Thread by @Mr_Bai007

ஃபாஸ்ட் பவுலர்கள் சந்தித்து வரும் பிரச்சனைகள் - 50 Over Format #PART1

சமீபகாலத்தில், ஒருநாள் தொடர் போட்டிகளில், எந்த பவுலராவது, ரிவர்ஸ் ஸ்விங் போடுகிறாரா என்ற கேள்வியைக் கேட்டால் நம்மில் பலபேர், பேந்தப் பேந்தத்தான் முழிப்போம்.
சரி எந்த பவுலராவது ஏர் ஸ்விங் போடுகிறாரா என்று

கேட்டால் அப்படி ஒரு ஸ்விங் இருக்கிறதா என்றுதான் பல பேர் கேள்வியாகக் கேட்பார்கள்.
கீழே இருக்கும் இரண்டு படங்களில், ரிவர்ஸ் ஸ்விங் மற்றும் ஏர் ஸ்விங் இருக்கின்றன. ஒன்று 2011 உலகக் கோப்பையில் வகாப் ரியாஸ் யுவராஜிற்கு வீசியது, இன்னொன்று 2019 உலகக் கோப்பையில் ஸ்டார்க், ஸ்டோக்ஸிற்கு

வீசியது. அவை
இரண்டுமே புதிய கிரிக்கெட் ரசிகர்களுக்கு, இப்படியெல்லாம் ஸ்விங் போடுவார்களா என்று வியக்க வைத்த பந்துகள்! 90களில் கிரிக்கெட் பார்த்தவர்களுக்கு, இது ஒரு சாதாரண பந்து. ஆனால் இந்தத் தலைமுறைக்கு இது ஆச்சர்யப் பந்து!!!
ஒருநாள் தொடர், அதற்குரிய பொலிவை, கொஞ்சம் கொஞ்சமாக

இழந்து கொண்டு வருகிறது. உலகம் முழுவதும் T20 Fever தொற்றிக் கொண்டிருக்க, அதனின் தாக்கம் 50 ஓவர் கிரிக்கெட்டையும் ஆக்கிரமித்து, கரையான் புற்று போல அரித்துக் கொண்டிருக்கிறது.

ஒரு கிரிக்கெட் போட்டி என்பது, பேட்டிற்கும் பந்திற்கும் இடையே நடக்கும் சரிசமமான போட்டியாக இருக்க வேண்டும்.

ஆனால் இங்கு, பலகாலமாக பேட் மட்டும்தான் பேசிக் கொண்டிருக்கிறது, பந்து பேசுவதே இல்லை, அதைப் பேச விடவும், அதிகாரத்தில் இருப்பவர்கள் தயாராக இல்லை, அதற்குக் காரணம் பணம் மற்றும் பணம் மட்டுமே!

கிரிக்கெட்டில், கால ஓட்டத்தில் நிகழ்ந்த சில மாற்றங்களைப் பற்றிக் கூறி, அதிலிருந்து, இந்தக்

கட்டுரையை எடுத்துச் செல்ல விரும்புகிறேன். அப்பொழுதுதான், இந்தப் பிரச்சனையின் தீவிரத்தை இன்னும் நன்றாக உணர்ந்து கொள்ள முடியும்.கிரிக்கெட்டில் ரெட் பால் மட்டுமே பயன்படுத்திய காலகட்டங்கள் நகர்ந்து, கலர் உடைகளுக்கு மாறி, வெள்ளைப் பந்துக்கு மாறி, போட்டியை பகல் இரவு ஆட்டங்களாக நடத்தத்

தொடங்கினார்கள். அமோக வரவேற்புக் கூடியது, இந்த மாற்றத்திற்கு.

1. 90 - 2000 காலகட்டங்களில், ஒருநாள் போட்டிகள், ரெட் பால் மற்றும் வொய்ட் பால் என இரண்டு பந்துகளிலும் மாறி மாறி நடந்து கொண்டே வந்தது. ஐசிசி தொடர்கள் , பிரபல முத்தரப்புத் தொடர்கள் கலர் வடிவத்திலும், இரண்டு அணிகள் மோதும்

தொடர், வெள்ளை வடிவத்திலும் நடைபெற்று வந்தது.

2. 2000க்குப் பிறகு, ஒருநாள் போட்டிகள் முற்றிலுமாக வொய்ட் பால் கிரிக்கெட்டிற்கு மாறிவிட்டது.

3. 2000 டூ 2010 காலகட்டங்களில் நடைபெற்ற பகல் இரவு போட்டிகளின் போது, பந்து மிகவும் தேய்ந்து போய், அதன் நிறம் மாறிவிடுகிறது, அதனால் அந்தப்

பந்தை மாற்ற வேண்டியுள்ளது என்ற குற்றச்சாட்டு எழுந்தது.

4. 2010இல் ஐசிசி, ஒரு புதிய விதியைக் கொண்டு வந்தது. ஒருநாள் தொடர்களில் 34 ஓவர்களுக்குப் பிறகு, புதுப் பந்தை மாற்ற வேண்டும் என்ற விதியை அமல்படுத்தியது.

5. 2011 அக்டோபரில், ஐசிசி இருபுறமும் புதுப்பந்து என்ற விதியைக் கொண்டு

வந்தது. அதாவது இரண்டு எண்டிலும் இரண்டு வெவ்வேறு பந்துகளைப் பயன்படுத்த வேண்டும். 50 ஓவர்கள் போட்டிகளில், 25 ஓவர்கள் மட்டுமே ஒரு பந்து வீசப்படும் என்ற விதியைக் கொண்டு வந்து, ஒட்டுமொத்தமாக கிரிக்கெட்டை, குழி தோண்டிப் புதைத்து விட்டது. ஃபாஸ்ட் பவுலர்களுக்கு பிரச்சனை ஆரம்பித்த இடம்

இங்கே தான்.
இந்த விதியை மாற்ற, ஐசிசி, "பந்து, நிறம் மாறாது, ஃபாஸ்ட் பவுலர்களுக்கு ஸ்விங் நன்றாகக் கிடைக்கும்!", என்று பசப்பு வார்த்தைகளைக் கூறியது. ஆனால் இதன் உண்மையான நோக்கம், முழுக்க முழுக்க வணிகக் காரணம் மட்டுமே. 15 டூ 40 ஓவர்களில், போட்டி போரடிக்கிறது, ரன்கள் பெரிதாக

வருவதில்லை, அதனால் ரசிகர்கள் இந்த ஓவர்களைப் பார்க்க, டிவியில் அதிக ஆர்வம் காட்டுவதில்லை. இதன் காரணமாக அவர்களின் விளம்பர வருவாய் பாதிக்கிறது என்பதனால், இதை மாற்ற, மறைமுகமாகக் கொண்டு வந்ததுதான் இந்த இரு பந்து விதிமுறை.

சரி இந்த விதியை மாற்றியதால், என்ன பெரிதாக நடந்து விட்டது,

எதற்கு இப்போது அதைக் குறை கூறுகிறார்கள் என்ற கேள்வி எழலாம்.

இரண்டு எண்டிலும் புதுப்பந்துகளையே பயன்படுத்துவதால், பந்து பழையதாகாது. மேலும் பேட்டுக்கு எளிதாகப் பந்து வரும். ரன்கள் சேர்ப்பதற்கு மிகவும் உதவிகரமாக இருக்கும். அதுதான், இப்போது நடந்து கொண்டிருக்கிறது. அதுவே பழைய பந்து

என்றால், பேட்டுக்கு அவ்வளவு எளிதில் வராது, வெயிட் பண்ணி ஆட வேண்டும், ஸ்பின்னர்களுக்கு பந்தை எளிதாக டர்ன் செய்ய உதவும், இறுதி ஓவர்களில் ஃபாஸ்ட் பவுலர்களுக்கு, ரிவ்ர்ஸ் ஸ்விங் ஆகும். இது எதுவும் தற்போது இல்லை.

Credits:Ayyapan

Next threadla meethi continue panren

@CineversalS @karthick_45 @Karthicktamil86 @Dpanism @MOVIES__LOVER @enga_kumbakonam @VmkMadhan93 @laxmanudt @_Girisuriya7_ @thug1one @Smiley_vasu__ @iam_vikram1686 @ShankarNaresh1 @peru_vaikkala @fahadviews @ValluvanVazhi @surestwitz @smithpraveen55 @hari979182 @KalaiyarasanS16

@iam_veeraa @YAZIR_ar @hawra_dv @_Java_Speaks @MrSaravanaVelu @KingKuinsan @IamNaSen @ManiTwitss @manion_ra @Vivek_MTech @Karthi_Genelia @saravanan7511 @innocent_boy_sk @Gowthamnavneeth @ssuba_18 @venkyappu @CinemAnalyst