खरं सांगू? काँग्रेस, राष्ट्रवादी सोबत जाऊन असंगाशी संग केल्याने शिवसेनेवर जाम चिडलो होतो. पहिल्याच वार्ताहर परिषदेत सेक्युलर प्रश्नावरून उडालेली भंबेरी, क्षीण केलेले हिंदुत्व, त्यात कोरोनाशी लढाईत हरलेले महाराष्ट्र सरकार, सोनू सूद प्रकरण, पालघर हिंदू संतांची हत्या,
अनंत करमुसे मारहाण प्रकरण, मरकजवरून महाराष्ट्रात आलेल्यां विरोधात दिरंगाई-चालढकल या मुळे ही चीड वाढली होती. ती त्यांच्या या पुढील चांगल्या वागण्याने कदाचित निवळलीही असती. आणि बाळासाहेब ठाकरेंचा चाहता व शिवसेनेचा पारंपरिक मतदार या नात्याने माझे चिडणे स्वाभाविकही होते. पण आता..
पण आता कंगना राणावतवर शिवसेनेने ज्या सूडबुद्धीने कारवाई केलीये त्यामुळे शिवसेना मनातून पार उतरलीये.. साफ उतरलीये.. आदरणीय बाळासाहेबांमुळे एक मराठी, एक हिंदू म्हणून शिवसेनेबद्दल जी काही सुप्त आपुलकी होती ती आता पार पार उतरून गेलीये.
मी पहिल्या परिच्छेदात शिवसेनेवर चिडण्याची जी कारणे दिलीयेत त्यापैकी एकही कारण राजकीय नाहीये बरं. सर्व कारणे देव, देश, धर्माशी निगडित आहेत. मी काही शिवसेनेला राजकीय शत्रू मानत नाही. की मी भाजपाईही नाही, की मी कंगना राणावतचा समर्थकही नाही. मी तिचा फॅनही नाही.
मी आत्तापर्यंत तिचे दोनच चित्रपट पाहिलेयत एक 'मणिकर्णीका' आणि दुसरा "पंगा". हा तर ह्याच लॉक डाऊन मध्ये पाहिलाय. या पलीकडे माझी तिची ओळखही नाही. पण आज कंगना राणावतच्या कार्यालयावर जे हाथोडे ठाकरेंच्या BMC ने चालवले त्या मुळे अवघ्या महाराष्ट्राची मान मात्र नक्कीच खाली गेलीये.
खरे तर सुशांत सिंहचा मृत्यू की हत्या या प्रकरणाचा छडा लावण्याचा प्रयत्न करणाऱ्या एका स्त्रीवर सूडबुद्धीने केलेली ही कारवाई महाराष्ट्राचा खरा अपमान आहे. आपल्या राज्यात आपण सत्तेत असताना एखाद्या अभिनेत्याचा संशयास्पद मृत्यू झाल्यावर त्याची सखोल चौकशी करून-
त्याला योग्य तो न्याय देण्याची भूमिका हिंदुहृदयसम्राट आदरणीय बाळासाहेबांच्या शिवसेनेसारख्या पक्षाची असायला हवी होती. पण असंगाशी संग केल्याने महाराष्ट्रात न्याय मिळत नाही ही गोष्ट या ठाकरे सरकारने सिद्ध करून दाखवली आणि हे प्रकरण हाताळण्यात राज्याचे मुख्यमंत्री म्हणून-
हिंदुहृदयसम्राट बाळासाहेब ठाकरे यांचे सुपुत्र सपशेल अपयशी ठरलेले आहेत.. मुख्यमंत्री झाल्यापासून प्रत्येक गोष्टीत ते अपयशीच ठरले आहेत. आजचीच गोष्ट बघा ना साधं मराठा आरक्षणही टिकवता आलं नाही त्यांना.
आता संपल्यात जमा आहे सारं. किंबहुना संपलंच आहे सारं..!!
आता संपल्यात जमा आहे सारं. किंबहुना संपलंच आहे सारं..!!
आदरणीय बाळासाहेब ठाकरे यांच्या शिवसेनेचा पारंपरिक मतदार म्हणून, छत्रपती शिवरायांच्या हिंदवी स्वराज्य महाराष्ट्राचा नागरिक म्हणून, संत ज्ञानेश्वरांच्या "माझा मराठीची बोलू कौतुके। परि अमृतातेहि पैजासी जिंके।" एक मराठी भाषिक म्हणून मी आज ह्या सरकारचा तीव्र शब्दात निषेध करतो..!!
आणि हिंदुहृदयसम्राट आदरणीय बाळासाहेब ठाकरे यांची मनापासून क्षमा मागून शपथ घेतो की, यापुढे मी उद्धव ठाकरेंच्या शिवसेनेला कधीच मतदान करणार नाही. अगदी भविष्यात भाजपशी युती केली तरी नाही..
।। जय हिंदुराष्ट्र ।।
।। जय हिंदुराष्ट्र ।।
• • •
Missing some Tweet in this thread? You can try to
force a refresh
