Thread by @mivinayjadhav

📍 स्त्रीयांचे पुनरूत्थान :- समाजातील स्त्रीची कितपत प्रगती झाली आहे त्यावरून मी त्या संपूर्ण समाजाच्या प्रगतीचा आलेख ठरवतो हे बाबासाहेबांचे वाक्य त्यांच्या मनात स्त्रियांबाबत असलेला आदर स्पष्ट करण्यास पुरेसा आहे. बाबासाहेबांचे शिक्षण, त्यांचे कार्य,
#ThanksDrAmbedkar #JaiBhim

त्यांची चळवळ, दलितांना मिळवून दिलेले हक्क अधिकार याबाबत नेहमी बोलले जाते.हिंदू कोडबिलाच्या संबंधात आपली भूमिका स्पष्ट करताना कायदेमंत्री डॉ. बाबासाहेब आंबेडकर म्हणतात, समाजातील वर्गावर्गातील असमानता, स्त्री-पुरुष यांच्यातील असमानता तशीच अस्पर्शित राहू देऊन, आर्थिक समस्यांतील

निगडीत कायदे संमत करीत जाणे म्हणजे आपल्या संविधानाची चेष्टा करणे होय. शेणाच्या ढिगाऱ्यावर राजप्रसाद बांधण्यासारखे होय. हिंदू संहितेला मी हे महत्त्व देतो.
‌हिंदू धर्मात अस्पृश्य मानल्या गेलेल्या समाजाकरिता व ‌स्त्रियांची विविध प्रकारच्या शोषणातून सुटका व्हावी यासाठी हिंदू कोड बिल,

जातपंचायतमध्ये स्त्रियांना स्थान नव्हते. देवदासी, मुरल्या, जोगतीणी यांच्याबाबत असलेल्या प्रथा उखडून टाकण्याची चळवळ, सन १९२७ च्या महाडच्या चवदार तळ्याच्या सत्याग्रहात स्त्रियांचा सहभाग होता. सन १९३० च्या काळाराम मंदिर सत्याग्रहात पहिली अटक होणारी तुकडी विशेष म्हणजे

स्त्रियांचीच होती. डॉ. बाबासाहेब आंबेडकरांच्या सर्व चळवळी समाजातील महिलांच्या नेतृत्त्वाचा पाया भक्कम करण्यासाठीच होत्या.या सर्व आंदोलनाला डॉ. बाबासाहेब आंबेडकरांनी जवळपास १९२४-२५ सालापासून सुरुवात केली होती. या आंदोलनास एक दलित नेता म्हणून डॉ. बाबासाहेब आंबेडकरांना सनातनी

लोकांकडून कडवा विरोध होत होता. महिलांचे प्रश्न, दलितांचे अधिकार, दलित व स्त्रियांना मंदिर प्रवेशाला नाकारणारी सनातनी प्रवृत्ती या विषयास सनातनी मंडळींनी कधीच सह्योग केलेला नाही.
डॉ. बाबासाहेब आंबेडकरांनी घटनेच्या गाभाऱ्यात स्त्री-पुरुष समतेलाही स्थान दिले. इतकेच नाही तर त्यासाठी

आंदोलने सुध्दा केली. हिंदू कोड बिल तर हे त्याचे उत्तम उदाहरण आहे. स्त्रीमुक्तीचा ध्यास डॉ. बाबासाहेबांनी घेतला होता. सन १९४७ पासून जवळपास चार वर्षाच्या अथक परिश्रमातून तयार केलेल्या हिंदू कोड बिलात स्त्रियांना कायद्याने हक्क, दर्जा आणि प्रतिष्ठा प्राप्त व्हावी हे ध्येय होते.

संसदेत १९५१ ला हिंदू कोड बिल फेटाळले गेले. तेव्हा अत्यंत दु:खी व निराश होऊन डॉ. बाबासाहेब आंबेडकरांनी आपल्या कायदेमंत्री पदाचा राजीनामा दिला. केवढा प्रचंड त्याग त्यांनी तेव्हा स्त्रियांच्या हक्काकरिता केला.दलित व महिलांसाठी या सत्तासंघर्षात व्यवस्था बदलता येणार नाही हे

बाबासाहेबांनी वारंवार सांगितले होते.डॉ. बाबासाहेब आंबेडकर यांनी घटनेच्या माध्यमातून स्त्रियांना जे अधिकार दिलेत त्यामुळंच विसाव्या शतकाच्या उत्तरार्धात स्त्रियांच्या ज्या ज्या चालवली उभ्या राहिल्या, वेगवेगळ्या क्षेत्रात स्त्रियांनी जे प्राविण्य मिळविले आणि

समाजजीवनाच्या मध्यास्त्रोतात येण्याची जी धडपड सुरु केली त्या सगळ्यांचं अधिष्ठान राज्यघटना होय. म्हणजेच पर्यायाने डॉ. आंबेडकर होय.२५ डिसेंबर १९२७ रोजी डॉ. आंबेडकरांनी मनुस्मृती दहन घडवून आणले. शूद्र जातीचे आत्मबल नष्ट करून त्यांची सामाजिक, राजकीय, आर्थिक गुलामगिरी कायम करणारा

” मनुस्मृती ” हा ग्रंथ माणुसकीचा उच्छाद करणं आहे, असा ठराव पारीत  करून त्यांनी मनुस्मृतीचे   दहन श्री. चित्रे आणि श्री. सहस्त्रबुद्धे या स्पृश्य सहकाऱ्यांच्या मदतीने केले. या ठरावाला पाठिंबा -अनुमोदन देणारी दलितभागिनी होती श्रीमती गंगुबाई सावंत.

या कृतीने क्षुद्रांमध्ये आणि स्त्रियांमध्ये मोठा आत्मविश्वास निर्माण केला. स्त्रीपुरुष आणि जातीजातींमधील विषमतेवर आधारित समाजव्ययस्था नाकारणे हाच या दहनामागचा उद्देश होता. माणसामाणसांमध्ये भेद करणारी आणि माणुसकीला लांच्छनास्पद असणारी बंधने घालणारी व्यवस्थाच नाकारणे आवश्यक आहे असा

बाबासाहेबांचा ठाम विश्वास होता. समतेवर आधारित सर्वांकष सामाजिक परिवर्तन हेच बाबासाहेबांच्या लढ्याचे अंतिम उद्दिष्ट होते. म्हणूनच जागोजाग विषमतेचे विष पेरणाऱ्या आणि स्त्रीशूद्रांना सामाजिक न्याय नाकारणाऱ्या मनुस्मृतीचे कायदा – संहिता बदलून भारतातील लोकशाही मूल्यांवर स्वातंत्र्य,

बंधुता, समता, न्याय आधारित नावे कायदे- संहिता भारतासाठी निर्माण करण्यात त्यांनी मोलाची कामगिरी केली. मात्र १० वर्षांपूर्वीच मनुस्मृतीवॉर बंदी घातली असतानाही पूणष मनुस्मृती बाजारात मोठ्या प्रमाणात उपलब्ध करून देणे, त्याची विक्री करणे सुरूच आहे. स्त्रियांच्या संदर्भात अत्यंत हीं

दर्जाचे लेखन त्यात केलेले आहे. मनू म्हणतो,” कोणतीच स्त्री स्वतंत्रयोग्य नाही. तिने पुरुषाच्या पायाखालची दासी म्हणून जगावे, विधवेसोबत दिराने शरीरसंबंध ठेवावेत, असे हीं दर्जाचे लेखन त्यात आहे. एएवढेच नव्हे तर पुरुषांना पाहताच स्त्रियांच्या मनात संभोगाची इच्छा उत्पन्न होते. त्या

चंचल असतात. त्यांच्यावर सतत पुरुषांनी लक्ष ठेवण्याची गरज आहे. अशा प्रकारचे अत्यंत लाजिरवाणे, निरर्थक श्लोक मनुस्मुतीत आहेत. स्त्रीकडे व्यक्ती म्हणून बघण्याची मनुस्मृतीचे तयारीच नव्हती. आजच्या काळात या ग्रंथाची काय गरज? ती गरज जर नाही असे वाटत असेल तर मनुस्मृती वितरणावर बंदी

असतानाही प्रकाशक आणि वितरक कुणाच्या मेहरबानीवर हा उपद्याप सुरु ठेवताहेत, हि विचार करण्यास बाध्य करणारी गोष्ट आहे. कुणाही संवेदनशील व्यक्तीच्या तळपायाची आग मस्तकात जाईल, अशीच सर्व स्त्रीनिंदा त्यात आहे.
#AmbedkarJayanti @MyselfViraj @BhavrePratiksha @Leo_07_07_07_07

@prettie_me22 @Archanagsanap2 @MoraleSujata @nowdurga @PallaviBhanu @Archu70 @AnjaliMaydeo @VarshaEGaikwad @name_is_surya @sanghamitta14 @DishaShaikh7 @ShameebhaP @SanghratnaBans1 @Jagdevsiddharth @Asmita_A_Jadhav
#JaiBhim