மூக பஞ்சசதீ ஸ்தோத்ரத்தில் பாதாரவிந்த சதகம் 92வது ஸ்லோகத்தில் ‘ஸ்வஸங்கா³த் கங்கேலி ப்ரஸவஜனகத்வேன ச ஶிவே’ என்று ஒரு வரி. கங்கேலி, அசோகம், காமகேலி என்று சில மரங்கள் உள்ளன. அந்த மரங்கள் சுமங்கலிகள் வந்து பேசிக்கொண்டிருந்தாலோ காலால் உதைத்தாலோ நன்றாக பூக்கும் என்று ஓர் ஐதீகம். அதே போல் 
அம்பாளுடைய பாதத்தினுடைய சம்பந்தம் ‘ஸ்வஸங்கா³த்’.. ‘கங்கேலி ப்ரஸவஜனகத்வேன ச ஶிவே’ – சாதாரண சுமங்கலி பெண்கள் பாதம் பட்டாலே கங்கேலி மரம் பூக்கும் என்றால்.. “நாரீ குலைக சிகாமணி:”அம்பாளுடைய பாதம்பட்டு அந்த மரம் எவ்வளவு சந்தோஷம் பட்டு எவ்வளவு பூக்கும்! சாதாரணமாக வசந்தகாலம் வந்தால் இந்த
மரங்கள் எல்லாம் கொஞ்சம் பூக்கும். அம்பாளுடைய பாதத் தொடர்பாலே நன்றாக பூக்கின்றன. அதனால் உன் பாதத்தை வசந்தகாலம்.. ஸுரபி என்று சொல்லலாம். “ஸுரபி” என்கிற சொல்லுக்கு மூன்று வித பொருள் உள்ளன. எல்லாமே அம்பாளுடைய பாதத்துக்கு பொருந்தும் என்று மூக கவி அந்த ஸ்லோகத்தில் சொல்கிறார்.
மஹாபெரியவா இந்த மூணாவது வரியை எடுத்துக்கொண்டு “அப்படி பெண்களுடைய பாதம் பட்டாலே மரங்கள் கூட பூக்கும்னா, அப்பேற்பட்ட சுமங்கலிகள் நம்மளுடைய ஆத்துக்குள்ள வந்தா எவ்வளோ க்ஷேமம் ஏற்படும்! அதனால சர்வ தாம்பூலம் அப்படினு பாகுபாடு இல்லாமல் எல்லா சுமங்கலிகளையும் கூப்பிட்டு மங்கள பொருட்களை
எல்லாம் கொடுக்கணும். அதுக்காகதான் நவராத்திரி வெச்சிருக்கா. அதனால அதை கொண்டாடனும். சக்தி வழிபாடு!” என்று பேசியுள்ளார். பெரியவாளும் நவராத்திரியை மடத்தில் மிக விமரிசையாக கொண்டாடுவார். வரும் அமாவாசைக்கு மறுநாள் முதல் ஒன்பது நாட்களும் கொலு வைத்து, பகலில் துர்கா, லக்ஷ்மி, சரஸ்வதி பூஜை
செய்து, மாலையில் சுமங்கலிகளை உபசரித்து, லலிதா சஹஸ்ரநாமம், துர்கா சப்தசதீ, மூக பஞ்சசதீ, அபிராமி அந்தாதி, முதலிய ஸ்தோத்ர பாராயணங்கள் செய்து, அம்பாள் மீது கீர்த்தனங்கள் பாடி, குழந்தைகளுக்கு சுண்டல் விநியோகம் செய்து நவராத்திரியை நன்றாக/பாதுகாப்போடு கொண்டாடுவோம்.
From mahaperiyavaa.org
• • •
Missing some Tweet in this thread? You can try to
force a refresh
