Thread by @IAAAAI3

Arkeologiarako Arabar Institutuko lagun agurgarriak:

Lehenik eta behin, eskerrak eman nahi dizkizuegu Institutu honek 2020 berezi honetan garatu dituen jarduerei eskaini diezuen arretagatik.

Ezagutzen dituzue egiten ditugun jarduera guztiak: ondarearen babesa, dibulgazioa, hitzaldiak, aztarnategietako bisitak, barferentziak, sare sozialetako lana, ikerketa...

Programazio honek, eta IAA/AAI-ren iraupenak, hiru oinarri ditu: bazkideak, zeinen kuotek eta elkarte honen aldeko lanek erakundea bizirik mantentzen duten; zenbait erakunderekin hitzarmenak, @VitalFundazioa edo @Araba_Eus, batik bat;

Eta, jakina, gure bisita zein hitzaldietara joaten zaretenok, ekonomikoki laguntzen diguzuelako eta gure argitalpenak erosten dituzuelako.

Arabako ondare arkeologikoaren defentsan agente aktiboak -oraindik gehiago- izatea eskatzen dizuegu, bazkide gisa, elkarte honen parte izanez. Zuen kuotak (40,00 € urtean) gure ekitaldi gehienetara doan joatea ahalbidetuko luke, gure publikazioak dohainik bidaltzeaz gain.

Gainera, aukera izango zenukete egiten ditugun lanetan laguntzeko, jarduerak proposatzeko, trebatzeko, ikertzaileekin landako edo laborategiko lanetan parte hartzeko eta gai arkeologikoei buruzko azken berriak ezagutzeko.

Gure Institutuko kide izanik, gainera, gure iragan arkeologiko aberatsa zabaltzen eta ikertzen lagunduko zenukete. Batzuek uste dute harri zahar horiek traste zahar hutsak direla. Guk badakigu zuen etorkizunaren eta gure ondarearen parte direla.

Etorkizun horren parte izatera gonbidatzen zaitugu.

Informazio guztia honako esteka honetan duzue: iaa-aai.org/antbuspre.asp?…
Bazkide egiteko inprimaki bat bete eta karneteko argazki batekin batera [e-mail] helbidera bidali behar duzue.

Eskerrik asko aldez aurretik