Thread by @r_raktade

राजकरणातला जोकर..

बहुधा इतर पक्ष, राजकारणी, जनता ह्यांना ह्याच प्रकारे ओळखत असेल. आपले बोलणे, कविता याबद्दल नेहमी विनोदाचे भाग बनले. तरी मनाला कधीच लावून घेतले नाही. यांच्याच आंबेडकरी समाजातून टीका झाली, त्यांनी होऊ दिली. कधी काँग्रेस सोबत असणारे, नंतर मोदी सोबत गेले.

आंबेडकरी जनता नाराज झाली जी स्वतःच्या शेकडो पक्षात विखुरली आहे. ह्यांनी जे आहे ते सत्य बोलले. ज्याची सत्ता मजबूत, त्याच्यासोबत मी उभा. त्याला मान्य करायला मागे पुढे बघितले नाही. बाबासाहेब ने तयार केलेल्या RPI ला अनेक फाटे फुटले, त्यात एक फाटा आठवले यांनी सांभाळला.

पण एकहाती कुठलंही सत्ता येण्याची आपली कुवत नाही हे ते जाणतात. फालतू स्वप्न आपल्या समर्थकांना दाखवले नाही. सत्तेत असू तरच समाज घडवू शकू ह्यावर ते ठाम राहतात.
इतर पक्ष आणि नेते जेव्हा स्वतःला पोलिटिकली करेक्ट ठेवण्यात लक्ष देतात,

तेव्हा आठवले कधीच वोट बँक बद्दल विचार न करता आपला स्टॅंड मांडतात. मग सत्ताधारी सोबत असणे असो वा कुठल्याही मुद्दा उचलुन धरणे.

मराठी अस्मिता वर माझे मराठी मत, कंगना च्या समर्थन मुळे जाऊ शकते हा विचार जेव्हा सर्व पक्ष करत होते, सर्वात मोठ्या पक्षांनी सुद्धा काढता पाय घेतला,

त्यावेळी आठवले तिच्यासोबत उभे राहिले. फक्त उभेच नाही, तर आपल्या कार्यकर्त्याना तिची सुरक्षा सोपवली. मग यात कोण नाराज होईल, कोण नाही याचा तसूभर विचार केला नाही.

आज आंबेडकरी जनता ह्यांच्या त्या कृत्यावर काहीही बोलत नसेल तरी आमच्या सारख्यांना हा आगळा वेगळा आंबेडकरी राजकारणी आवडला.

जो मतासाठी नाही, महिलेसाठी उभा राहिला. हेच तर संविधान चे रक्षण होते. शेकडो फाट्यात फुटलेल्या RPI मधला अस्सल हिरा.
पोलिटिकली करेक्ट नसूनही करेक्ट..

आंबेडकरी जनतेला न कळलेला आंबेडकरवादी..
#RamdasAthawale