Thread by @AliBhattiTP

غزوہ دومۃ الجندل ان غزوات میں سے ہے جس میں کسی بھی سپاہی کا خون نہیں بہا اور بغیر کسی لڑائی کے مال غنیمت مسلمانوں کے ہاتھ آیا،
اور یہ جگہ تاریخ میں کئی مناسبتوں کے لحاظ سے مشہور ہے۔
غزوہ دومتہ الجندل 25 ربیع الاول 5 ہجری

کو پیش آیا۔ دومتہ الجندل اس وقت حکومت روم کی حدود میں صوبہ شام کا ایک سرحدی شہر تھا۔
اس وقت دومة الجندل سعودی عرب کے شمال مغربی حصے صوبہ الجوف میں میں واقع ہے۔
دومتہ الجندل شمال کی جانب اردن کے

ساتھ، جنوب کی جانب سے تبوک کے ساتھ اور شمال مشرق کی جانب سے صوبہ "حدود" کے ساتھ متصل ہے۔
یہ علاقہ شہر "سکاکا" کے جنوب میں واقع ہے اور خشک صحرائی اور صوبے کا گرم ترین علاقہ ہے۔
دومۃ الجندل سے دارالحکومت ریاض کا

فاصلہ 1045 کلومیٹر، مکہ مکرمہ تک کا فاصلہ 1334 کلومیٹر اور مدینہ تک 855.9 کلومیٹر ہے۔
2010 عیسوی کی مردم شماری کے مطابق دومۃ الجندل کی کل آبادی 440,009 تک پہنچتی ہے۔
دومۃ الجندل کا لفظی معنی دومہ کے پتھر ہے۔

دومہ حضرت اسماعیل علیہ السلام کے بارہ بیٹوں میں سے ایک بیٹے کا نام ہے۔
شہر کا عکادی زبان میں نام الدومتو تھا
دومۃ الجندل میں بعض مشرکوں نے بسیرا ڈال رکھا تھا اور مسلم اور غیر مسلم تاجروں کو لوٹتے تھے اور تشدد کا نشانہ

بناتے تھے، راہزنوں اور مشرکوں کا یہ اجتماع اسلامی حکومت کے لئے بھی خطرہ سمجھا جارہا تھا،
جب رسول خدا(صلی ﷲ علیہ و آلہ و سلم) ان کے اس تشدد سے مطلع ہوئے تو آپ نے ان کو انکے کاموں سے روکنے کی غرض سے ایک جہادی مہم کا فیصلہ کیا تاکہ

تجارتی کاروان امن و امان کے ساتھ وہاں سے گزر سکیں۔

25 ربیع الاول 5 ہجری کو رسول خدا(صلی ﷲ علیہ و آلہ و سلم) نے "سباع ابن عرفطہ غفاری" کو مدینہ میں جانشین مقرر کیا اور ایک ہزار مجاہدین کا لشکر لے کر مدینہ سے

خارج ہوئے اور دومۃ الجندل کی طرف روانہ ہوئے،
آپ نے حکم دیا کہ مسلمان راتوں کو سفر کریں اور دنوں کو چھپ کر رہیں تاکہ مشرکین کو ان کے آنے کی خبر نہ پہنچے،
لیکن مشرکین کو کسی طرح سے لشکر کے

بارے میں اطلاع دستیاب ہوگئی جیسے ہی انھیں اس بات کی خبر ملی کہ رسول خدا(صلی ﷲ علیہ و آلہ و سلم) ان پر حملہ کرنے والے ہیں وہ لوگ شہر سے نکل کر اطراف کی طرف بھاگ کر پھیل گئے،
اور جب مسلمانوں کا لشکر وہاں پہنچا تو

انہیں وہ پورا علاقہ خالی ملا، رسول خدا(صلی ﷲ علیہ و آلہ و سلم) نے چند روز وہیں پر قیام فرمایا اور علاقہ کے لوگوں تک رسائی حاصل کرنے کے لئے مجاہدین کے کئی دستے اطراف کی طرف روانہ کئے لیکن انہیں کوئی بھی نظر نہ آیا

سوائے ایک شخص کے جو ان کے ساتھ بھاگنے میں کامیاب نہ ہوسکا،
مسلمانوں نے اس شخص سے پوچھا کہ دومۃ الجندل کی عوام کہاں گئی؟
اس شخص نے کہا:
وہ سب مل کر یہاں سے فرار ہوگئے تاکہ تمہاری طرف سے کسی بھی قسم کے نقصان سے امان میں رہیں۔

رسول خدا(صلی ﷲ علیہ و آلہ و سلم) نے اس شخص کو اسلام کی دعوت دی اور اس نے اسلام قبول کرلیا،
یوں یہ غزوہ بغیر کسی مسلحانہ جنگ کے اختتام کو پہنچا،
سپاہ اسلام 20 ربیع الثانی 5 ھجری کو

بغیر کسی نقصان کے مال غنیمت کے ساتھ مدینہ واپس ہوئی۔
اس علاقے میں "غزوہ دومۃ الجندل" سمیت کئی تاریخی واقعات رونما ہوئے جس کی وجہ سے اسلامی منابع و تواریخ میں اس

مقام کا نام متعدد بار دہرایا گیا،
اس علاقے کا دوسرا نام جوف السرحان تھا

مختصر معلوماتی اسلامی اور تاریخی اردو تحریریں پڑھنے کیلئے
دوسرا اکاؤنٹ فالو کریں 👈 @Pyara_PAK

ہمارا فیس بک گروپ جوائن کریں ⁦👇👇
bit.ly/2FNSbwa