Thread by @AkListwa

#thread
#1- ULCC anonse li ouvè yon ankèt sou madanm senatè Rone Célestin ki achte yon kay nan peyi Kanada pou 4.25 milyon dola. Istwa PHTK a montre poko janm gen yon pwòch rejim nan ki enplike nan skandal ki rive pase devan lajistis. men kèk ezanp. Sonje non yo ak figi yo!

#2- Calixte Valentin, konseye prezidan Michel Martelly touye Octanol Derissaint 18 avril 2012. Martelly oblije revoke l apre dosye sa fè gwo skandal ak manifestasyon. Apre l pase 6 mwa nan prizon, yon jij libere l san yo pa jije l pou krim nan.

#3- Calixte Valentin te konn ranmase lajan ladwàn Malpas pou Michel Martelly. An 2020 Calixte Valentin t ap vann yon lèt ekspire ki te fè anpil timoun malad nan komin Ennery. Otorite lajistis nan Ennery yo pat kapab arete l paske l gen twòp pouvwa.

✍️#PouLaVeriteAkPouListwa

#4- Minis Jistis la alepòk, Jean renel Sanon ki se manm fondatè PHTK, te revoke komisè gouvènman Kwadèboukè a ki te bay lòd pou arete Calixte Valentin apre li te touye Octanol la. Malgre l te nan komisarya a Kanapevè, Calixte Valentin te konn òganize reyinyon politik nòmalman.

#5- Woodly Ethéard (alyas Sonson La familia) ak Renel Nelfort (alyas Renel Le Recif) kidnape yon sitwayen ki rele Arman Romain. Yo fè l bay 180 mil dola ameriken. Sonson Lafamilia se bon zanmi bòfrè Martelly ki rele Kiko St Rémy, frè Sophia Martelly.

#6- Soson La Familia t ap dirije yon gang yo rele Galil. Rapò yo fè konnen, gang sa te enplike nan omwens yon douzèn zak kidnaping epi li fè plis pase 2 milyon dola ameriken. Se yon gang ki touye anpil moun, e ki bay anpil latwoublay.

#7- Malgre tout prèv, jij Lamarre Belizaire lage Sonson Lafamilia ak Renel Le Recif. Li di Sonson « Si w te konn fè sa, pa fè l ankò ». Dosye sa a te fè gwo bri nan peyi a kou aletranje. Administrasyon prezidan Obama a te ekprime enjyetid li sou sa. reut.rs/3bQwjN1

#8- Men kijan avoka Newton Saint Juste, k ap travay pou rejim PHTK a jodi a, pale de relasyon Sonson La Familia ak fanmi Michel Martelly.

✍️#PouLaVeriteAkPouListwa

#9- Apre plizyè eksè jij Lamarre Bélizaire te fè pou pouvwa a PHTK a, bawo Pòtoprens te pran sanksyon kont li pou l pa ekzèse pwofesyon avoka pandan 10 lane.

✍️#PouLaVeriteAkPouListwa

#10- Ansyen minis Afè Sosyal, Roosevelt Bellevue enplike nan dosye gwosi lajan kit skolè pou fè benefis plis pase 40 milyon goud. Malgre yon rapò Lakoudèkont ki pwouve vòl la, malgre pouvwa Jovenel la revoke l, lajistis pa janm sezi dosye sa a.

✍️#PouLaVeriteAkPouListwa

#11- André Jonas Vladimir Paraison te enplike nan yon dosye kagezon zam ladwàn dekouvri Senmak. Li te kowòdonatè sekirite palè sou Michel Martelly. Pouvwa a fè l al refijye nan peyi Ekwatè. Jij Octelus Dorvilien Jovenel mete nan lakou kasasyon an, te deside fèmen dosye sa a.

#12- Fednel Monchéry ak Rigaud Duplan enplike nan masak Lasalin. Ankèt montre kijan yo patisipe nan bay zam ak lajan pou masak sa rive fèt. . Etazini pran sanksyon kont moun sa yo. Pouvwa PHTK a oblije mete yon manda dèyè yo. Jiskaprezan, lapolis pa arete yo.

#13-Rosemond Jean ak Eudes Lajoie vòlè kay. Malgre minis jistis la deplase an pèsòn al remèt mèt kay la kay li, lajistis pa fè anyen kont Eudes Lajoie. Dam nan te rive jwenn kay sa paske li se fanmi senatè Rony Celestin.

*Bon non an se Joseph Pierre Richard Duplan

@threader_app compile