Tweet

Raamraaj 🇮🇳🇮🇳🇮🇳

11 Dec, 12 tweets, 1 min read

பாரதியாரின் எழுச்சியை இந்தியாவில் பார்க்கிறேன்: பிரதமர் மோடி

சென்னை: பாரதியாரின் எழுச்சியை இன்றைய இந்தியாவில் பார்க்கிறேன் என பிரதமர் மோடி கூறினார்.

மகாகவி பாரதியின் தேசிய உணர்வுகளை முன்னிறுத்தும் வகையில் வானவில் பண்பாட்டு மையம் சார்பில் ஒவ்வொரு ஆண்டும் பாரதியார் பிறந்தநாள் விழா கொண்டாடப்பட்டு வருகிறது.

இந்த ஆண்டு பாரதியார் புகழை உலகம் போற்றும் வகையில் பன்னாட்டு பாரதி திருவிழாவாக கொண்டாட திட்டமிட்டப்பட்டிருப்பதாக வானவில் பண்பாட்டு மையத்தின் நிறுவனர் கே.ரவி தெரிவித்திருந்தார்.

அதன்படி, சென்னையில் நடைபெற்ற பன்னாட்டு பாரதி திருவிழா தொடக்க நிகழ்ச்சியில், பிரதமர் நரேந்திர மோடி, தமிழக முதல்வர் பழனிசாமி உள்ளிட்டோர் காணொலி காட்சி மூலம் பங்கேற்றனர்.

சர்வதேச பாரதி விழாவில் பிரதமர் மோடி, வணக்கம் என தமிழில் கூறி தனது உரையை துவக்கினார். தொடர்ந்து மோடி பேசியதாவது:

பாரதியாரின் பிறந்த நாளில் அவருக்கு அஞ்சலி செலுத்துகிறேன். பாரதியாருக்கும், வாரணாசிக்கும் நெருங்கிய தொடர்பு உள்ளது. துணிச்சலாக செயல்பட்டவர். அச்சமில்லை... அச்சமில்லை... அச்சமென்பதில்லையே... என பாடியவர். வாழ்ந்த 39 ஆண்டுகளில் பல சாதனைகளை படைத்துள்ளார்.

பெண்களுக்கு முக்கியத்துவம் கொடுத்து அவர்களின் முன்னேற்றம் குறித்து பேசினார். அவர்களின் உரிமைகளுக்காக போராடினார்.

பெண்கள் வலிமை பெற வேண்டும். ஆண்களுக்கு நிகராக உயர வேண்டும் என எண்ணினார். தாய்நாட்டை கண்களாக கருதி பாடல்களை இயற்றினார்.

பாரதியாரின் எழுச்சியை இன்றைய இந்தியாவில் நான் பார்க்கிறேன். இளைஞர்கள், பாரதியாரை பார்த்து கற்று கொள்ள வேண்டும். அவரை எவ்வாறு வரையறை செய்வது என்பது சவாலானது. பன்முகத்தன்மை கொண்டவர். பாரதியார் கனவு கண்ட பெண் உரிமைக்காக போராடுகிறோம்.

பழமை மற்றும் புதுமையை இணைத்து இந்தியாவை உருவாக்க பாரதியார் எண்ணினார். தமிழ் மொழியும், தாய்நாடும் இரண்டு கண்கள் என பாரதி நினைத்தார். இவ்வாறு அவர் பேசினார்.

பாரதியார் கவிதையை மேற்கோள் காட்டிய மோடி

மோடி தனது உரையின் போது, ஜகத்தில் உள்ளோர் எதிர்த்த போதிலும் அச்சமில்லை... அச்சமில்லை... அச்சமென்பது இல்லையே மற்றும் இனியொரு விதி செய்வோம். அதை எந்நாளும் காத்திடுவோம்;

தனி ஒருவனுக்கு உணவில்லை எனில், ஜெகத்தினை அழித்திடுவோம் என்ற பாரதியாரின் பாடல்களை தமிழில் வாசித்தார்.

முன்னதாக இந்த விழாவில் முதல்வர் பழனிசாமி பேசியதாவது: தேசிய ஒருமைப்பாடு, சமூக சீர்திருத்தம், பெண் விடுதலைக்கு பாரதியார் முக்கியத்துவம் அளித்தார்.

சுதந்திர போராட்ட வீரர்களின் பேரரசனாக பன்முகத்தன்மை கொண்டிருந்தார். கவிதைகள், கட்டுரைகள் மூலம் பாமர மக்களுக்கும் விடுதலை தாக்கத்தை ஊட்டினார். பக்தி, புரட்சி, காதல், தியாகம், அரசியல், கவிதை உள்ளிட்டவற்றில் சிறந்து விளங்கினார். பாரதி வாழ்ந்த வீட்டை ஜெயலலிதா நினைவிடமாக மாற்றினார்.

பாரதியாரின் கொள்கைகளை தமிழக அரசு நடைமுறைப்படுத்தி வருகிறது. இவ்வாறு அவர் பேசினார்.

• • •

Missing some Tweet in this thread? You can try to force a refresh

This Thread may be Removed Anytime!

Twitter may remove this content at anytime! Save it as PDF for later use!

More from @Raamraaj3

Raamraaj 🇮🇳🇮🇳🇮🇳

@Raamraaj3

11 Dec

*திருவண்ணாமலையை பற்றி நமக்கு தெரியாத ஒரு அபூர்வம்*

சிவன் கோவில்களில் அனைத்து நந்திளும் இடக்காலை மடக்கி வலக்காலை முன்வைத்து அமர்ந்திருக்கும் . ஆனால் நம் அண்ணாமலையார் கோவிலில் மட்டும் பெரிய நந்தி வலக்காலை மடக்கி இடக்காலை முன்வைத்து அமர்ந்து இருப்பதற்கான விவரம்

முகலாயர்கள் காலத்தில் நம் அண்ணாமலையார் கோவிலுக்கு பேராபத்து வந்தது. அதனை அண்ணாமலையாரே தன் பக்தனான விரேகிய முனிவர் முனிவரின் வாயிலாக எதிர்கொண்டார்.
இக்கதை சமீபத்தில் தான் நண்பர் மூலமாக அறிந்துகொண்டேன். திருவண்ணாமலை வாசிகள் எத்தனை பேருக்கு தெரியும் என்று தெரியவில்லை.

நந்தி கால் மாற்றிய வரலாறு:

முகலாயர் காலத்தில் திருவண்ணாமலை வந்த முகலாய அரசன் ஒருவன் கோவிலை சிதைக்க எண்ணினான். அப்பொழுது கோவில் அருகில் ஐந்து சிவபக்தர்கள் ஒரு காளை மாட்டினை வழிபட்டு அதனை பல்லக்கில் சுமந்து சென்று வழிபட்டனர்.

Read 16 tweets

Raamraaj 🇮🇳🇮🇳🇮🇳

@Raamraaj3

11 Dec

ரூ.2 கோடி துருக்கி கரன்சி பறிமுதல்: தூத்துக்குடியில் 5 இளைஞர்கள் கைது

தூத்துக்குடியில் ரூ.2 கோடி மதிப்புள்ள துருக்கி நாட்டு கரன்சிகளுடன் நின்ற 5 இளைஞர்களை போலீஸார் கைது செய்தனர்.

தூத்துக்குடி துறைமுகப் பகுதியில் தெர்மல் நகர் காவல் நிலைய ஆய்வாளர் கோகிலா தலைமையிலான போலீஸார் நேற்று ரோந்து பணியில் ஈடுபட்டிருந்தனர்.

அப்போது, அப்பகுதியில் சந்தேகத்துக்கிடமாக நின்ற கோவை பேரூர் சரோஜினி நகரைச் சேர்ந்த நாகராஜ் மகன் ஜீவா (23), நெல்லை மாவட்டம் சுரண்டை பாரதியார் தெருவைச் சேர்ந்த சரவணன் மகன் விஜயமாணிக்கம் (22), கடையநல்லூர் நத்தகர் பள்ளிவாசல் பேட்டையைச் சேர்ந்த செய்யது மகதூம் மகன் முகமது புகாரி (22),

Read 6 tweets

Raamraaj 🇮🇳🇮🇳🇮🇳

@Raamraaj3

11 Dec

ராணுவ வீரர்களுக்காக முற்றிலும் உள்நாட்டிலேயே தயாரிக்கப்பட்ட கார்பைன் ரக தானியங்கி துப்பாக்கி சோதனை வெற்றி

இந்திய பாதுகாப்பு படையினரின் உபயோகத்துக்காக, உள்நாட்டிலேயே தயாரிக்கப்பட்ட கார்பைன் ரக தானியங்கி துப்பாக்கி வெற்றிகரமாக பரிசோதிக்கப்பட்டுள்ளது.

5.56 X 30 எம்எம் அளவுள்ள குண்டுகளைப் பயன்படுத்தும் வகையில் அந்த துப்பாக்கியை டிஆர்டிஓ வடிவமைத்துள்ளது. துப்பாக்கி கான்பூர் ஆயுத தொழிற்சாலையிலும், குண்டுகள் புனே வெடிமருந்து தொழிற்சாலையிலும் தயாரிக்கப்பட்டுள்ளன.

இதன் இறுதி கட்டப் பரிசோதனை கடந்த 7ம் தேதி நடத்தப்பட்டுள்ளது. இதையடுத்து டிஆர்டிஓ குழுவினருக்கு அதன் தலைவர் சதீஷ் ரெட்டி பாராட்டுத் தெரிவித்துள்ளார்.

3 கிலோ எடைகொண்ட துப்பாக்கி, 100 மீட்டருக்கும் அதிகமான தூரத்தில் உள்ள இலக்கை சுடும் திறன் கொண்டதாகும்.

Read 4 tweets

Raamraaj 🇮🇳🇮🇳🇮🇳

@Raamraaj3

11 Dec

கட்டுக்கட்டாகக் கிடைத்த கணக்கில் வராத பணம்.. சிக்கிய மாசுக் கட்டுப்பாட்டு வாரிய அதிகாரி..!

நாகை, திருவாரூர் மாவட்ட சுற்றுச்சூழல் பொறியாளரின் வீடுகளில் நடைபெற்ற லஞ்ச ஒழிப்புத்துறை சோதனையில் கட்டுக்கட்டாக 62 லட்ச ரூபாய் பறிமுதல் செய்யப்பட்டது.

திருவாரூரைச் சேர்ந்த நிவேதா அரிசி ஆலை உரிமையாளர் தனது ஆலைக்கான சுற்றுச்சூழல் உரிமத்தை புதுப்பிப்பதற்காக நாகை, திருவாரூர் மாவட்ட சுற்றுச்சூழல் அலுவலகத்தில் விண்ணப்பித்து இருந்தார்.

உரிமத்தை புதுப்பித்துத் தர மாவட்ட சுற்றுச்சூழல் பொறியாளரான தன்ராஜ் என்பவர் 40 ஆயிரம் ரூபாய் லஞ்சம் கேட்டுள்ளார். லஞ்சம் கொடுக்க விரும்பாத ஆலை உரிமையாளர், மாவட்ட ஊழல் தடுப்பு மற்றும் கண்காணிப்புத்துறை அலுவலகத்தில் புகாரளித்தார்.

Read 7 tweets

Raamraaj 🇮🇳🇮🇳🇮🇳

@Raamraaj3

11 Dec

மத்திய அரசுக்கு அறிக்கை அனுப்பினார் மே.வங்க கவர்னர்: தலைமை செயலர், டிஜிபி.,க்கு சம்மன்

புதுடில்லி: மே.வங்கத்தில் பா.ஜ., தலைவர் நட்டா கார் மீது தாக்குதல் நடத்தப்பட்ட சம்பவம் தொடர்பாக மே.வங்க தலைமை செயலாளர் மற்றும் டிஜிபிக்கு மத்திய உள்துறை அமைச்சகம் சம்மன் அனுப்பியுள்ளது.

மே.வங்க மாநிலத்திற்கு அடுத்த ஆண்டு சட்டசபை தேர்தல் நடக்க உள்ளது. இதனையடுத்து, அங்கு பா.ஜ., தேர்தல் பிரசாரத்தை தீவிரப்படுத்தியுள்ளது. இம்மாநிலத்தில் பல்வேறு கூட்டங்களில் பங்கேற்பதற்காக பா.ஜ., தேசிய தலைவர் நட்டா கோல்கட்டா சென்றார்.

தெற்கு 24 பராகனாஸ் மாவட்டத்தில் உள்ள, ‛டைமண்ட் ஹார்பர்' என்ற இடத்தில் நடந்த கூட்டத்திற்கு நட்டா காரில் சென்றார்.அவரது காருக்கு முன்னும் பின்னும் பா.ஜ.,தலைவர்கள், போலீசார் மற்றும் பாதுகாப்பு படையினர் கார்கள் அணிவகுத்து சென்றன.

Read 11 tweets

Raamraaj 🇮🇳🇮🇳🇮🇳

@Raamraaj3

11 Dec

இனி வாகனங்களுக்கும் நாமினி: வந்தது சட்டத்திருத்தம்

சொத்துக்களுக்கு வாரிசுதாரரை நியமிப்பதுபோல, வாகனங்களுக்கும் 'நாமினி'யை நியமிக்கும் வகையில், மோட்டார் வாகனச்சட்டத்தில் திருத்தம் செய்யப்பட்டுள்ளது.

அதிகமான சாலை வாகனப்போக்குவரத்து உள்ள நாடுகளில், உலகில் மூன்றாமிடத்தைப் பிடித்துள்ளது இந்தியா. நாடு முழுவதும், 25 கோடி வாகனங்கள் வலம் வருகின்றன. கடந்த ஆண்டில் மட்டும், இரண்டு கோடி வாகனங்கள் புதிதாகப் பதிவு செய்யப்பட்டுள்ளன.

இதனால், விபத்துகளும் அதிகமாகி வருகின்றன. கடந்த ஆண்டு, நாட்டில் நான்கு லட்சத்து 37 ஆயிரம் சாலை விபத்துக்கள் நடந்துள்ளன; அவற்றில் ஒரு லட்சத்து 54 ஆயிரம் பேர் உயிரிழந்துள்ளனர்.

Read 12 tweets

Support us! We are indie developers!

This site is made by just two indie developers on a laptop doing marketing, support and development! Read more about the story.

Become a Premium Member ($3/month or $30/year) and get exclusive features!

Become Premium

Too expensive? Make a small donation by buying us coffee ($5) or help with server cost ($10)

Donate via Paypal Become our Patreon

Thank you for your support!