இனி வாகனங்களுக்கும் நாமினி: வந்தது சட்டத்திருத்தம்
சொத்துக்களுக்கு வாரிசுதாரரை நியமிப்பதுபோல, வாகனங்களுக்கும் 'நாமினி'யை நியமிக்கும் வகையில், மோட்டார் வாகனச்சட்டத்தில் திருத்தம் செய்யப்பட்டுள்ளது.
சொத்துக்களுக்கு வாரிசுதாரரை நியமிப்பதுபோல, வாகனங்களுக்கும் 'நாமினி'யை நியமிக்கும் வகையில், மோட்டார் வாகனச்சட்டத்தில் திருத்தம் செய்யப்பட்டுள்ளது.
அதிகமான சாலை வாகனப்போக்குவரத்து உள்ள நாடுகளில், உலகில் மூன்றாமிடத்தைப் பிடித்துள்ளது இந்தியா. நாடு முழுவதும், 25 கோடி வாகனங்கள் வலம் வருகின்றன. கடந்த ஆண்டில் மட்டும், இரண்டு கோடி வாகனங்கள் புதிதாகப் பதிவு செய்யப்பட்டுள்ளன.
இதனால், விபத்துகளும் அதிகமாகி வருகின்றன. கடந்த ஆண்டு, நாட்டில் நான்கு லட்சத்து 37 ஆயிரம் சாலை விபத்துக்கள் நடந்துள்ளன; அவற்றில் ஒரு லட்சத்து 54 ஆயிரம் பேர் உயிரிழந்துள்ளனர்.
நாடு முழுவதும் இறந்தவர்களின் பெயர்களில் உள்ள பல லட்சம் வாகனங்கள், ஆர்.சி. புத்தகத்தில் பெயர் மாற்றம் செய்யப்படாமலே இயக்கப்படுகின்றன. இது பயன்படுத்துவோர், பொதுமக்கள் எல்லோருக்குமே ஆபத்தானதாகும்.
இறந்துபோன ஒருவரின் வாரிசுதாரர் ஒருவர், இறந்தவரின் பெயரில் உள்ள வாகனத்துக்கு உரிமை கோருவதற்கு இறப்புச்சான்று, வாரிசுரிமைச் சான்று, மற்ற வாரிசுகளின் ஒப்புதல் கடிதங்கள் ஆகியவற்றை நோட்டரி செய்து ஆர்.டி.ஓ., அலுவலகத்தில் சமர்ப்பிக்க வேண்டும்.
ஒருவேளை வாரிசுகளில் ஒருவர், இந்த ஒப்புதல் கடிதம் தர மறுக்கும்பட்சத்தில் அந்த வாகனத்துக்கு யாரும் உரிமை கோரமுடியாது.
மத்திய மோட்டார் வாகனச்சட்டம் விதி எண்: 56ன் படி, வாகன உரிமையாளர் இறந்து விட்டால், அந்த வாகனம், தற்போது யாரால் இயக்கப்படுகிறது என்பது குறித்து, 30 நாட்களுக்குள், சம்மந்தப்பட்ட ஆர்.டி.ஓ., ஆபீசுக்குத் தகவல் தெரிவிக்க வேண்டும்;
மூன்று மாதங்களுக்குள், வாகனத்தின் ஆர்.சி.,புத்தகம், பெயர் மாற்றம் செய்யப்படவேண்டும். இல்லாவிடில் அந்த வாகனத்தை ரோட்டில் இயக்கவே கூடாது.
ஆனால் நாடு முழுவதும் இறந்தவர்களின் பெயர்களில் பல லட்சம் வாகனங்கள் இயக்கப்பட்டுக்கொண்டே இருக்கின்றன.
ஆனால் நாடு முழுவதும் இறந்தவர்களின் பெயர்களில் பல லட்சம் வாகனங்கள் இயக்கப்பட்டுக்கொண்டே இருக்கின்றன.
அதனால் எல்லாவற்றுக்கும் வாரிசுதாரர் நியமிப்பதுபோல, வாகனங்களுக்கான ஆர்.சி.,புத்தகத்தில் வாரிசுதாரர் ஒருவரை பரிந்துரைக்க மோட்டார் வாகனச்சட்டத்தில் திருத்தம் செய்ய வேண்டுமென்று பல ஆண்டுகளாக மத்திய அரசுக்குக் கோரிக்கை விடுக்கப்பட்டு வந்தது.
இந்த கோரிக்கையை ஏற்று, மோட்டார் வாகனச்சட்டத்தில் இதற்குரிய திருத்தத்தை மத்திய அரசு கொண்டு வந்துள்ளது. இதற் கான அறிவிக்கை, நவ., 26ல் வெளியாகியுள்ளது.
கோவை 'கன்ஸ்யூமர் காஸ்' அமைப்பின் செயலர் கதிர்மதியோன் கூறுகையில், ''புதிய வாகனத்தைப் பதிவு செய்யும்போது 'நாமினி'யைக் குறிப்பிடுவது கட்டாயமாக்கப்பட வேண்டும்; வாகனம் மறு விற்பனை, எப்.சி., செய்யப்படும்போதும், 'நாமினி' நியமனம் உறுதி செய்யப்படுவது அவசியம்.
வாகன உரிமையாளர் விரும்பும்பட்சத்தில் 'நாமினி' பெயரை மாற்றம் செய்யவும் வாய்ப்பு வழங்கப்பட வேண்டும். தற்போது புழக்கத்தில் உள்ள பழைய வாகனங்கள் அனைத்துக்கும் 'நாமினி'யை நியமிப்பதற்கான வாய்ப்பை அரசு ஏற்படுத்தித்தரவேண்டும்,'' என்றார்.
தினமலர்
தினமலர்
• • •
Missing some Tweet in this thread? You can try to
force a refresh
