Thread by @Virbal42

#നിശ്ചയിച്ചതിലും ഏറെ വൈകിയാണ് കെ സുരേന്ദ്രൻ ഇന്നലെ സ്ഥാനാർഥി പര്യടനം ആരംഭിച്ചത്. ബി ജെ പി സംസ്ഥാന പ്രസിഡന്റ് എന്ന ഉത്തരവാദിത്വങ്ങളാണ് സമയക്രമത്തിൽ വന്ന മാറ്റത്തിന് കാരണം. സീതത്തോട് ഗുരുനാഥൻ മണ്ണിൽ നിന്നാരംഭിച്ച സ്വീകരണ പരിപാടികൾ കെ സുരേന്ദ്രനും പ്രവർത്തകർക്കും വലിയ ആവേശം

പകരുന്നതായിരുന്നു. മധ്യാഹ്ന വെയിലിന്റെ കാഠിന്യത്തിൽ പരിപാടി എത്തിച്ചേർന്നത് ചിറ്റാർ പഞ്ചായത്തിലെ പാമ്പിനിയിലാണ്. പാമ്പിനി കെ എസ്സിന് ഏറെ പ്രിയങ്കരമായ മണ്ണാണ്. സാധാരണയിൽ സാധാരണക്കാരായവർ താമസിക്കുന്ന പാമ്പിനി എല്ലാക്കാലത്തും തനിക്കൊപ്പം നിന്ന ചരിത്രമാണുള്ളതെന്ന് അദ്ദേഹത്തിനറിയാം.

ഉജ്വലമായ സ്വീകരണങ്ങൾ ഏറ്റു വാങ്ങി ചിറ്റാർ പഞ്ചായത്തിലെ അവസാന സ്വീകരണ സ്ഥലമായ കൊടുമുടിയിലേക്കുള്ള യാത്രയിലായിരുന്നു കെ സുരേന്ദ്രൻ. കൊടുമുടി സ്വീകരണ യോഗ സ്ഥലത്തേക്കെത്തുന്നതിനു തൊട്ടു മുൻപ് ഒരമ്മ വഴിയിൽ വീണു കിടക്കുന്നത് ശ്രദ്ധയിൽ പെട്ടു. പ്രായമായ മറ്റു രണ്ടമ്മമാർ

തൊട്ടടുത്തിരുന്ന് ശുശ്രൂഷ നടത്തുന്നു. സാമാന്യം ഭേദപ്പെട്ട വേഗത്തിൽ ഓടുന്ന തന്റെ വണ്ടിയിലുരുന്ന സുരേന്ദ്രന്റെ കണ്ണുകളിൽ ആ കാഴ്ച്ചയുടക്കി. സ്വല്പം മുന്നോട്ടു പോയ വാഹനം പിന്നിലേക്കെടുത്തു. പന്തികേട് തോന്നിയ അദ്ദേഹം എല്ലാം മറന്ന് സംഭവ സ്ഥലത്തിറങ്ങി.

അബോധാവസ്ഥയിൽ ഒരമ്മ വഴിയരുകിൽ

കിടക്കുന്നു. വയസ്സേറെയായ രണ്ടമ്മമാർ മാത്രമാണ് സഹായത്തിനുള്ളത്. കെ സുരേന്ദ്രന്റെ വാഹനം നിന്നതോടെ സ്വീകരണ യോഗങ്ങളിൽ പങ്കെടുക്കാനെത്തിയ വാഹനങ്ങളെല്ലാം ബ്രേയ്ക്കിട്ടു. അദ്ദേഹം അബോധാവസ്ഥയിൽ കിടന്ന അമ്മയുടെ അരുകിലെത്തി പ്രാഥമിക ശുശ്രൂഷകളിൽ പങ്കെടുത്തു. അസാധാരണത്വം തോന്നിയ കെ എസ്

പെട്ടെന്ന് തന്റെ വാഹനവ്യൂഹത്തിലുൾപ്പെട്ട ഒരു കാറിൽ ആ അമ്മയെ കയറ്റി ആശുപത്രിയിലാക്കയച്ചു. അവിടെ നിസ്സഹായരായി വീട്ടു വേഷത്തിൽ നിന്ന അമ്മമാർക്ക് തനിക്കു കിട്ടിയ നേര്യത് നൽകി അവെരെയും കൂട്ടിനയച്ചു,

അടുത്ത സ്വീകരണ സ്ഥലമെത്തിയതോടെ ആ അമ്മയെ പറ്റിയുള്ള വിവരം അദ്ദേഹം ആരാഞ്ഞു. അവരിനി

ഈ ലോകത്തിലില്ല എന്ന ദുഃഖ വാർത്ത കെ എസ്സിനെ തളർത്തി. പിന്നീട് സന്ധ്യ വരെയുള്ള സ്വീകരണ പരിപാടികൾ ഒഴിവാക്കി അദ്ദേഹം വിശ്രമിച്ചു. ചില ക്ളോസ്ഡ് ഡോർ ചർച്ചകൾക്കായി ഉൾവലിഞ്ഞു.

പിന്നീട് ഏറെ വൈകി ആ അമ്മയെ പറ്റിയുള്ള വിവരങ്ങൾ അദ്ദേഹം ചോദിച്ചറിഞ്ഞു. കൊടുമുടി മനു ഭവനിൽ 70 വയസ്സുള്ള

സരസ്സമ്മയാണ് വഴിയരുകിൽ അബോധാവസ്‌തിയിലാകുകയും പിന്നീട് മരണപ്പെടുകയും ചെയ്തത്. ആ 'അമ്മ ഒറ്റക്കായിരുന്നു താമസം. മക്കളായ മധുവും മനുവും നേരത്തെ ആന്തരിച്ചിരുന്നു.

കെ എസ് ഇന്നലെ ദുഖത്തിലായിരുന്നു.

അമ്മക്ക് പ്രണാമം🙏🙏