Thread by @MarathiDeadpool

सध्या #ReopenJusticeLoyaCase हा ट्रेंड सुरुय.. नेमकं प्रकरण काय लक्षात घ्या.
◆ कोण न्यायमूर्ती ब्रिजगोपाल लोया?

घटना 1 डिसेंबर 2014 ची तेंव्हा जस्टीस लोया नागपूरला एका लग्नकार्यासाठी गेले असताना त्यांचा हृदयविकाराने मृत्यू झाल्याची बातमी आली. #धागा #म 👇

हे तेच लोया आहेत जे त्यावेळी गाजलेल्या सोहराबुद्दीन शेख एन्काऊंटर केसची सुनावणी करत होते. ज्यामध्ये अमित शहा मुख्य आरोपी होते त्यामुळे हे प्रकरण राजकीयदृष्ट्या संवेदनशील बनले.

◆ सोहराबुद्दीन प्रकरण काय?
सोहराबुद्दीन अन्वर हुसेन शेख 26 नोव्हेंबर 2005 ला एका चकमकीत मारला गेला..👇

या चकमकीचा साक्षीदार तुळशीराम प्रजापती हा देखील डिसेंबर 2006 ला झालेल्या चकमकीत मारला गेला.सोहराबुद्दीन यांची पत्नी कौसर बी यांचीसुद्धा हत्या झालीय. या सगळ्यात तत्कालीन गुजराती गृहमंत्री अमित शाह यांच्यावर आरोप होऊन अटक ही झाली होती.दरम्यानच्या काळात खटला सर्वोच्च न्यायालयाच्या👇

निग्रनीखाली सुरू झाला.अमित शाह यांना गुजरातमधून तडीपार करण्यात आले आणि खटला गुजरात बाहेर वर्ग करून सदर न्यायाधीशांची बदली न करण्याचे आदेश दिले होते.
मे 2014 मध्ये #CBI चे विशेष न्यायाधीश जे.टी. उत्पत यांनी समन्स देऊनही शाह यांनी उपस्थित राहण्याबाबत सूट मागितली.. जी सूट नाकारली👇

पुढे सर्वोच्च न्यायालयाचा आदेश डावलून उत्पत यांची बदली जून 2014 मध्ये केली गेली..आणि न्या.लोया यांना त्याजागी आणलं.
त्यांच्या समोरही शाह हजर झाले नाहीत..1 डिसेंबर 2014 ला लोयांनी जगाचा निरोप घेतला.
लोया यांच्यानंतर M. B.गोसावी यांच्या चौकशी समितीने👇

अमित शाह याना क्लीन चिट देऊन आरोपमुक्त केलं ही घटना 30 डिसेंबर 2014 ची.

पुढे सरन्यायाधीश दीपक मिश्रा यांच्या 3 सदस्यीय खंडपीठाने जस्टीस लोया यांचा मृत्यू नैसर्गिक असल्याचा निर्वाळा दिला. आणि 'याचिकाकर्त्यांनी न्यायव्यवस्थेत खळबळ माजवण्याचा प्रयत्न केला.' अशी टिप्पणी केली.👇

तत्पूर्वी नोव्हेंबर 2017 मध्ये 'द कॅरव्हान' यांनी लोया यांचा मृत्यू संशयास्पद असल्याचं वृत्त दिलं होतं. राजकीयदृष्ट्या संवेदनशील बनलेल्या या प्रकरणात नेमका कोणाचा हात आहे असा प्रश्नही त्यात उपस्थित केला गेला. 👇

हृदयविकाराची केस होती तर ECG का काढला नाही असा प्रश्नही लोया यांच्या बहिणीने उपस्थित केला.
पण, त्यानंतर 'द इंडियन एक्सप्रेस' ने प्रसिद्ध केलेल्या बातमीत ECG रिपोर्टही प्रसिद्ध केला..पण त्या रिपोर्टची तारीख 30 नोव्हेंबर तर त्यावरील डिफॉल्ट टाइम हा अमेरिकेचा असल्याचा खुलासा झाला.❤

टीप - सदर माहिती ही माहितीजाल, द करव्हान, द इंडियन एक्सप्रेस यातून संकलित करण्यात आली आहे.. समाजमाध्यमातून व्यक्त होण्याअगोदर प्रकरण काय हे दाखवणं एवढाच हेतू येथे आहे. कोणाचीही दिशाभूल करण्याचा आमचा प्रयत्न नाही. जर वरील माहितीत काही चूक आढळल्यास ते आमचे अज्ञान समजावे.🙏