Thread by @MarathiDeadpool

मी हिंदू आहे...!
मी आहे हिंदू! मी आहे भारतीय! मीच आहे इथल्या संस्कृतीचा पाईक! हा हिंदू फक्त एक धर्म नाही.. ती एक संस्कृती आहे.. "हिंदू कोणी रक्षीला जावा एवढा दुबळा नाही..की कोणी भक्षीला जावा एवढा एकला नाही." प्रत्येक भारतीय म्हणजे इथला हिंदू आहे.#म #धागा 👇

आज हिंदू संस्कृती जाणणाऱ्या समस्त नागरिकांची हीच प्रतिक्रिया असेल.. माझा हिंदू धर्म- संस्कृती एवढी खरोखरच संकटात आहे का? की, कोणीतरी माझ्या भावनांवर जहालतेची फुंकर घालून त्या राखे खालचे निखारे फुलवून स्वतःची स्वार्थी पोळी भाजून घेत आहे?👇

आज मला अपेक्षित असलेला हिंदू हा आत्ता दिसतोय किंवा दाखवला जातोय तसा नाहीय.. काही जण हिंदुत्वाचे रक्षक म्हणवून घेत असताना अतिशय कडवट भाषेत बोलतात.. समोरच्याला पूर्ण खाऊ की फाडु या आवेशात येतात.. त्यांच ते उग्र रूप आणि त्यांची वाणी पाहून मला प्रश्न पडतो.. 👇

की ही नक्की माझीच संस्कृती आहे का? हा तर्कसंगत प्रश्न पडणे ही हिंदुसंस्कृतीचीच मला देण आहे.. तेंव्हा मला कळतं की ज्याअर्थी हा चिंतनरुपी प्रश्न मला पडतो त्याअर्थी मी हिंदू आहे.

प्रत्येक हिंदूंवर त्याच्या आई-वडिलांनी, आज्जी-आजोबांनी, नातेवाईकांनी, समाजाने 'सहिष्णुता' म्हणजे 👇

फक्त शब्द नसून ती एक 'वर्तवणूक' आहे हे जन्मतःच शिकवलेलं असतं.. कोणावर हात उचलू नये, शिवी देऊ नये, उच-नीच भेद करु नये, गर्व करू नये,अहंकार नसावा, स्त्री चा आणि मोठ्यांचा आदर करावा. हे बाळकडू इथं प्रत्येकाला जन्मतःच मिळतं. 👇

अगदी पहिल्यापासून मला घरात रेडिओ ,TV यांचे आवाज स्वतःपुरते ठेव, गाडीचा हॉर्न अगदीच गरजेपुरता वाजव.. हे डोस आजही पाजले जातात..यातून दुसऱ्याला त्रास होईल असे वर्तन गैर आहे हेच मला कळाले. माझ्या देवघरात सायंप्रार्थना होताना निरव शांतता आणि प्रसन्न वातावरणात दिवा तेवत ठेवावा..👇

दुसऱ्याच्या डोळ्यात अश्रू येतील एवढा प्रखर नसावा हेच शिकवलं. आजच्या झगमगाटात तो दिवा पार काळवंडून गेलाय असंच कधी कधी वाटतं..
माझ्या देवघरात आज अनेक देव आहेत.त्यांची पूजा करतानाची जी निरागसता मला पूर्वी लाभयची ती हल्ली मिळत नाही. 👇

कारण आजच्या कडक वृतवैकल्यात आणि फॅशन म्हणून सण साजरे करण्याच्या प्रयत्नात मला निरागसपणे वावरणं कठीण जातं.

अगदी लहानपणापासून माझी सकाळ विठ्ठलाच्या जागर आरतीने होते.. माझे कुटुंब वारकरी संप्रदायाचे पाईक ..त्यामुळे अभंग, टाळ मृदंग नेहमीचेच सोबती.. 👇

त्यातून येणारी आत्मीयता , विवेकनिष्ठता आणि निरागसता मला लोकशाही मूल्ये आचरणात आणायला भाग पाडते.

लहानपणी रंगपंचमी खेळण्यासाठी 'बंदूक पिचकारी' विकत आणली तरी आई मला ती परत करायला लावायची..'रंग खेळायचेयत गोळी थोडीच चालवायचीय.' अशी ती म्हणायची.. 👇

अगदी तेंव्हापासून माझ्या मनावर उमटवल गेलं की, पिस्तुल हातात धरत नाहीत ते बुळचट, घाबरट ,हिंदुस काळिमा असत नाहीत तर उलट पिस्तुल हातात असण्यापेक्षा नसण्यातच जास्त हिंदुपण आहे.

लहानपणापासून आज आत्तापर्यंत महाराष्ट्रातील असंख्य गडकिल्ले फिरलो.. 👇

तिथं छत्रपती आबासाहेब आणि छत्रपती शंभूराजे यांनी जगलेला प्रत्येक क्षण रोमारोमात खेचून घ्यायचा प्रयत्न केला.. तिथला सोसाट्याचा वारा नसानसात भिनवला.. कातळात सामावलेली माझ्या पूर्वजांची मढी आहे तशी डोळ्यासमोर उभी केली.. 👇

माझ्याच निर्बुद्ध बांधवांनी जिततिथ लिहून ठेवलेली नावे घासून पुसून स्वच्छ केली. पूर ,भूकंप आला तर मदतीसाठी आहे नाही तेवढं सगळं मदतीसाठी वाटलं.. हे सगळं करताना माझ्या देव-धर्म-संस्कृतीवर मी उपकार करतोय हा अहंभाव माझ्या अंतरंगात कधी उमटला नाही.👇

जाता जाता एक...माझे कुटूंब पक्के हिंदू असूनही त्यांनी कधी कर्मकांडाचे अवडंबर माजवले नाही.. कर्मकांडात न अडकताही स्वधर्म पाळता येऊ शकतो हे त्यांनी सप्रमाण सिद्ध करून आम्हासही त्या वळणावर आणले. 👇

आणि हे हिंदू असणं म्हणजे भालचंद्र नेमाडे सरांच्या भाषेत 'जगण्याची समृद्ध अडगळच' आहे.. आणि मला वाटत तुमचाही अनुभव तोच असेल.

टीप- माझी हिंदू असण्याची व्याख्या- भारतातील विविधता ही हिंदू या संकल्पनेशी जोडली जावी.. संपूर्ण एकसंध भारत म्हणजे हिंदू..(मग त्यात सगळे धर्म,पंथ आले.)
👇

संदर्भ -माहीतीजाल, लोकसत्ता

हा झाला मी हिंदू आहे चा पूर्वार्ध...

उत्तरार्धात तात्यारावांचे हिंदुत्वासहित...मी हिंदू आहे...! ...लवकरच.