ಒಂದು ದೇಶ ಒಂದು ಚುನಾವಣೆ ಎಂಬ ನೀತಿ ಜಾರಿಗೆ ಬಂದರೆ ದೇಶದಲ್ಲಿ ಪದೇ ಪದೇ ನಡೆಯೋ ಚುನಾವಣೆಗಳಿಗೆ ಆಗೋ ಖರ್ಚು ಕಮ್ಮಿ ಆಗುತ್ತೆ. ಪ್ರತಿ ಎಲೆಕ್ಷನ್ಗೂ ಕೇಂದ್ರ ಮತ್ತು ರಾಜ್ಯಗಳಿಂದ ರಾಜಕಾರಣಿಗಳು ಪ್ರಚಾರಕ್ಕೆ ಹೋಗೋದ್ರಿಂದ ಆಡಳಿತ ಯಂತ್ರ ಪದೇ ಪದೇ ವೇಗ ಕಳೆದುಕೊಳ್ಳುತ್ತೆ ಅನ್ನೋದು ಕೆಲವರ ವಾದ. ಈ ವಾದ ಸರಳ ಮತ್ತು ಕೇಳೋಕೆ ಹಿತವಾಗಿದೆ 1/8
ಅಂತ ಅನ್ನಿಸಿದ್ರೂ ವಾಸ್ತವವಾಗಿ ಇದು ಪ್ರಜಾಸತ್ತಾತ್ಮಕ ವ್ಯವಸ್ಥೆಗೆ ಅತ್ಯಂತ ಅಪಾಯಕಾರಿಯಾಗಿದೆ ಅನ್ನೋದ್ರಲ್ಲಿ ಸಂಶಯವೇ ಬೇಡ. ಉದಾಹರಣೆಗೆ ಈ ಒಂದು ದೇಶ ಒಂದು ಚುನಾವಣೆ ನೀತಿಯ ಅಡಿಯಲ್ಲಿ ಇಡೀ ದೇಶಕ್ಕೆ ಚುನಾವಣೆ ನಡೀತು ಅಂತ ಇಟ್ಕೊಳ್ಳಿ. ಆಗ ಕೇಂದ್ರ ಮತ್ತು ರಾಜ್ಯದಲ್ಲಿ ಹೊಸ ಸರ್ಕಾರಗಳು ಅಧಿಕಾರಕ್ಕೆ ಬರುತ್ತವೆ. ಇವುಗಳಲ್ಲಿ 2/8
ಯಾವುದೋ ಒಂದು ರಾಜ್ಯದಲ್ಲಿ ಬಹುಮತದ ಕೊರತೆಯೋ ಅಥವಾ ಆಪರೇಷನ್ ಕಮಲದಂತಹ ದರಿದ್ರ ಪ್ರಹಸನವೋ ನಡೆದು ಸರ್ಕಾರ ಕೆಲವೇ ದಿನಗಳಲ್ಲಿ ಪತನವಾದರೆ ಮತ್ತೆ 5 ವರ್ಷಗಳವರೆಗೆ ರಾಷ್ಟ್ರಪತಿ ಆಡಳಿತವೇ ಇರೋಕಾಗುತ್ತ? ರಾಜ್ಯಗಳು ಬಿಡಿ. ಕೇಂದ್ರದಲ್ಲೇ ನಾನಾ ಕಾರಣಗಳಿಂದ ಸರ್ಕಾರ ಬಿದ್ದರೆ ಈ ಎಲ್ಲ ರಾಜ್ಯಗಳು ಮತ್ತೆ ಚುನಾವಣೆಗೆ ಹೋಗ್ಬೇಕಾ? 3/8
ಒಕ್ಕೂಟದಲ್ಲಿ ಕೇಂದ್ರ ಸರ್ಕಾರ ಇಲ್ಲದೆ ಬರೀ ರಾಜ್ಯ ಗಳೇ ಸರ್ಕಾರ ನಡೆಸೋದನ್ನು ಊಹಿಸಿಕೊಳ್ಳೋದಕ್ಕೆ ಆಗುತ್ತಾ? ಸ್ವಲ್ಪ ಯೋಚನೆ ಮಾಡಿ. ಇನ್ನು ಲೋಕಸಭೆ ಮತ್ತು ವಿಧಾನಸಭಾ ಚುನಾವಣೆಗಳು ನಡೆಯೋದೆ ವಿಷಯಾಧಾರಿತವಾಗಿ. ಲೋಕಸಭೆಯ ಎಲೆಕ್ಷನ್ಗೆ ವಿದೇಶಾಂಗ ನೀತಿ, ಆರ್ಥಿಕತೆ, ಪಾಕಿಸ್ತಾನ್, ಚೈನಾ, ಭಯೋತ್ಪಾದಾನೆ, ಇತ್ಯಾದಿ ದೊಡ್ಡ ದೊಡ್ಡ ವಿಚಾರಗಳ 4/8
ಮೇಲೆ ಜನ ಓಟ್ ಹಾಕಿದ್ರೆ ವಿಧಾನ ಸಭೆಯ ಚುನಾವಣೆಯಲ್ಲಿ ಆರೋಗ್ಯ, ರಸ್ತೆ, ನೀರು, ಕರೆಂಟು, ದಿನನಿತ್ಯ ಬಳಕೆ ವಸ್ತುಗಳ ಬೆಲೆ ಇತ್ಯಾದಿ ದೈನಂದಿನ ವಿಷಯಗಳ ಕುರಿತು ಓಟ್ ಹಾಕ್ತಾರೆ. ಇನ್ನು ಎರಡೂ ಚುನಾವಣೆಗಳು ಒಟ್ಟಾಗಿ ನಡೆದ್ರೆ ಜನ ವಿಷಯಾಧಾರಿತವಾಗಿ ಮತ ಹಾಕಲು ಸಾಧ್ಯವೇ ಇಲ್ಲ. ಕೊನೆಗೆ ಈ ನೀತಿಯಿಂದ ದೊಡ್ಡ ಹೊಡೆತ ರಾಜ್ಯಗಳಿಗೆ ಮತ್ತು 5/8
ಅಂತಿಮವಾಗಿ ಜನರಿಗೆ ಬೀಳುತ್ತೆ. ರಾಜ್ಯಗಳು ಈಗಿರುವ ಅಲ್ಪ ಸ್ವಲ್ಪ ಸ್ವಾಯತ್ತತೆಯನ್ನು ಕಳೆದುಕೊಂಡು ಕೊನೆಗೆ ಪ್ರತಿಯೊಂದಕ್ಕೂ ಕೇಂದ್ರ ಸರ್ಕಾರದ ಭಿಕ್ಷೆ ಬೇಡಬೇಕಾದ ಪರಿಸ್ಥಿತಿ ಉಂಟಾಗುತ್ತದೆ. ಉದಾಹರಣೆಗೆ ನಮ್ಮ ರಾಜ್ಯ ಕರ್ನಾಟಕ. ಕೇಂದ್ರದಲ್ಲೂ ರಾಜ್ಯದಲ್ಲೂ ಒಂದೇ ಸರ್ಕಾರ ಇದ್ರೆ ಹಣದ ಹೊಳೇನೇ ಹರಿದು ಬರುತ್ತೆ ಅಂದವ್ರು ಈಗ ನಮ್ಮ ಪಾಲಿನ 6/8
ಜಿಎಸ್ಟಿ ಹಣ ಕೇಳಲಿಕ್ಕೂ ಭಯ ಪಡ್ತಾವ್ರೆ. ಅಕ್ಷರಶಃ ರಾಜ್ಯ ಸರ್ಕಾರದ ಬೊಕ್ಕಸ ಖಾಲಿ ಆಗಿದೆ. ಇನ್ನು ಕೊನೆಯದಾಗಿ ಹೇಳ್ಬೇಕಂದ್ರೆ ಇದು ದೇಶದಲ್ಲಿ ಸರ್ವಾಧಿಕಾರವನ್ನು ಹುಟ್ಟುಹಾಕುವ ಷಡ್ಯಂತ್ರ ಅಷ್ಟೇ. ಇವತ್ತು ಒಂದು ದೇಶ ಒಂದು ಚುನಾವಣೆ, ಆಮೇಲೆ ಒಂದು ದೇಶ ಒಂದು ಪಕ್ಷ, ಕೊನೆಗೆ ಒಂದು ದೇಶ ಒಬ್ಬ ನಾಯಕ ಅಂತಾದರೆ ನಮ್ಗೆಲ್ಲಾ ಉತ್ತರ ಕೊರಿಯಾ 7/8
ಇರಾನ್, ಇರಾಕ್, ಮ್ಯಾನ್ಮಾರ್, ಸಿರಿಯ,ಮುಂತಾದ ದೇಶಗಳಿಗೆ ಬಂದ ದುರ್ಗತಿ ಬರುತ್ತೆ. ಆಗ ಸಮಯ ಮೀರಿ ಹೋಗಿರುತ್ತೆ. ನಾವು ಯೋಚನೆ ಮಾಡಿದ್ರೂ ಪ್ರಯೋಜನವಾಗೋದಿಲ್ಲ. ಆದ್ದರಿಂದ ಈ ಒಂದು ದೇಶ ಒಂದು ಚುನಾವಣೆ ನೀತಿಯನ್ನು ನಾವು ಖಡಾಖಂಡಿತವಾಗಿ ವಿರೋಧಿಸಲೇ ಬೇಕು. ನಿಮಗೆಲ್ಲ ಅರ್ಥವಾಗಿದೆ ಅನ್ಕೋತೀನಿ. ನಮಸ್ಕಾರ. 8/8
• • •
Missing some Tweet in this thread? You can try to
force a refresh
