Thread by @Raamraaj3

*திருச்செந்தூர். பாவங்களைப் போக்கும் 24 தீர்த்தங்களைப் பற்றி தெரிந்து கொள்வோம்.*

🇮🇳🙏1

திருச்செந்தூர் என்றதும் நமக்கு கடல் தான் நினைவிற்கு வரும். ஜாதகத்தில் தோஷம் , நவக்கிரக பரிகார பூஜை என்று நம்மில் அனேகர் திருச்செந்தூர் கடலில் நீராடி , நீறு பூசி செந்திலாண்டவரை வணங்குவது தான் வழக்கம். பக்தர்கள் அங்குள்ள கந்தபுஷ்கரணி என்னும் நாழிக்கிணற்றில் நீராடுவதும் உண்டு. 🇮🇳🙏2

ஆனால் திருச்செந்தூர் திருத்தலத்தில் பலரும் அறியாத 24 தீர்த்தங்கள் அமைந்துள்ளது. இது வெறும் தீர்த்தம் மட்டும்அல்ல. மந்திரங்களுக்கு தாயான காய்த்ரி மந்திரத்தின் 24 எழுத்துக்கள் தான் இந்த புண்ணிய தீர்த்தங்கள் என்பது ஐதீகம்.

🇮🇳🙏3

திருச்செந்தூரில் உள்ள 24 தீர்த்தங்கள் பெயர் மற்றும் இங்கு தீர்த்தமாடுவதால் கிடைக்கும் பலன்களை இந்தப் பதிவில் காணலாம்.

🇮🇳🙏4

1. முகாரம்ப தீர்த்தம் - கந்தக் கடவுளின் கருணையைப் பெறலாம்.

2. தெய்வானை தீர்த்தம் - ஆடை அணிகலன் , போஜனம் , தாம்பூலம் , பரிமளம் , பட்டு , பூ அமளி என்கின்ற இன்பத்தைப் பெறுவர்.

🇮🇳🙏5

3. வள்ளி தீர்த்தம் பிரணவ சொரூபமாய் விளங்குகின்ற கந்தப்பெருமானின் திருவடியைத் தியானிக்கும் ஞானத்தைக் கொடுக்கும்.

4. லட்சுமி தீர்த்தம் - குபேரனும் அடைவதற்குரிய செல்வங்களைப் பெறலாம்.

🇮🇳🙏6

5. சித்தர் தீர்த்தம் காமம் , வெகுளி , மயக்கம் என்னும் முக்குற்றங்களும் நீங்கி முக்திக்குத் தடையாகிய உடல் , உலக பகைகளை விலக்கி முக்தி வழியை நாடச் செய்யும்.

6. திக்கு பாலகர் தீர்த்தம் - கங்கை , யமுனை , காவிரி முதலிய தீர்த்தங்களில் நீராடிய பலன் கிடைக்கும்.

🇮🇳🙏7

7. காயத்ரீ தீர்த்தம் - அநேக வேள்விகளைச் செய்தவர் அடைகின்ற பலன்களைப் பெறலாம்.

8. சாவித்ரி தீர்த்தம் -பிரமாதி தேவர்களாலும் காண்பதற்கு அரிய உமாதேவியின் பொன்னடிகளைப் பூஜித்த பலனைப் கொடுக்கும்.

9. சரஸ்வதி தீர்த்தம் -சகல ஆகம புராண இதிகாசங்களை அறியத் தகுந்த அறிவைக் கொடுக்கும்.

🇮🇳🙏8

10. அயிராவத தீர்த்தம் -சந்திர பதாகை , பன்னாவை முதலிய நதிகளில் நீராடிய பலன் கிடைக்கும்.

11. வயிரவ தீர்த்தம் -சரஸ்வதி , சோனை முதலிய நதிகளில் மூழ்கியவர் அடையும் பலனை அடைவர்.

12. துர்க்கை தீர்த்தம் -இம்மையிலே அடையும் துன்பத்தைப் போக்கி நன்மையைப் பெறுவர்.

🇮🇳🙏9

13. ஞானதீர்த்தம் -இறைவனைப் பரவுவோருக்கும் , பரவுவதற்கு நினைத்தோர்க்கும் நன்மையைக் கொடுத்தருளும்.

🇮🇳🙏10

14. சத்திய தீர்த்தம் -களவு , கள்ளுண்டல் , கொலை , பொய் , அகங்காரம் , உலோபம் , காமம் , பகை , போஜனப் பிரியம் , சாய்தல் , சோம்பல் , தூலம் , சூக்குமம் , அதி சூக்குமம் என்று சொல்கின்ற பாதகம் , அதிபாகம் , மகா பாதகம் நீக்கும்.

🇮🇳🙏11

15. தரும தீர்த்தம் -தீவினையாகிய வேரைக்களைந்து தேவாமிர்தமாகிய மங்களகரத்தைக் கொடுத்தருளும் வல்லமை படைத்தது.

16. முனிவர் தீர்த்தம் - ஜகத்ரட்சகனைக் கண்ட பலனைப் பெறுவர்.

🇮🇳🙏12

17. தேவர் தீர்த்தம் - காமம் , குரோதம் லோபம் மோகம் மாச்சரியம் என்னும் ஆறு குற்றங்களை நீக்கி ஞான அமுதத்தை நல்கும்.

18. பாவநாச தீர்த்தம் -குற்றமில்லாத முனிவர்களால் சபிக்கப்பட்ட சாபங்களை விலக்கி அனைத்துப் புண்ணியார்த்தங்களையும் அளிக்க வல்லது.

🇮🇳🙏13

19. கந்தப்புட்கரணி தீர்த்தம் -சந்திரசேகர சடாதரனுடைய திருவடியை முடிமிசைச் சூடும் மேன்மையைப் பெறுவர்.

20. கங்கா தீர்த்தம் - முக்திக்கு ஏதுவாய் பெருமானைத் தரிசித்துப் போற்றுவார்.

21. சேது தீர்த்தம் -சகல பாதகத்தினின்றும் நீக்கி நன்மையைக் கொடுத்தருளவல்லது.

🇮🇳🙏14

22. கந்தமாதன தீர்த்தம் -பாவங்களைப் போக்கி பரிசுத்தத்தைத் தர வல்லது.

23. மாதுரு தீர்த்தம் -அன்னையைப் போன்று ஆசீர்வதித்து அதிலும் பன்மடங்கு அதிகமாக பலனைக் கொடுக்கும்.

🇮🇳🙏15

24. தென் புலத்தார் தீர்த்தம் - இதில் ஒரு தரம் மூழ்கி எள்ளுத் தண்ணீரும் இறைத்தவர்களுக்கு இம்மை மறுமையும் சிறந்து விளங்க செந்திலாண்டவன் திருவருட்கரந்து வாழும் பதத்தை க் கொடுத்தருளுவார்.

வாழ்க பாரதம் 🇮🇳🙏
வளர்க பாரதம் 🇮🇳🙏🇮🇳