Thread by @SundarrajanG

கொரோனா போன்ற தொற்று நோய்களை அதிகரிக்க விரும்புகிறாரா அமைச்சர் கடம்பூர் ராஜு ?:-
8 வழிச்சாலை திட்டத்தினால் மக்கள் பாதிக்கப்படவில்லை- மத்திய அரசு வழங்கியுள்ள அற்புதமான திட்டம் என தமிழக அமைச்சர் கடம்பூர் ராஜு தெரிவித்துள்ளார்.
10,000 ஏக்கர் விவசாய நிலம், நூற்றுக்கணக்கான நீர்நிலைகள்,

ஆயிரக்கணக்கான கிணறுகள், வழிபட்டு தலங்கள், பள்ளிகள் வீடுகள், சிறு வணிக வளாகங்கள்,19 கி.மீ தூரத்திற்கு காப்பு காடுகள், பல்லாயிரக்கணக்கான மரங்கள் என இவை அனைத்தையும் அழித்து 277 கி.மீ தூரத்திற்கு அமைக்க உத்தேசிக்கப்பட்டுள்ள இந்த சாலையினால் ஏற்படும் ஏதாவது ஒரு நன்மையை சொல்ல முடியுமா

அமைச்சரே? சென்னை-சேலம் எட்டு வழிச்சாலையில் நினைத்த இடத்தில் எல்லாம் இணைய முடியாது. சாலையின் இரண்டு பக்கமும் தடுப்புகள் அமைக்கப்பட்டு போடப்படும் இந்த சாலையில் மூன்று இடங்களில் மட்டுமே இணையமுடியும். இந்த சாலையில் இரு சக்கர வாகனங்கள் செல்ல முடியாது, கார்கள்,பேருந்துகள், பெரிய

ட்ரக்குகள் மட்டுமே செல்லமுடியும், அப்படியெனில் யாருக்கானது இந்த சாலை?
அமைச்சரே, நீங்கள் இந்தியாவின் அன்றைய "போர்த்துறை அமைச்சரும்", இன்றைய நிதித்துறையின் அமைச்சருமான திருமதி. நிர்மலா சீதாராமன் அவர்கள், மாமல்லபுரத்தில் "பாதுகாப்பு தளவாட கண்காட்சியை" துவக்கி வைத்து, சென்னை

"ஐஐடி"யில் ஆற்றிய உரையை கேட்டுள்ளீர்களா?
அவர் ஆற்றிய உரையின் சாராம்சம் இதுதான்; "தமிழகத்தில் விவசாய உற்பத்தி குறைந்துவருகிறது, அதனால் இனிமேல் விவசாயம் செய்யாமல், போர்க் கப்பல்கள் மற்றும் போர் விமானங்கள் செய்வோம்" என்றார். அதோடு மட்டுமல்லாமல், தமிழக்தில் அறிவிக்கப்பட்டுள்ள

"போர்தளவாட உற்பத்தி கேந்திரம்", ஓசூர், கோயம்பத்தூர், திருச்சி, ஆவடி, கல்பாக்கம், காட்டுப்பள்ளி என இந்த ஊர்களை எல்லைகளாக கொண்டு இந்த பகுதியில்அமைக்கப்படவுள்ளது. இதற்கென இந்த எல்லைகளுக்குள் 1,00,000 ஏக்கருக்கும் மேற்பட்ட நிலம் கையகப்படுத்தப்படவுள்ளது.
எட்டுவழிச்சாலை சரியாக இந்த

பகுதியில் ஊடறுத்து சென்று காட்டுப்பள்ளி துறைமுகத்திற்கு செல்லும் "சென்னையில் வெளிவட்ட சாலையில்" முடிவுறுகிறது, அதாவது, பெரு நிறுவனங்கள் உற்பத்திசெய்யப்போகும் போர் தளவாடங்களை ஏற்றுமதி செய்யவோ, அல்லது பிற பகுதிகளுக்கு எடுத்து செல்லவே இந்த சாலைகள் அமைக்கப்படவுள்ளன.
தளவாடங்களை

உற்பத்தி செய்ய கையகப்படுத்தப்படும் நிலம் அமைத்துள்ள பகுதிகள் முழுவதும் அதி உயர பாதுகாப்பு வளையத்திற்குள் சென்றுவிடும், சாதாரண மக்களுக்கு என்ன பயன்? கூடுதல் தகவலாக சொல்கிறேன், ஏற்கனவே தமிழத்திற்கு தேவைப்படும் அரிசியில் மூன்றில் ஒரு மடங்கு பிற மாநிலங்களில் இருந்து கொள்முதல்

செய்யப்படுகிறது. அரிசிக்கே இந்த நிலை என்றால் மற்ற தானியங்களை பற்றி கேள்வியே இல்லை.
காலநிலை மாற்றத்தாலும்,பல்லுயிரிய அழிவுகளினாலும் 30% நிலப்பரப்பு பாலையாகி வருகிறது, பயிர்களின் ஊட்டச்சத்து குறைந்துவருகிறது என தொடர்ச்சியான தாக்குதலுக்கு தமிழகம் ஆளாகிக்கொண்டிருக்கும் வேளையில் இந்த

திட்டம் தேவையா ? சொல்லுங்கள் அமைச்சரே!
இன்னொரு தகவலும், காடுகள் அழிக்கப்பட்டு, காட்டுயிர்களின் வாழ்விடங்கள்ஆக்கிரமிக்கப்படுவதுதான் கொரோனா போன்ற "விலங்கியல் நோய்கள்" அதிகரிப்பதற்கு காரணம் என நுண்ணுயிர் நிபுணர்கள் தெரிவித்துவருகிறார்கள், இந்த சாலை 19கி.மீ காப்பு காடுகளின் வழியாக

செல்லவிருக்கிறது, அங்கு வாழும் காட்டுயிர்கள் பாதிக்கப்படும், அதனால் நமக்குள் தொற்றுகள் ஏற்படுவதற்கு வாய்ப்பு உள்ளது என்று உங்களுக்கு தெரியுமா கடம்பூராரே?
சென்னை-சேலம் இடையே ஏற்கனவே உள்ள மூன்று தேசிய நெடுஞ்சாலைகளை மேம்படுத்தினாலே போதும், புதிதாக ஒரு நெடுஞ்சாலை தேவையில்லை.