Thread by @VigneshAnand_Vm

#DMK4TN

திராவிட இயக்கம் இனத்தை முன்னிருத்தி மொழியை காத்தது - மொழியை முன்னிருத்தி இனத்தை காத்தது என்று அண்ணன் ஆ.ராசா அவர்கள் பல முறை சொல்லியுள்ளார்.

அதை வரலாற்று சான்றுகளுடன் நம் பேரறிஞர் அண்ணா விளக்குகிறார் .

1/n

நெடுங்காலமாகவே, ஆரியத்தின் அணைப்பிலிருந்து விடுபட, திராவிடம் பலமுறை முயன்றிருக்கிறது.
சில நேரத்தில் செயலற்று இருந்தது என்ற போதிலும், அடியோடு சரண் புகுந்ததில்லை.

அடிக்கடி தனித்தமிழ், வேளாளர் நாகரிகம், உண்மை சைவம், பண்டைய நாகரிகம், என்று பல்வேறு தலைப்புகளில் கிளம்பிய இயக்கங்கள் யாவும், மூல முயற்சியின் சிறு கிறு பதிப்புகளேயாகும்.

இவை ஒவ்வொன்றும் தேவை, பலனுண்டு இவற்றால் என்று போதிலும், இவை, மக்களில் சிலரால் மட்டுமே உணரக்கூடியதாக இருந்த காரணத்தால் மூல முயற்சியை இந்த இயக்கங்கள் பலப்படுத்த முடியவில்லை.

ஒவ்வொன்றும், தனித்தனி இயக்கங்களாக மாறிவிட்டன. முரண்பாடுகளாகவும் தெரியலாயின விரோத உணர்ச்சியும் கூட வளர்ந்தது. தமிழகத்தில், பல முகாம்கள் தோன்றலாயின.

மூல முயற்சியை மறந்து விட்டார்
கண்ணைக் கட்டிவிடப்பட்ட வீரன், சாலையில் நடந்து செல்கையில், மரத்துக்கு மரம் மோதிக்கொண்டு சங்கடப்படு வதைப் போல, நாடு இருந்தது.

மீண்டும் ஒருமுறை திராவிட இன உணர்ச்சி தோன்றுமா என்பதே சந்தேகமாகிவிட்டது. அந்த உணர்ச்சி அடியோடு மடிந்துவிட்டது என்று மாற்றார் மகிழவும் செய்தார் ஆனால் இலட்சியம் முடியவில்லை. சமயத்துக்காகக் காத்துக் கொண்டிருந்தது. பலப்பல சமயங்கள் வந்தன. ஆனால் சரியான சமயங்களாக இல்லை.

இந்தி எதிர்ப்புப் போராட்டம் தக்க சமயமாயிற்று. நாடு முழுதும் காங்கிரஸ் மீது கோபம் மட்டுமல்ல அந்த அளவு குறைவுதான் - தமிழ்ப் பற்றுப்பரவிய காலம். எங்கும் சங்க நூல்களைப் படிக்க ஆரம்பித்த காலம். தமிழனுக்கு தனியாக ஓர் மொழி உண்டு தனியான பண்பு உண்டு என்ற பெருமை பேசலாயினர்.

தமிழ் மொழியைக் காப்பாற்ற ஆயிரத்துக்கு மேற்பட்டவர்கள் சிறை சென்ற காட்சி, தமிழரின் உள்ளத்திலே ஒரு புது உணர்ச்சியை உண்டாக்கிவிட்டது. மொழியால் இன உணர்ச்சி மீண்டது . (இலட்சிய வரலாறு)