Thread by @OmkarDabhadkar

"आम्हाला फडणवीस नकोत!"

मिळालेली सत्ता "राबवणं" आणि मिळालेली सत्ता "राखणं" या दोन्ही बाबतीत भाजप नेहेमीच कमकुवत राहिला आहे. केंद्रापासून राज्यापर्यंत. सध्या केंद्रीय स्तरावर सुरु असलेला दिग्विजय भाजपच्या "कोअर स्वभाव"च्या अगदीच विपरीत आहे. पण -

१+

मोदी-शहा जोडगोळीने रेटून बसलेल्या सिस्टीममुळे ते शक्य होतंय. अर्थात, गिव्हन इनफ टाईम, ही सिस्टीम रुजेल आणि तोच कोअर स्वभाव होईल - अशी आशा अनेकांना आहे.

तसं घडेल की नाही हे येणाऱ्या काळात कळेलच.

सध्या हे वास्तव मान्य करणं आणि त्यानुसार -

२+

महाराष्ट्र भाजपचा "परफॉर्मन्स" बघणं आवश्यक ठरतं.

मोदी-शहा जोडगोळीमुळे सतत विजयाची सवय लागलेल्या भाजप समर्थकांना, भाजपच्या मूळ स्वभावानुसार महाराष्ट्रात जे काही घडून आलं ते अजिबात पचनी पडलेलं नाही. ठराविक वर्तुळात अजूनही फडणवीसांना "माननीय मुख्यमंत्री" म्हटलं जातं...तर इतर -

३+

अनेक वर्तुळांत "फडणवीस हटाव!" च्या आरोळ्या ठोकल्या जातात. दोन्हीही इफेक्ट्स एकाच कॉजमुळे झालेत...ही एक गंमतच.

पण - राज्यातील सरकारमधून भाजप बाहेर पडणं असो वा विधान परिषद निवडणुकीची वाताहत असो...बहुतेक भाजप समर्थक सैरभैर होऊन "आम्हाला फडणवीस नको!" ची मागणी करत आहेत -

४+

त्यावर विचार होणं आवश्यक आहे.

फडणवीस का नको?

ते अपेक्षित रिझल्ट्स देऊ शकत नाहीयेत म्हणून.

हे रिझल्ट्स कोणते?

निवडणुकीतील जय-पराजय.

पण, आपल्याला नेतृत्व फक्त जय-पराजयासाठी हवं असतं का? नेतृत्वाने निवडणुकीत विजय मिळवून देणं आवश्यक आहेच. पण त्यापुढे काहीच अपेक्षा नाहीत का?

५+

तुम्ही भाजप समर्थक आहात - ठीकाय. पण त्यापुढे तुमचं काहीच अस्तित्व नाही का? त्यापुढे तुमच्या काहीच अपेक्षा नाहीत का?

तुम्ही भाजप समर्थक नंतर - आधी भारतीय नागरिक, महाराष्ट्राचे रहिवासी आहात...हे विसरून चालणार आहे का?

आपलं नेतृत्व नेमकं कोणतं ध्येय घेऊन वाटचाल करतं -

६+

विरोधात असताना तर ठीकच, पण सत्तेत असताना काय कामं करतं, कामांची दिशा काय असते, त्या कामांमागे पुढच्या १०-२०-५० वर्षांचं व्हिजन असतं का - हे सगळे क्रायटेरिया महत्वाचे नाहीत का?

फडणवीसांच्या राजकारणाची पद्धत नं आवडणाऱ्या अनेकांपैकी मी एक आहे. त्याचं प्रमुख कारण हेच की -

७+

या प्रकारच्या राजकारणामुळे न-डाव्या वैचारिक प्रांताची प्रचंड वाताहत झालेली आहे. आणि हे आजचं नाही, नेहेमीचंच आहे. "आम्ही तुमचा आदर करतो" छाप जोखडं अंगावर घेऊन जाणारे न-डावे राजकारणी भ्रष्ट नेते, लबाड पत्रकार, दुटप्पी विचारवंतांना महाराष्ट्राच्या उरावर बसवत आले आहेत.

८+

फडणवीस याच प्रकारच्या राजकारणाचे प्रोडक्ट वाटतात.

पण हा फडणवीसांच्या कर्तृत्वाचा २०% भाग झाला. बाकीचं ८०% चित्र काय आहे?

७ वर्षांपूर्वी तुम्हाला तुमचा बिनझनेस सुरु करायचा असेल तर त्यासाठी लागणाऱ्या पर्मिशन्स आणि सर्टिफिकेशन्सच्या याद्या बघून -

९+

तुमचा नव-उद्योजकतेचा उत्साह मातीमोल होत असे.

शेतकऱ्यांना दिली जाणारी कर्जमाफी म्हणजे टॅक्स पेअर्सचा पैसा गरीब, असहाय शेतकऱ्यांचा चेहरा दाखवून स्वतःच्या खिश्यात वळवण्याची सगळ्या सरंजाम्यांची स्कीम वाटत असे.

आपल्या सिस्टीमने इन्फ्रास्ट्रक्चर डेव्हलपमेंट नावाचा अख्खा -

१०+

सब्जेक्टच ऑप्शनला टाकलाय की काय, असा प्रश्न पडत असे. एखाद्याच्या नियतीवर दारिद्र्याची रेषा पर्मनंट टॅटू करून टाकावी तसे दुष्काळ-पाण्याची चणचण हे प्रश्न मराठवाडा विदर्भाच्या नकाश्यावर कायमस्वरूपी चिकटवल्यासारखे दिसत असत.

फडणवीसांच्या ५ वर्षांच्या कारकिर्दीत काय घडलं?

११+

घरबसल्या बिझनेस रजिस्ट्रेशन्स सुरु झाले. एजंटला एक छदाम नं देता.

कर्जमाफी थेट डीबीटी तत्वावर केल्यामुळे फेक अकाऊंट्स पटापट उघड झाले आणि थोडेथोडके नाही, १२,५०० कोटी रुपये वाचले टॅक्स पेअर्सचे. शिवाय शेतकऱ्यांच्या अकाऊंटवर थेट पैसे जमा. तिथेही एजंटगिरीला चाप बसला.

१२+

इन्फ्राडेव्हलपमेंटबद्दल बोलावं तेवढं कमीच. मुंबईतील मेट्रोची कामं डोळ्यादेखत झपाट्याने होताना बघून "हे असं ही होऊ शकतं?" चे विचार मनात आले नाहीत असे फार कमी लोक असतील. (त्याच मेट्रोचं आता काय होतंय बघा.)

आज तुम्ही फडणवीसांच्या जलयुक्तशिवारवर कितीही ऑब्जेक्शन्स घेत रहा. पण -

१३+

पण फडणवीसांच्या शेवटच्या २ वर्षांत पडलेला पाऊस - वाढलेलं कृषिक्षेत्र - पटींनी वाढलेली लागवड - त्यासमोर पाण्याच्या समस्येची तीव्रता हे गणित मांडून बघा. जलयुक्तशिवार कसं झळाळून निघतं हे कळेल.

हे सगळं भाजप समर्थकांना सांगावं लागतंय. याची आठवण करून द्यावी लागतीये.

१४+

कारण तुमचा सुकाणू हललाय बॉस.

राजकारण कशासाठी करायचं? निवडणूक कशासाठी लढायची? निवडून कशासाठी यायचं? - या प्रश्नांची उत्तरं वरील कामांमध्ये आहेत.

लोकांना बंगल्यावर नेऊन तुडवणाऱ्या माणसाच्या तब्येतीची चौकशी करणं असो वा मोदी-शहांपासून गोळवकर-सावरकरांबद्दल अश्लाघ्य

१५+

कंड्या पिकवणाऱ्या पत्रकारांना जपणं असो...फडणवीसांच्या "विरोधक जपा" राजकारणावर टोकाची टीका केली आहे मी. पण महाराष्ट्राला खरोखर प्रोग्रेसिव्ह लाईन्सवर घेऊन जाऊ शकणारा फडणवीसांएवढा प्रभावी नेता दुसरा कुठलाच - भाजपच नव्हे, इतर कोणत्याच पक्षांत - नाही, हे ही मला कळतं.

१६+

भाजप समर्थकांना आणि कार्यकर्त्यांना हे कळू नये याचं आश्चर्य वाटतं.

महाराष्ट्र भाजपच्या बोटचेप्या राजकारणाचा राग येतोच अनेकदा. म्हणूनच त्यावर बोलतोसुद्धा. तुमचं राजकारण तुमच्याजवळ, पण आमच्यावर त्याचे साईड इफेक्टस होतात तेव्हा बोलावंच लागतं.

१७+

म्हणूनच राज्यात हलकल्लोळ माजत असताना महाराष्ट्र भाजप सूत-जुळव स्वप्नांमुळे रस्त्यावर उतरत नाही याचा राग येतो. हा राग "तुम्ही कमी पडताय" या स्वरूपाचा असतो. कारण व्हेदर आय लाईक इट ऑर नॉट, दुसरीकडून अपेक्षा ठेवता येत नाही आम्हाला.

१८+

फडणवीसांवर असलेला राग याच स्वरूपाचा आहे. पण इथेसुद्धा - यू हॅव गॉट नो बेटर ऑप्शन फॉर महाराष्ट्र - हे लक्षात घेणं आवश्यक आहे.

भाजपचा विजय हे तुमचं स्वप्न असायला हरकत नाही.

पण -

१९+

महाराष्ट्राच्या भल्याची किंमत मोजून ते स्वप्न पूर्ण करण्याची तुमची मानसिकता असेल...तर मोठीच गडबड आहे तुमच्या प्रायॉरिटीत.

प्लिज तपासून घ्या एकदा.

ओंकार दाभाडकर
[e-mail]

@threadreaderapp please unroll.