Thread by @r_raktade

#नर्क_चतुर्दशी : स्त्रियांचा सन्मान करणारा दिवस

आज नरक चतुर्दशी. भगवान श्रीकृष्णांनी आपली पत्नी सत्यभामाच्या मदतीने अनन्वित अत्याचार करणाऱ्या नरकासुराचा वध केला, तो दिवस...

नरकासुराने आपल्या बंदीखान्यात हजारो स्त्री- पुरुष व बालकांना बंदिस्त करून ठेवले होते. असुरांतर्फे या सर्व लोकांवर प्रचंड अत्याचार सुरू होते. स्त्रियांचे शील भक्षण या असुरांमार्फत होत होते. त्यामुळे नरकासुराचा अत्याचार पाहून भगवान श्रीकृष्ण यांनी नरकासुराचा वध करण्याचे ठरवले.

पण त्याचा मृत्यू केवळ स्त्रीच्या हातानेच होऊ शकेल, अन्य कोणत्याही कारणास्तव त्याचा मृत्यू होणार नाही, असे वरदानही त्यास प्राप्त होते. म्हणून श्रीकृष्णांनी आपली पत्नी सत्यभामा हिला आपल्या रथाची सारथी बनवून तिच्या हस्ते नारकासुराचा वध करविला.

नरकासुराने कैद केलेल्या सर्व कैद्यांची सुटका करण्यात आली. परंतु, समाज मात्र नरकासुराने कैदी केलेल्या स्त्रियांना त्यांचे पावित्र्य भंग झाले, म्हणून स्वीकारत नव्हता. त्यांना त्यांचा सन्मान मिळत नव्हता. स्त्री म्हणून त्यांचे जीणे अवघड होऊन बसले होते.

स्त्री ला माता म्हणून संबोधले जात नव्हते, की पत्नी म्हणून स्वीकारले जात नव्हते. आपल्याला न्याय मिळावा म्हणून या सर्व स्त्रिया श्रीकृष्णाकडे याचना करू लागल्या. त्यामुळे समाजाची स्त्री कडे अश्या कुत्सितपणे बघण्याची वृत्ती पाहून -

भगवान श्री कृष्णांनी अश्या सोळा हजार स्त्रियांशी विवाह (संसार नव्हे) केला. त्यांना आपलेसे केले. त्यांना पुन्हा सन्मान प्राप्त करून दिला व स्त्री सन्मानाचा एक नवा पायंडा निर्माण केला.

आजच्या परिस्थितीनुरूप बोलायचे झाले तर आपण हिंदूंनी स्वतःतील श्रीकृष्ण तत्वाला जागृत करून #लव्हजिहादीरुपी #नरकासुरांच्या विळख्यातून हिंदू भगिनींची मुक्तता करण्याचे धर्मकार्य करण्यात पुढाकार घ्यावा. आपल्या घरात आपल्या मुलींना, बहिणीला धर्मशिक्षण द्यावे.

आपल्या धर्माची महत्ता समजावून सांगावी. तिला लव्हजिहादची भीषणता समजावून सांगावी. याच आजच्या मंगलमय दिवसानिमित्त समस्त हिंदू बांधवांना शुभेच्छा...

।। जय हिंदूराष्ट्र ।।