Thread by @AliBhattiTP

ایک چھوٹی سی گزارش

"اے سبزی والے ذرا ایک کلو آلو ، آدھا کلو مٹر ، اور ایک کلو ٹماٹر دینا۔ اور ہاں تازہ سبزی دینا۔ گلی سڑی نہیں۔"
"باجی میرا مال بالکل تازہ ہے۔ دیکھیں، گلی سڑی سبزیاں میں پہلے ہی پیٹی میں ڈال دیتا ہوں۔" یہ کہتے ہوئے بخشو نے ٹھیلے کے

نیچے بندھی پیٹی کی طرف اشارہ کیا۔
"ارے بھائی گلی سڑی سبزیاں پھینک کیوں نہیں دیتے ؟ کیا ضرورت ہے سنبھال کر رکھنے کی؟"
"باجی، جانور مویشی کے آگے ڈال دیتا ہوں۔

بے زبان دُعا دیتے ہیں۔"
بخشو دن بھر پھیری لگاتا تھا۔ بڑی مشکل سے گزارہ ہوتا تھا۔ اُس نے اپنے دونوں بچوں کو اسکول میں داخل کروا دیا تھا تاکہ پڑھ لکھ کر عزت کی دال روٹی کما

سکیں۔ مہنگائی نے کمر توڑ دی تھی۔ اُوپر سے اسکول کی کتابیں، یونیفارم یہ الگ خرچے تھے۔
شام کو تھکا ہارا بخشو گھر آیا اور اپنی بیوی تارا کو آواز دی ۔۔۔
"تارا۔۔۔ اری او۔۔ تارا! لے

کھانا تیار کر بچے بھوکے ہونگےِ" یہ کہتے ہوئے بخشو نے ٹھیلے کے نیچے بندھی پیٹی کھول کے تارا کو پکڑا دی۔"
کئی سال پہلے، کالج کے زمانے میں میری ٹیچر نے ایک بات کہی تھی کہ گلی میں

پھیری لگانے والوں سے کبھی بھاؤ نہ کریں۔ کبھی حشر گرمی، کبھی بارش اور آندھی طوفان، کبھی یخ سردی میں چند ٹکوں کا منافع کمانے کے لئے صبح سے شام تک خوار ہوتے ہیں۔ ہم لوگوں کا المیہ یہ ہے کہ بڑے سپر سٹورز میں

مہنگے داموں چیز خرید لیتے ہیں، چوں نہیں کرتے، لیکن پھیرے والے سے دھنیا اور مرچوں پر بھی بحث شروع کر دیتے ہیں .

مختصر معلوماتی اسلامی اور تاریخی اردو تحریریں پڑھنے کیلئے
دوسرا اکاؤنٹ فالو کریں 👈 @Pyara_PAK

ہمارا فیس بک گروپ جوائن کریں ⁦👇👇
bit.ly/2FNSbwa