Thread by @IAAAAI3

🕳 Ba al dakizue zer diren gordailu-zuloak? #ArkeologiaOstegun honetan, #Eztarroa-ko Andra Mari elizaren Brontze Aroko aztarnategian oinarrituz, gordailu-zuloen funtzioa eta garrantzia ezagutzeko aukera eskaintzen dizuegu.

⛪️ 1984. urtean, #Eztarroa-ko Andra Mari elizaren ondoan lanak egiten ari zirela, langileek lurraren kolorea guztiz aldatzen zela nabaritu zuten. Industria litikoa eta zeramika puskak azaleratu zirenean, Arabako Arkeologia Museo zaharrari ohartarazi zioten.

🔬 Bildutako materialak aztertu ondoren, Museoko ikerlariek premiazko indusketa bat antolatzeko erabakia hartu zuten.

🏺 Gordailu-zuloaren barruan hainbat material arkeologiko aurkitu egin ziren, zeramika gehienbat. Guztira, 1.000 zeramika zati baino gehiago berreskuratu zituzten, eta @RestauraAraba bezalako zerbitzuen lan bikainari esker, 20 ontzi berregin ziren.

🔎 Piezen artean, horma leunduak zituzten goporrak eta biltegiratzako ontzi handiak nabarmendu nahi ditugu. Zeramikak, digitudun kordoi girlandez, erroz, zuloz, ebakiz eta inpresioez apainduta zeuden.

📊 Ikerlariek zehaztu dutenez, eskuz egindako ontziak dira, inguruan aurkitzen zen buztina aprobetzatuz, eta labe irekietan egosi zituzten. Horregatik, ontzi hauek mota askotako kolore eta testurak dituzte.

🎧 Berreskuratutako piezei buruz gehiago jakiteko, Bibat Museoaren audiogida gomendatzen dizuegu: arkeologiamuseoabibat.eus/eu/4-audiogida…

🤔 Baina, zer dira gordailu-zuloak eta dira baliogarriak Arkeologiarentzat? Aztarnategi hauek lurrean egindako zuloak dira, eta haien barruan mota desberdinateako edukinak sartzen ziren: elikagaiak, hezurrak, zeramikak, industria litikoa, eta abar.

📦 Gordailu-zuloak garrantzitsuak dira ukitu gabeko aztarnategi baten aurrean gaudelako. Inoiz ireki ez denez, ez dago inolako eraldaketarik ez zuloan ez materialetan. Hortaz, informazio kronologiko eta kultural oso interesgarriak ematen dizkigute.

🌱 Normalean, gordailu-zuloak ez dira erraz aurkitzen, eta gehienetan nahi gabe suntsitzen dira. Izan ere, ez dira lur azalean ondo desberdintzen, ezta airetik egindako argazkietan ezta landaretzaren hazkunde bereiztuan ere.

🗣 1918. urtean, #Araba-n ezagutzen den lehen gordailu-zuloa Barandiaranek aurkitu zuen Salbatierrabiden. Hementxe doakizue pasa den asteko ildoa:

https://twitter.com/IAAAAI3/status/1359805835816370176?s=20

🪦 Eta zertarako erabiltzen ziren horrelako zuloak? Teoria askok hileta-eginkizun funtzioa zutela diote, baina azken urteotan elikagaiak gordetzeko funtzioa zutelaren posibilitatea zabaltzen ari da.

🌾 #Eztarroa-koa elikagai-biltegia izan zitekeela zehaztu zen. Hormak buztinez estali ziren iragaizgaitz moduan eta hondoan harrizko lauzak ipini zituzten drainatze egokia bermatzeko. Barruan, bertikalki jarri ziren ontziak, eta zuloaren ahoa material galkorrekin bete zen.

🔎 Horrela argudiatu zuten 2003. urtean Amelia Baldeon eta Mª Jose Sánchez Sierrak “Estudios de Arqueología Alavesa”-n argitaratutako artikuluan: academia.edu/45108579/En_to…

📖 Bukatzeko, Amelia Baldeon eta Mª Jose Sanchez Sierra arkeologoek “Depósitos en hoyo de la Edad del Bronce en Álava: Santa María de Estarrona (Estarrona, Vitoria-Gasteiz), Peracho y Alto Viñaspre (Kripan)” (2006) argitaratutako indusketen txostena gomendatzen dizuegu.

👋🏼 Espero dugu ildo hau gustatu izana, hurrengo astera arte!

@threadreaderapp unroll please!