Thread by @Arshe530

ساٹھ ہزار گبر بمقابلہ 60 جرنیل صحابہ کرام

تاریخِ اسلام کا وہ واقعہ جسے پڑھ کر آپ عش عش کر اُٹهے گے اسلام کے کفن بردوش مجاہدوں نے شجاعت و بہادری کی جو بے نظیر مثال قائم کی وہم گمان سے ماورا ایسا عظیم کردار ادا کیا کہ خواب میں بهی ایسا کرنا نا ممکن ہے, آئیے اپنے دل کی دھڑکنوں
⬇️

پر قابو رکهتے ہوئے ملاحظہ فرمائیں,

معرکہ یرموک کے پہلے دن رومی جرنیل باہان ارمنی کے اشتعال دلانے پر عرب نصرانی قبیلہ بنو غسان کے سردار جبلہ بن ایہم نے اپنے 60 ہزار کے لشکر کے ساتھ مجاہدین اسلام کے لشکر کے ساتھ ٹکر لینے کا ارادہ کیا، ادھر
امینُ اُمت حضرت ابو_عبیدہ رضی ﷲُ عنہُ
⬇️

نے جو سپہ سالار تھے، صحابہ سے مشورہ فرمایا۔ حضرت خالد نے فرمایا کہ میں چاہتا ہوں ان ساٹھ ہزار کے مقابلے میں تیس آدمی لے کر جاؤں جن میں سے ہر ایک دو ہزار پر حاوی ہو، آج میں ان کو ایسا چکما دوں گا کہ ان ناک خاک آلود ہو جائے گی اور ذلت کی وجہ وہ کسی کو اپنا منہ دکھانے کے قابل
⬇️

نہیں رہیں گے صحابہ نے کہا کیا آپ مذاق فرماتے ہیں؟
کہنے لگے خدا کی قسم مذاق نہیں کرتا۔ حضرت ابو سفیان رضیﷲ عنہُ نے کہا کہ آپ ساٹھ ہزار کے مقابلے میں کم از کم ساٹھ تو لے کر جائیں چنانچہ آپ ساٹھ جلیل القدر جرنیل صحابہ کو اپنے ساتھ لے جانے پر راضی ہوئے اور نصرانی عربوں کے سامنے
⬇️

جاکر کھڑے ہوئے۔ جبلہ بن ایہم نے جب ان ساٹھ لوگوں کو دیکھا تو کہنے لگا، ہم لڑنے کی تیاری کرچکے ہیں اور تم ابھی تک صلح کے خواب دیکھ رہے ہو۔ ہم قیامت تک صلح نہیں کریں گے۔ حضرت خالد رضی ﷲ عنہُ نے تعجب سے پوچھا کہ کیا تم ہمیں قاصد تصور کرتے ہو حالانکہ ہم لڑنے آئے ہیں،
⬇️

جبلہ کہنے لگا اے نوجوان تو غرور میں اپنی قوم کو تباہی کی طرف لے کر نکلا ہے۔ آپ نے فرمایا تو ہمیں تھوڑا نہ جان ہم غرور میں نہیں بلکہ ﷲ پر بھروسہ کرکے نکلے ہیں۔ جبلہ نے اپنے ساتھیوں سے کہا مسلمانوں نے مجھ کو بڑی سخت آزمائش میں ڈال دیا ہے اگر ہمارے ساٹھ ہزار کے لشکر نے ان ساٹھ
⬇️

مسلمانوں کو مار دیا تو دنیا کہے گی اس میں کون سی بہادری کا کام ہے. اگر وہ غالب آگئے تو قیامت تک ہماری نسلیں کسی کو منہ دکھانے کے قابل نہیں رہیں گی چنانچہ جبلہ نے اپنے ساتھیوں کو حملے کا حکم دے دیا صحابہ نے بھی ثابت قدمی سے لڑنا شروع کردیا۔ حضرت ابو عبیدہ اور تمام لشکر اسلام
⬇️

کیمپ سے تاریخ کا اچھوتا معرکہ بڑی بیقراری سے دیکھ رہے تھے، دونوں طرف سے بہادروں کی چیخ و پکار اور تلواروں کی جھنکار کے علاوہ کوئی آواز سنائی نہ دیتی تھی۔ جنگ کے شعلے بلند تھے صحابہ تکبیر کی آوازیں بلند کررہے تھے۔ حضرت خالد رضی ﷲ عنہ نے صحابہ سے فرمایا کہ آج اسی میدان کو میدان
⬇️

حشر سمجھو اور کفار کو سبق سکھاؤ۔ صحابہ کفار کے اندر گھرے ہونے کے باوجود بڑھ بڑھ کر حملے کرتے رہے۔ نصرانی لشکر کے سپاہی ٹپاٹپ مقتول ہو کر زمین پر گرتے تھے، جبلہ بن ایہم حواس باختہ ہو گیا اس کی سمجھ میں نہیں آتا تھا کہ سب ہو کیا رہا ہے بدحواسی کے عالم میں چیخ چیخ کر اپنے سپاہیوں
⬇️

کو حملے میں شدت کرنے کا حکم دیتا، لیکن اسلامی لشکر کے شیروں نے ان کو بھیڑ بکریوں کی طرح چیڑ پھاڑ کر رکھ دیا شام تک صحابہ ایسے لڑتے رہے جیسے بالکل تازہ دم ہوں اور ابھی ابھی لڑائی شروع کی ہو،
آج ﷲ کی تلوار حضرت خالد رضی ﷲ عنہُ نے اپنا جوہر دیکھایا، حضرت خالد بن ولید
⬇️

زبیر بن عوام، عبدالرحٰمن بن ابی بکر، فضل بن عباس، عبدﷲ بن عمر فاروق، ضرار بن الازور اور دوسرے صحابہ کرام رضوان اللہ جس طرف بھی جاتے صفوں کی صفیں اُلٹ دیتے،
آخر کار عرب متنصرہ لشکر دفعتہً پیٹھ دکھا کر بھاگا جبلہ بن ایہم کے لشکر کے سپاہی اس طرح ڈر کر بھاگتے تھے کہ گویا آسمان سے
⬇️

کسی نے ان کو ڈرا کر بھگادیا ہو بھاگنے والوں میں جبلہ_بن_ایہم سب سے آگے تھا، کفار کو شکست فاش ہوگئی اور صحابہ کرام واپس آگئے۔ واپس آنے والے صحابہ بیس تھے۔ ایک مرتبہ پھر پریشانی بڑھ گئی کہ شاید چالیس صحابہ شہید ہوگئے مگر میدان جنگ میں جاکر دیکھا گیا تو صرف دس شہدا ملے،
⬇️

صحابہ کرام نے کہا کہ ضرور تیس لوگوں کو کفار گرفتار کرکے لے گئے ہیں۔ جس پر صحابہ کرام رضوان اللہ اجمعین نے کفار کا پیچھا کیا تو مزید پچیس صحابہ مل گئے جو کفار کی شکست کے بعد ان کا پیچھا کرتے ہوئے آگے نکل گئے تھے۔ اس جنگ میں دس صحابہ شہید ہوئے جبکہ پانچ گرفتار ہوئے۔
⬇️

جبکہ نصرانی عربوں کے پانچ ہزار آدمی مارے گئے۔
المصادر: مردانِ عرب ج ۲ ص ٥۲
فتوح از شام علامہ واقدی ص ۲۰۹
یہ تھی صحابہ کرام کی بہادری و شجاعت کی داستان. صحابہ کرام کوئ مافوق الفطرت لوگ نہیں تھے بلکہ عشقِ_رسول_ﷺ کی طاقت و برکت سے ہر وقت تازہ دم رہتے تھے،
⬇️

ساری دنیا کے لوگ ملکر بھی کوشش کریں تو بھی ایسی مثال نہیں لا سکتے،،

صحابہ کرام رضوان اللہ اجمعین کے ان تاریخی کارناموں کو دوسروں تک پہنچانا ہم سب کی ذمہ داری ھے شیئر کریں اور دوسروں تک پہنچائیں

مجھے فالو کرکے فالو بیک حاصل کریں
@Arshe530