائر کر چکی ہے

خواجہ برادران کے خلاف دائر
7/11

پیراگون ریفرنس میں پیراگون سوسائٹی کے ڈائریکٹر قیصرامین بٹ کو گواہان میں مرکزی حیثیت حاصل ہے لیکن حیرت کی بات یہ ہے کہ جب سے خواجہ برادران کو سپریم کورٹ نے ضمانت پر رہا کیا ہے تب سے قیصرامین بٹ ایک بار بھی عدالت میں پیش نہیں ہوا۔ اس کی مسلسل غیرحاضری پر جب عدالت نےاسے گرفتار
8/11

کر کے پیش کرنے کیلیے کہا تب سے عدالت کو یہ بتایا جا رہا ہے کہ وہ شدید بیمار ہونے کی وجہ سے عدالت میں حاضر ہونے سے قاصر ہے

آج کی سماعت میں بھی قیصرامین بٹ کو ایک ہسپتال سے ویڈیو لنک پر عدالت میں پیش کیا گیا اور کیس کی رفتار کا یہ عالم ہے کہ 122 گواہان میں سے ابھی تک صرف 5
9/11

گواہان کے بیانات قلم بند کروا کے ان پر جرح مکمل ہوئی ہے۔ آج جب احتساب عدالت میں جسٹس جوادالحسن نے مزید گواہان کے بیانات لینے اور ان پر بحث/جرح کرنے کیلیے کہا تو اس پر خواجہ برادران کے وکلاء نے اعتراض اٹھاتےہوئے دیگر گواہان کے بیانات لینے یا ان پر جرح کرنے سے پہلے مقدمے کے
10/ 11

مرکزی گواہ قیصرامین بٹ سے بیان لینے اور اس پر جرح کرنے کی خواہش کا اظہار کیا جس پر عدالت نے قیصرامین بٹ کا "دوبارہ" بیان لینے اور اس پر اسہی روز جرح کرنے کیلیے 26 اگست کی تاریخ مقرر کر کے اس حکم کے ساتھ سماعت ختم کر دی کہ اس روز قیصرامین بٹ کی میڈیکل رپورٹ بھی پیش کی جائے
11/11