Thread by @Lavvelenata

Ve conto na storia.
E oviamente anca quea de oggi no xe na bea storia. Ma xe storia viva e veneta. Premessa: no so astemia. A storia de oggi nasse da invito che me gà fato uno de ndar ber un prosecco insieme.

Mi fasso fadiga ber prosecco.
So veneta atipica in questo.
Son pi pa chel spettacoeo che xe i rossi del Valpolicella .. dal Ripasso all’Amarone passando pal Classico superiore.

No me piase come vin … salvo giusto un par de cantine che conossemo in 4 gati de amissi che fa vin pa passion pi che par skei… e tendo a no ber prosecco savendo e bojaee & bueae che i xe riussii far col prosecco.

Mi son del 1975. Annata bona ciò.
I Pink Floyd pubblica almbum Wish You Were Here.
Checo Guccini xe drio scivar e ultime paroe de l’Avvelenata che pubblica l’anno dopo, Vasco fonda Punto Radio a Zocca e la Viola vinse a Coppa de Lega Italo-Inglese contro el West Ham.

Ma no tute e annate xe bone.
E no sempre el glera fa quel che se speta el vignaioeo.
Che però gà xa venduo el vin chel gà ancor da vendemare. Che però el mercato domanda.
A seen cresse

Capita. Ma a seen no tea fermi mia. E se te si nel clù dea fama del prodotto, prosecco bisogna che te ghe ne produca.
El mondo vol prosecco.
No a pace nel mondo. El mondo vol prosecco.

Che no xe sol na roba da bere ma xe deventà na roba che a seconda dee circostanse pol:
scandir el tempo: el tempo de un prosecco
deventar motivo de appuntamento: se trovem pa un prosecco
cura de qualsiasi malattia: bevete un prosecco e passa tutto
moneta: te vansi un prosecco

E xe anca na roba co cui te pol far tanti skei e a seen de skei no la ferma nissun.
Gnanca e tempeste.
Gnanca el bruto tempo.
A seen de prosecco no tea stui gnanca col prosecco.

Nee coline del prosecco chiunque gavesse un fassoeto de terra gà piantà glera.
Anca sui vasi in giardin dir el vero.
Glera dapartutto.
E tutti vignaioi. Anca i astemi. Anca se poco presenti nel teritorio

E na parte de Veneto che SOL e COL prosecco gà fatto fortuna, skei e anca casini.
Tanta fortuna.
Tanti skei.
E tanti casini.

Tutti a coltivar glera. Sol che glera.
E pompèo sto glera perché produca mejo de pi … e ciavate se dopo te scariche nee falde i pesticidi …
Basta produrre prosecco.
E taja xo boschi.
E pianta glera anca la. Ciava un casso dei dissesti. Pianta glera.

E col glera taca far skei tuti: da quei dee barbatee, passando par quei che vende leame pae vigne a qui che fa e botiglie e i tappi.
Tuti.

E da a passion pa far vin portemeo a industria.
Ma demoghe un aspetto bucolico a ste industrie.
Al turista che vien qua ghe mostremo e colline da fotografar all’alba e al tramonto mia come che sfrutemo el teritorio.

El boom del prosecco:

dai 2 milioni di ettolitri nel 2013 a oltre 3,5 milioni nel 2018

E demoghe incentivi regionai pa a venerasion del glera.
E versimo cantine anca nei quartieri residensiaii …
Na ECONOMIA BASADA SOL PROSECCO.

Ma …. quando a seen xe tanta no te possa dissertar tutti perché el glera queo produce:
- 180 quitai ettaro pa a DOC
- 130 pa a DOCG
- 250 a IGT
- 120 nei 108 etari del Cartizze.
De pi te teo scordi.

E prosecco iera do zone:
Monteo-Colli Asolani
Conejan-Valdo.
Stop.
Cinquecento milioni di bottiglie di prosecco l’anno.

E che fosse uve DOC o uve IGT fasea a so diferensa. Al tempo.
Prima che scopiasse a BOLLA DEL PROSECCO.
Pian pian però a differensa de vaoere xe ndatà sempre pi riducendose e che fosse DOCG o IGT no ghe ne ciavava pi un casso a nissun.

E gnanca dea zona de produsion.
Contava sol el prezzo e el nome dea cantina.
Contava el MARKETING DEL PROSECCO. El come, dove e da chi vegnea fatto contava pi un casso.

Fregava pi un casso a nissun se el glera cressea in colina ventilata acaresada dai primi raggi de soe aea mattina, se a vendema vegneva fatta a man o se i lo gavea piantà in pianeggiante.
Chi che bee tanto par ber, no ghe ne ciava un casso.

Basta che sia prosecco. Anca se prodotto in zone che no centra un casso col prosecco.
Tanti bee. In pochi sa ber ben.
Par mi ber xe na religione. E forse xe unica roba so cui so fedele.

El marketing del prosecco ...
Tutto prosecco.
Che sia fadiga farlo cressere nee coine o in pianura xe prosecco.
Che se vendete a man o vendema coi machinari sempre prosecco xe.
E so questo i vignaioi xe ndati nosse anca col supporto del Consorsio Prosecco doc.

Far skei.
Suito.
Sensa distinsion tra viticolture.
Sensa differenza. Tutto prosecco dio bello.
Via a campagne marketing sol prosecco.
El mondo gà da ber prosecco. Consorsio pa incentivar ber prosecco.
Risultato: tutti vol prosecco.

E se prosecco no ghe n’è prosecco se crea.
Sicome no se fa pi diferensa tanto val zontarghe qualcossa pa trasformar in prosecco anca quel che prosecco no xe.
Basta ciamarlo prosecco.
E alora succede che se sputana anca el prosecco a fine.

Capita na annata che far cagar. 2014.
1) Renzi denventa el pi zovane presidente del consiglio d’italia.
2) A Scosia fa referendum indipendenza ma i scozzesi decide de restar coea Regina (dio santo capir un casso come stie de vita)

Annata che far cagar veramente el 2014:
3) Boko Haram sequestra na roba tipo 200 donne e tosete
4) Riva l’Ebola
5) A Giuve vinse el scudetto n. "a caso" (che tanto xe istesso)
Ma soprattutto scarsa quantità e peso ancor quaità de prosecco.

Ma se pol mia star sensa prosecco.
Sarà mia un problema … basta zontar uve... foreste..
SI UVE FORESTE.

... basta zontar uve de altre parti.
Basta falsificar i registri de carico e scarico dee uve …
ENTRA ACQUA IN CANTINA E ESSE VIN. ANSI PROSECCO.
E pai bolli dee etichette ? Nessun problema. Contabilità parallele.
E alora vini che col glera no centra un casso deventa prosecco.

Uve foreste croate o serbe deventa magicamente uve de Valdobiaddene.
Vien prodotto pi prosecco docg dei massimai previsti dai disciplinari.
E grado natural manco del minimo richiesto.
Maedete barbatee … maedeti innesti ... COL CASSO.

Ma Basta che sia prosecco.
Acqua sporca de scarsa quaità vendua a caro presso.
Co e denominasion.
P R O S E C C O.

Importante xe che tutti ghe ne guadagne.
Tutti quei del giro.
Perché co xe ora de metterse insieme pa progetti boni deventa impossibie far rete ma co xe ora de spartise skei arei la ... TUTI IMPIRAI PAL SPAGO (@Pennacchiiiii traduci va che no so spiegarlo, grassie)

E allora ghe xe i aministratori dea cooperativa, qualche dipendente, i soci i fornitori che se mete d’accordo pa inviar pi uva rispetto ai massimi stabii dai disciplinari.

Da ste uve te fa mosti e invesse de ciamarlo VIN teo ciami PROSECCO DOC.
Come se mi da doman te me ciamassi MARIA al posto de Federica.

Basta tor mosto – anca foresto - , zontaghe succaro e qualche sostansa pa aumentarghe el grado alcolico e teo ciami Prosecco.
E che i se ciave quei che scrupoeosamente segue a traciabiità del prodotto dio caro. Quei che vol laorar ben.
Che se ciave el glera. CONTA EL SUCARO.

Xe successo.
E pol succedar de novo.

Perché a seen xe tanta. E el fiasco corto. E a vita a pi grande imbriagatura. Mentre stai bevendo intorno a te tutto gira (cit.)

E gira anca i maroni quando quei che dovaria tutear el Prosecco DOCG dei vignaioi che fa vin vero, pa amore, pa passion, PA CREDO RELIGIOSO tira fora serte storie..

xe permesso par legge zontar succaro e acido tartico e anca el solforico.
Xe permesso..
Xe acidi naturai e no i fa mia mal … el solforico se usa pa sanificar i serbatori e e vasche …

O robe tipo .. lo gà fatto sol in do cantine tutte chealtri xe brai.
NO STEMO MIA VARDAR I POMI MARSI.
Spetemo i esiti dee indagini ....

Ma vanti sempre perché FINCHE' GHE XE PROSECCO GHE XE VITA.
A Valdobbiadene.
E SPERANSA.
Vo berme un Valpo Ripasso desso.
End.