Thread by @OmkarDabhadkar

एखाद्या राजकारण्याने विवाहबाह्य संबंध ठेवण्यावरून वादंग उठणं स्वाभाविक आहे. पण त्यातून आपल्या समाजाचे दिसणारे विविध पदर विचारात पाडतात.

"त्या"ने ठेवलेले संबंध तरण्याबांड मर्दाचे, कर्तृत्वाचे निदर्शक असतात.
"त्या"चे प्रियजन हिरीरीने समर्थनात उतरतात.

१+

आज त्याद्दल उघडपणे बोलणारी स्त्री वाईट हेतूने करतीये हे समर्थनाचं लॉजिक असतं.

हेच एखाद्या "ती" ने केलं असेल तर?
हेच एखाद्या स्त्रीबद्दल बाहेर आलं तर?

काय होईल?

विवाहबाह्य संबंध सरसकट चांगले की वाईट - हा मुद्दा नाहीये इथे. ते का होतात वगैरे मानस-समाजशास्त्रीय विवेचनही नाही.

२+

पुरुषाचं कर्तृत्व आणि स्त्रीचं बदफैलीपण - हा फरक किती खोल रुजलेल्या प्रो-मेल विचारांमधून आलाय - हा मुद्दा आहे.
एखादा कूल डूड फिल्मस्टार भरपूर लफडी करतो...ते कौतुक असतं. पण अभिनेत्रीने मॅरीड पुरुषाशी संबंध ठेवले तर ती "घर तोडणारी" असते.

राजकारणी, फिल्मस्टार्स सोडाच.

३+

सामान्य माणसांची अनंत किचकट प्रकरणं दिसतात आजूबाजूला. त्यांत स्त्रीला आणि पुरुषाला अगदी वेगळ्या प्रकारे जोखलं जातं हे वास्तव नाकारता येईल का आपल्याला?

आपण मुळात विवाहबाह्य संबंध या फार जटिल विषयावर बोलतोय. सोडा. साध्या छोट्या गोष्टींमधून हा भेद ठळकपणे दिसतोच.

४+

स्मोकिंग करणं, मद्यपान वाईटच. सर्वांसाठीच. पण कॉलेज कट्ट्यावर ४-५ पोरांसोबत एखाद् दुसरी मुलगी सिगरेट ओढत असेल तर "पोरांचं काय, चालूच असतं, पण "ती?"!!!" हीच रिअॅक्शन असेल सर्वांची. दारू ढोसून घरात पडणारे बॅचलर्स हे "मुलांचं" वीकेंडचं कर्मकांड असतं अनेकदा. मुलींचं "असू शकतं" -

५+

- याची कल्पनाही करवत नाही.

या वाईट, त्याज्य गोष्टी झाल्या.

चहाच्या टपरीवर एखादी स्त्री एकटी येऊन चहा घेत असेल तर किमान मुंबई पुण्यात तरी भुवया उंचावणार नाहीत - पण ते "वेगळं" वा "खास" नक्कीच वाटेल सर्वांना. फेसबुकवर मैत्री झाली, माणूस विश्वासार्ह वाटला म्हणून -

६+

भेटण्याची इच्छा व्यक्त करणारी स्त्री "कशी" वाटेल आम्हाला? इकडे द्वयार्थी विनोद असणारे ग्रुप्स, पेजेस आहेत. त्यावर दिलखुलासपणे व्यक्त होणाऱ्या मुली कश्या वाटतात आम्हाला?

इथपर्यंत सडलेले आहेत आमचे विचार.

राजकारण्याने "परस्पर सहमतीने ठेवलेले संबंध" हा राजकीय प्रांतांत फक्त -

७+

चवीने चाखण्याचा विषय आहे.

अमुक नेता तमुक स्त्रीला कसा "घेतोय" ही मर्दानगीची लिटमस टेस्ट आहे. जगाला नैतिकता शिकवणारे पत्रकार्स अँड पुरोगामीज रम आणि व्हिस्की रिचवत, मोठ्या धुंदीत या गोष्टी एन्जॉय करतात.

पण -

८+

हेच एखाद्या राजकारण्याच्या बायकोने केलं तर?
हेच एखाद्या स्त्री राजकारण्याच्या बाबतीत बाहेर पडलं तर?
समाज सोडा. गावात कट्ट्यावर बसलेल्या लोकांना सोडा. सोशलमिडीयावरील ट्रोल्स सोडा.

त्याच रम आणि व्हिस्की रिचवणाऱ्या लोकांची काय भूमिका असेल?

९+

त्यांच्याच कंपूत अशी नाना लफडी असतात. ऐकू येतात आम्हालापण. काय प्रतिक्रिया असतात यावर त्यांच्या?

त्यांच्यापासून झिरपत आलेले "संस्कार" संपूर्ण समाजावर घडतात.
या संस्कारांपासून मुक्ती हवीये आपल्याकडे.

१०+

त्या टपरीवर चहाचा आस्वाद मुक्तपणे घेऊ शकण्यापासून फेसबुकवर हवं ते लिहू-शेअर करू शकण्यापर्यंत स्त्री-मुक्तीची आवश्यकता आहे आपल्याकडे.

एक व्हिडीओ व्हायरल होतोय सध्या.

बँड सुरु आहे. पब्लिक बेभान होऊन नाचतंय. एक म्हातारा आहे नाचणाऱ्यांत. अचानक तो धूम ठोकतोय. कारण -

११+

एक कृश म्हातारी (बहुदा त्याची बायकोच) हातात मोठी काठी घेऊन त्याला बदडायला धावतीये.

फेमिनिजमचा अतिरेक नकोच.

पण ह्या गचाळ पुरुषसत्ताक वृत्तीला त्या आजीबाईच्या दंडुक्याने सोलून काढायला हवंय आपण सर्वांनी.

ओंकार दाभाडकर
[e-mail]

@threadreaderapp please unroll.