Thread by @Gaju3112

#मराठी

सुदर्शन वृत्तवाहिनीच्या UPSC परिक्षा व मुस्लिम समाज यावरील कार्यक्रमासंदर्भात आज सर्वोच्च न्यायालयात जस्टिस चंद्रचूड व जस्टीस जोसेफ यांच्या बेंचसमोर सुनावणी झाली. सुनावणी दरम्यान न्यायालयाने विशिष्ट समाजाला टार्गेट करू पाहणाऱ्या या कार्यक्रमावर कठोर ताशेरे ओढले आहेत.

सुनावणी दरम्यान न्यायालयाने काही महत्वाची निरीक्षने-मते नोंदवली आहेत...

जस्टीस चंद्रचूड - मिडिया वर सेन्सॉरशिप लावणे हे अनुच्छेद 19(1)(a)च्या विरुद्ध असेल पन त्याचवेळी ह्युमन डिग्निटीचा विचार व्हायला हवा व काही स्टँडर्ड असायला हवेत.

जस्टीस जोसेफ - मिडिया हाऊसच्या मालकीसंदर्भात व त्यांच्या रीव्हेन्यू मॉडेल संदर्भात तसेच सरकारतर्फे मिडिया हाऊसेस ना दिल्या जाणाऱ्या जाहिरातींसंदर्भातील माहिती पब्लिक डोमेन मधे उपलब्ध असायला हवी

जस्टीस जोसेफ - मिडियाला अमेरिकन संविधायासारखे फ्रिडम नाहीये. अनेकवेळा मिडियातील चर्चांमधे विरोधी मत मांडले जात असताना आवाज बंद केला जातो. हे योग्य नाही.

जस्टीस चंद्रचूड - इलेक्ट्रॉनिक मिडिया प्रिंट मिडिया इतकाच शक्तिशाली आहे पण त्यांचा प्रभाव खूप विस्तृत आहे. विशिष्ट समाजाला टार्गेट करून ते अशांततेच केंद्र बनू शकतात.

जस्टीस चंद्रचूड - सदर कार्यक्रम अंत्यत घातक(incidious) आहे. विशिष्ट समाजाचे नागरिक इतरांप्रमाणेच परीक्षा देतात व त्यात प्रक्रियतुन निवडले जातात. यामुळे UPSC परीक्षेची देखील नालस्ती होते. असे कार्यक्रम कसे चालू शकतात ?

जस्टीस जोसेफ - जेव्हा आपण वृत्तपत्र स्वातंत्र्यबद्दल बोलतो तेव्हा ते अमर्याद स्वातंत्र्य नाही. त्यांनाही सामान्य नागरिकांइतकेच स्वातंत्र्य आहे. आपल्याला अशा पत्रकारितेची गरज आहे जी प्रामाणिक आहे.

जस्टीस चंद्रचूड - जेव्हा पत्रकार काम करत असतात तेव्हा त्यांनी राईट टू फेअर कमेन्ट लक्षात घेऊन काम करावे. अनेक गुन्हेगारी प्रकरणे दाखवताना मिडिया फक्त एकच बाजू दाखवते.

जस्टीस जोसेफ - इलेक्ट्रॉनिक मिडिया जास्तीस जास्त TRPकडे बघितले जात आहे त्यामुळे सेन्शनॅलिझम वाढत आहे.

जस्टीस चंद्रचूड - UPSC मधे घुसण्यासाठी विशिष्ट धर्माचे लोकं षड्यंत्र करत आहेत आणि जामिया विद्यापिठाचे विद्यार्थी त्या षडयंत्राचे भाग आहेत असे बोलले जाते तेव्हा ते टॉलरेट केले जाऊ शकत नाही.

जस्टीस चंद्रचूड - देशाचे सर्वोच्च न्यायालय म्हणुन मुस्लिम UPSC मधे घुसण्याचे षडयंत्र करत असल्याचे सांगण्याची परवानगी आम्ही देऊ शकत नाही. असे करण्याचे अमर्याद स्वातंत्र्य मीडियाला आहे असे म्हणता येणार नाही.

जस्टीस चंद्रचूड - सदर कार्यक्रमाच्या रूपरेषेवरून असे दिसते कि कार्यक्रमाचा उद्देश मुस्लिम समाजास अपमानित करणे आणि त्यांना सिव्हिल सर्व्हिसेस मधे घुसखोरी करण्यास जबाबदार ठरवणे अश्या स्वरूपाचा आहे.

जस्टीस चंद्रचूड - लोकशाही समाजाची उभारणी आणि घटनात्मक हक्क व कर्तव्ये याचे पालन हे वेगवेगळ्या समुदायांच्या एकत्रित राहण्यावर अवलंबून आहे. विशिष्ट समाजाला अपमानीत करण्याच्या प्रयत्नांनकडे अयोग्यतेने पाहिले पाहिजे.

पुढील आदेशापर्यंत सदर कार्यक्रमाचे उर्वरित भाग प्रसारित करण्यास न्यायालयाने मनाई केली आहे.