Thread by @Raamraaj3

சில நாடுகளின் லாபத்திற்காக உலகம் பாதிக்கப்படக்கூடாது

புதுடில்லி : தென் சீனக் கடலில் சீனாவின் ஆக்கிரமிப்பு முயற்சியை மறைமுகமாக கண்டித்து பன்னாட்டு இணைய கருத்தரங்கில் 'வீடியோ கான்பரன்ஸ்' வாயிலாக வெளியுறவுத் துறை அமைச்சர் ஜெய்சங்கர் பேசியதாவது:

இந்திய - பசிபிக் கடல் பிராந்தியக் கொள்கை என்பது எதிர்காலத்திற்கானது; அதை முந்தைய காலகட்டத்திற்கு தள்ளக் கூடாது.

பனிப் போரை விரும்பும் நாடுகள் தான் அத்தகைய பிற்போக்கான எண்ணத்தை விரும்பும். சமீப காலத்தில் இந்திய - பசிபிக் மற்றும் 'ஆசியான்' அமைப்புகள் குறிப்பிடத்தக்க வரவேற்பையும் முன்னேற்றத்தையும் அடைந்து வருகின்றன.

ஒரு சில நாடுகளின் லாபத்திற்காக சர்வதேச நாடுகள் பாதிக்கப்படக் கூடாது என்ற நோக்கத்தில் இந்திய - பசிபிக் கடல் பிராந்தியக் கொள்கை உருவாக்கப்பட்டுள்ளது.

'குவாட்' அமைப்பிடம் காணப்படுவது போன்ற பன்முகத் தன்மையும் துாதரகங்கள் இடையிலான பேச்சின்வாயிலாகவும் இந்திய-பசிபிக் கடல் பிராந்திய கொள்கைக்கு செயல் வடிவம் கொடுக்கலாம். இவ்வாறு அவர் பேசினார்.

தினமலர்