Thread by @chronikrissys

ANO ANG SILBI NG, AT DAPAT GAWIN KAPAG, MAY VIDEO KA NG CRIME SCENE?

Tatlo ang klase ng ebidensya sa korte ng Pilipinas: testimonial, documentary, object evidence. Kung may video ka ng isang crime scene, pwede itong kilalaning documentary evidence dahil record ito ng nangyari.

Object evidence naman yung cellphone na nagrecord, o kaya yung pinag-save-an (na USB, CD) ng video file.

Pulis [SOCO] lang, sa ayaw man natin o sa hindi, ang pwedeng kumuha at mag-process ng opisyal na ebidensya. Yung video na kinuha mo ay itinuturing na private document....

...Pwedeng isubmit ito sa pulis para maging bahagi ng evidence on record habang imbestigasyon, o kaya ay sa prosecutor sa inquest o kaya habang may preliminary investigation, o kahit nga sa mismong abogado (prosecution man o defense) sa trial, bago magsimula ang kaso sa korte.

Kung mapagpasyahan na gamitin ang video mo sa korte, kailangan mong magpatotoo sa video:

1) Huwag burahin o i-edit ang video sa device na nag-capture. Pwedeng ipa-submit sa iyo ng korte yung mismong cellphone, o kaya yung pinag-save-an (na USB, CD).

2) Maghanda ng affidavit of authentication, kung saan ilalahad mo kung nasaan ka nung nangyari, paano mo kinunan, saan mo sinave, saan/kanino mo ipinasa kung file.

3) Kailangan mong tumestigo sa korte para pormal na tanggapin ng korte ang ebidensya. Bale, ikaw ay magbibigay na..

... rin ng testimonial evidence, bukod pa sa video. Kung ikaw mismo ay witness sa insidente, maaring tanungin ka na rin tungkol sa nangayari. Sa kabilang banda, kung hindi ka naman witness mismo, hal., ikaw ang may-ari ng CCTV, tatanungin at sasagutin mo lang kung anong alam mo.

Importante ang ganitong klase ng ebidensya ngayon, kasi mas matibay na basehan ito ng pagpapasya ng huwes. Syempre, kailangang tignan din ng korte ang posibilidad ng tampering, editing, misappreciation (baka iba ang itsura sa ibang angulo). Pero kung ang video mo ang patunay...

...kung ano talaga ang nangyari, magtiwala na madedepensahan yan ng abogado sa korte.

Legal po ang mag-document o mag-video ng isang pangyayari, lalo na kung nasa pampublikong lugar. Kahit pa may police operation, pwedeng kumuha ng video hangga’t hindi nakakasagabal sa...

...mismong larga ng pulis (pwede ka kasuhan ng obstruction of justice). Ewan ko sa mga pulis, pero malimit lang talaga ayaw nila na may nagvi-video – pero kaduda-duda yan. Galawang may itinatago at may pinagtatakpan. Ultimo, galawang kriminal.

#StopTheAttacks
#PulisAngTerorista