Akiwa na miaka 27 alifanya mapinduzi akawa rais.Akainua uchumi wa nchi yake kupitia biashara ya mafuta,akaandika kitabu ambacho ilikuwa ni lazima wanafunzi wakisome “Green Book”.Miaka 42 ya kuitawala Libya Gaddafi akajiita Mfalme wa wafalme,kiongozi wa mapinduzi.Mwisho akauawa. 
Gaddafi alipiga marufuku biashara ya pombe na lugha ya kiingereza kutumika nchini kwake.Pia akafunga kumbi za starehe na bar.Vile vile alifanikiwa kuweka makubaliano na Makumpuni ya mafuta yaliyoiwezesha Libya kupata Pesa nyingi.Akajenga shule,hospitali na miundombinu yakutosha.
Rais Ronald Reagan wa Marekani alipoingia madarakani alimuita Gaddafi “Mbwa Kichaa”1986 akaamuru ndege za kivita kushambulia makazi ya Gaddafi,Kwa bahati hakuwepo hivyo akanusurika. USA chini ya Reagan ikakataa mafuta ya Libya na kumuwekea vikwazo lukuki.Gaddafi hakurudi nyuma.
Miaka ilivyozidi kwenda Libya ikazidi kuwekewa vikwazo na UN na mataifa mbali mbali,lakini pia hata mataifa mengine ya Kiarabu yakaanza kumkataa Gaddafi. Gaddafi akaelekezea nguvu zake Afrika, huku akataka iundwe “United States of Africa” na yeye awe kiongozi wa umoja huo.
Miaka ya mwisho ya utawala wake walitokea waaasi waliopinga uongozi wake huku wakipewa msaada na mataifa ya magharibi. Gaddafi akasema yeye ni mwanamapinduzi na atapigana mpaka tone la mwisho la damu yake.2011 akiwa na miaka 69 baada ya kuitawala Libya kwa miaka 42 akauwawa.
Mazuri ya Gaddafi kwa watu wa Libya ni mengi na hayawezi kuhesabika.Lakini pia alikuwa na mabaya yake kama Vile kutesa na kuua waliompinga. Kwa Tanzania alikuwa ni rafiki, licha ya kumsaidia Idd Amin kwenye vita ya Kagera. Alijenga msikiti mkubwa wa Dodoma na Butima kwa Mwalimu.
