Thread by @Raamraaj3

‘ஹோலி கான்சர்’- என் வாழ்க்கையை காப்பாற்றிய பசு

நவராத்திரி உற்சவம் ஊரெங்கும் திருவிழாக் கோலம். உறவினர்கள் நண்பர்கள் நம் வீட்டுக்கு வருவதும் நாம் அவர் வீட்டுக்குச் சென்றும் சந்தோஷம் பரிமாறிக் கொள்ளும் நேரம். இப்படி நான் எனது தோழி வீட்டிற்குச் சென்றேன்.

நவராத்திரி கொலு ரசித்து பாட்டுப் பாடி, சுண்டல் சாப்பிட்டு வீட்டுக்குக் கிளம்பும் முன் தாம்பூலம் தந்தாள் என் தோழி அதிலிருந்த ரிட்டர்ன் கிப்ட் (return gift) புதியதாக இருந்தது அவளிடம் என்னவென்று கேட்டேன், அது பஞ்சகவ்ய விளக்கு என்றாள். மிகவு‌ம் விசேஷம் என்றும் கூறினாள்.

என்ன டா இது பஞ்சகவ்ய விளக்கு… பஞ்சகவ்வியம் என்றால் எ‌ன்ன என்று இன்டெர்நெட்டில் வலை வீசி தேடினேன். அ‌ந்த தேடலில் நான் பஞ்சகவ்வியத்தைப் ப‌ற்‌றியும் அதன் பயன்களைப் பற்றியும் அறிந்த ஒரு உண்மை சம்பவத்தை உங்களுடன் பகிர்கிறேன்.

குஜராத்தை சேர்ந்தவர், ஆனால் அமெரிக்காவில் பிறந்து, பொருளாதாரத்தில் Ph.D பட்டம் பெற்றவர் அமித் வைத்யா. இவர் பொழுதுபோக்கு துறையின் வணிக துறையில் பணியாற்றி வந்தார்.
வாழ்க்கை ஒரு கனவு போல மிக சந்தோஷமாக இருந்தார்.

படிப்பு, பணம், பதவி என்று அழகான அமெரிக்க வாழ்க்கை என்று இருந்த அவருக்கு 27 வயது. அவரது தந்தையாரின் மறைவுக்கு பின் சில மாதங்களில் முதல் கட்ட வயிற்று புற்று நோய் (gastric cancer) என்று கண்டறியப்பட்டது.

சுறுசுறுப்பான வாழ்க்கை, எப்பொழுதும் எத்துறையிலும் ஒரு சாதனையாளராக விளங்கிய அவருக்கு  கனவெல்லாம் சுக்குநூறாக சிதறியது போல தோன்றியது. 27 வயதில் நல்ல உயரத்தை எட்டிய எனக்கு அது ஒரு பெரிய வீழ்ச்சி, என்றார் அவர்.

அறுவை சிகிச்சைக்கு பதிலாக அவர் நியுயார்க் நகரத்தில் கீமோ கதிர்வீச்சு சிகிச்சை செய்து கொண்டார். இரண்டு வருடங்களுக்கு பின்னர் நிவாரண மருத்துவமும் எடுத்தார்.

அவர் உடல் நிலையில் மாற்றம் ஏற்பட்ட இரண்டு மாதங்களில் அவரது தாய்க்கு மூன்றாம் நிலை மூளை கட்டி (stage-3 brain tumour) கண்டறியப்பட்டு அவரையும் இழக்க நேரிட்டது. பதினெட்டு மாதங்களுக்குப் பிறகு ஸ்கேன் செய்ததில் அவருக்குப் புற்று நோய் திரும்பியது தெரிந்து மனம் உடைந்து போனார்.

இந்த முறை கல்லீரலில் தோன்றியது.  ஒன்பது மாதங்களுக்குப் பிறகு எந்த சிகிச்சையும் பலன் அளிக்காமல் புற்று நோய் நுரையீரலுக்கும் பரவிற்று.
வெளிநாட்டில் யாரும் இல்லாமல் தனியாக தன் வாழ்க்கையின் கடைசி நாட்களைக் கழிக்க மனமில்லாமல் அவர் இந்தியா செல்ல முடிவெடுத்தார்.

அவரது சொந்தக்காரர் ஒருவர் குஜராத்தில் உள்ள ஒரு ஆயுர்வேத ஆஸ்பத்திரியில் பதினொன்று நாட்களில் புற்று நோயைக் குணப் படுத்துவதாகவும், அதுவும் ஒரே ஒரு ரூபாய் கட்டணத்தில் என்றும் கூறினார். சரி அதையும் ஒரு கை பார்க்கலாம் என்று முடிவெடுத்து அவர் அங்குச் சென்றார்.

அங்கே உள்ள அணுகுமுறை மிக ஒழுக்கமான முறையிலிருந்தது என்று கூறுகிறார். யோகா, தியானம் தவிர பசும் பால், தயிர், நெய், பசுவின் சாணம், கோமியம் கலந்த ஒரு மருந்தை அருந்தக் கொடுத்தார்களாம்.

கீமோவினால் சாப்பாட்டை ரசிக்கும் தன்மையை இழந்ததால் அதை அருந்துவது அவருக்குச் சுலபமாக இருந்ததாகக் கூறுகிறார். அந்த மருந்தில் நம்பிக்கை வைத்து அதை உட்கொண்டதாகக் கூறுகிறார்.

பின்னர் எடுத்த ஸ்கேனில் புற்று நோய் பரவவில்லை என்பதைப் பார்த்து அவர் அதே ஆஸ்பத்திரியில் 40 நாட்கள் சிகிச்சைக்காகச் சென்றார்.  புற்று நோய் கட்டுப்பாட்டில் வருவதைப் பார்த்து சிகிச்சையைத் தொடர எண்ணினார்.

அதே ஊரில் ஒரு விவசாயி தன் வீட்டில் தங்க இடம் கொடுத்தார். சிகிச்சை தொடர்ந்தது, சில மாதங்களில் நடக்க முடிந்தது. இன்னும் சில நாட்களில் ஜாகிங், பின்னர் ஓடவும் முடிந்தது, வெகு நாட்களுக்குப் பின் சந்தோஷத்தை உணர்ந்தார்.

அந்த கிராமத்து மக்கள் அவருடன் இருந்தார்கள், அது அவருக்கு ஒரு வரப்பிரசாதமாக அமைந்தது. இப்படியாக பதினெட்டு மாதங்களில் அவர் புற்று நோயிலிருந்து முழுமையாக விடுபட்டார்.
இந்த பயணத்தை மக்களுடன் பகிர்ந்து நம்பிக்கையை வளர்க்கத் தொடங்கினார்.

தனக்கு இந்த வாழ்க்கையைக் கொடுத்த நாட்டிற்காக நான் சேவை செய்வேன் என்று முடிவெடுத்தார். “ஹோலி கான்சர்- எனது வாழ்க்கையை ஒரு பசு காப்பாற்றியது எப்படி” (Holy Cancer- How a Cow Saved My Life) என்ற புத்தகத்தை எழுதினார்.

healingvaidya.org என்ற இணையதளத்தில் இன்னும் விவரங்கள் கிடைக்கும்.
Holy Cancer- How a Cow Saved My Life புத்தகம் அமேசான் மற்றும் ஃபிலிப் கார்ட்டிலும் (Amazon and Flipkart) கிடைக்கிறது.

அமித் வைத்யா அவர்கள் பரிந்துரைக்கும் ஆஸ்பத்திரி- RM Dhariwal Cancer hospital. ஒரே ஒரு ரூபாயில் பஞ்சகவ்ய சிகிச்சை அளிக்கும் இந்த மருத்தவமனை குஜராத்தில் உள்ள வல்சாத் (Valsad-Gujarat) இல் உள்ளது.

சஞ்சிகை பகிர்வு