Thread by @odiajagat

“ ନା କାର୍ତ୍ତିକ ସମୋ ମାସୋ ନ କୃତେନ ସମଂ ଯୁଗମ୍ବ
ନ ବେଦ ସଦୃଶଂ ଶାସ୍ତ୍ରଂ ନ ତୀର୍ଥଂ ଗଙ୍ଗାୟା ସମମ୍ I
କାର୍ତ୍ତିକ ମାସ ଭଗବାନ ବିଷ୍ଣୁଙ୍କର ଅତିପ୍ରିୟ ମାସ ତନ୍ମଧ୍ୟରୁ ଶେଷ ପାଞ୍ଚଦିନ ଅର୍ଥାତ୍ କାର୍ତ୍ତିକ ଶୁକ୍ଳ ଏକାଦଶୀ ଠାରୁ ପୂର୍ଣ୍ଣମୀ ପର୍ଯ୍ୟନ୍ତ ପବିତ୍ର ପାଞ୍ଚଦିନକୁ ଭୀଷ୍ମ ପଞ୍ଚକ, ବକ ପଞ୍ଚକ, ମହାପଞ୍ଚକ ଇତ୍ୟାଦି କୁହାଯାଏ ।

Laxminarayan / Thiakia Besha
ଲଷ୍ମୀ ନାରାୟଣ / ଠିଆକିଆ ବେଶ

ପଞ୍ଚୁକର ପ୍ରଥମ ଦିନ କାର୍ତ୍ତିକ ମାସ ଶୁକ୍ଳପକ୍ଷ ଏକାଦଶୀ ଦିନ ଶ୍ରୀଜୀଉମାନଙ୍କର ଅବକାଶ ନୀତି ସମାପନ ହେବା ପରେ ଠିଆକିଆ ବା ଲକ୍ଷ୍ମୀନାରାୟଣ ବେଶ ହୋଇଥାଏ । ମସ୍ତକରେ ସୂବର୍ଣ୍ଣ କିଆ ଠିଆ ଭାବରେ ଲାଗି ହେଇଥିବାରୁ ଏହି ବେଶର ନାମକରଣ କରଯାଇଛି ବୋଲି କୁହାଯାଏ ।

ଏହି ବେଶରେ ଥାଇ ଠାକୁରମାନଙ୍କ ଗୋପାଳ ବଲ୍ଲଭ, ସକାଳଧୂପ, ବାଳଭୋଗ ଓ ଭୋଗମଣ୍ଡପ ନୀତି ଆଦି ହୋଇଥାଏ । ଏହି ମାସରେ ଅନୁଷ୍ଠିତ ରାଧାଦାମୋଦର ବେଶରେ ଠାକୁର ମାନେ ହସ୍ତରେ ନଳୀଭୁଜ ଧାରଣ କରୁଥିବା ବେଳେ ଏହି ବେଶରେ ଶ୍ରୀଭୁଜ, ଶଙ୍ଖ, ଚକ୍ର,ହଳ-ମୂଷଳ ଧାରଣ କରିଥାନ୍ତି । ସୁଭଦ୍ରାଙ୍କ ବେଶରେ କୈଣସି ପରିବର୍ତ୍ତନ କରାଯାଏ ନାହିଁ ।

ଲଷ୍ମୀ ନାରାୟଣ / ଠିଆକିଆ ବେଶ:-

ଏହି ବେଶ ରେ ଶ୍ରୀଜୀଉଙ୍କୁ ଲାଗି ହେଉଥିବା ସ୍ବର୍ଣ୍ଣ ଅଳଙ୍କାର ମାନ ହେଉଛି

୧. ତ୍ରିସାଖା, ୨. ସୂର୍ଯ୍ୟ ଚନ୍ଦ୍ର ,୩. ତିଳକ , ୪. ତଦଗୀ , ୫. କର୍ଣ୍ଣ କୁଣ୍ଡଳ , ୬. ସ୍ବର୍ଣ୍ଣ ଶ୍ରୀଭୁଜ, ୭. ହଳ , ୮. ମୁଷଳ, ୯. ଚକ୍ର , ୧୦. ଶଙ୍ଖ ,୧୧. ଅଳକା , ୧୨. କଦମ୍ବ ମାଳି , ୧୩. ହରିଡ଼ା ମାଳି

୧୪. ବାହାଡ଼ା ମାଳି , ୧୫. ତାବିଜ ମାଳି ,୧୬. ବାଘ ନଖି ମାଳି, ୧୭. ସେବତୀ ମାଳି , ୧୯. ଓଡ଼ିଆଣି , ୨୦. ଟୋପର ୨୧. ସ୍ବର୍ଣ୍ଣ କିଆ

ସମସ୍ତ ସ୍ବର୍ଣ୍ଣ ଅଳଙ୍କାର ଗୁଡିକକୁ ପୁଷ୍ପାଳକ ସେବାୟତ ପୁଷ୍ପମାଲ୍ୟ, ପାଟ ବସ୍ତ୍ର ଦେଇ ଶ୍ରୀ ଜୀଉଙ୍କ ଠିଆକିଆ ବେଶ କରିଥାନ୍ତି।ଏହି ବେଶରେ ଶ୍ରୀଜୀଉଙ୍କ ମସ୍ତକରେ ଥିବା ଟୋପର ରେ କିଆ ଖଞ୍ଜା ଯାଇଥାଏ।