Thread by @Raamraaj3

*விட்டலன் அருள் புரியும் தென்னாங்கூர்*

*அருள்மிகு ரகுமாயீ சமேத பாண்டுரங்கன் திருக்கோயில்,தென்னாங்கூர்.*

(திருவண்ணாமலை மாவட்டம்)

சிறப்புகள்

திருவண்ணாமலை மாவட்டத்திலுள்ள முக்கிய கோயில்களுள் மிகவும் பிரசித்திப் பெற்ற கோயிலாக இத்திருக்கோயில் உள்ளது.

🙏🇮🇳1

பாண்டுரங்கப் பெருமாள் ரகுமாயீ தாயார் உடன் எழுந்தருளி பக்தர்களுக்கு அருள்பாலிக்கிறார்.பாண்டுரங்க சுவாமி சுமார் 12 அடி உயர சாளக்கிராமத்தினால் நின்ற கோலத்தில் உள்ளார்.

🙏🇮🇳2

இத்திருக்கோயிலின் கோபுர அமைப்பானது ஒடிசா மாநிலத்திலுள்ள பூரி ஜகந்நாதர் கோயில் கோபுரத்தினைப் போன்று சுமார் 120 அடி உயரத்தில் உள்ளது.

இங்கு யந்திர வழிபாட்டில் முக்கியத்துவம் பெறும், ஸ்ரீசக்ரத்தின் அதி தேவதைகள் "மஹாசோடஷி' என்ற திருநாமத்தில் ஒரே வடிவில் அருள்பாலிக்கின்றனர்.
🙏🇮🇳3

ஸ்ரீ சக்ரத்தில் எத்தனை பிரிவு உள்ளதோ அத்தனை பிரிவிற்கும் உள்ள தெய்வங் களான "மகாசோடஷி, ராஜராஜேஸ்வரி, சரஸ்வதி, லட்சுமி, பிரம்மா, விஷ்ணு, ருத்ரன், ஈசுவரன், விநாயகர், பாலா, அன்னபூரணி, அச்வாரூடா, ராஜமாதங்கி, வராஹி, பிரத்யங்கிரா, சரபேஸ்வரர், சக்கரத்தாழ்வார், யோகநரசிம்மர்,

🙏🇮🇳4

அகோரமூர்த்தி, வனதுர்க்கை, பராசரஸ்வதி, மேதா தட்சிணாமூர்த்தி, சுப்ரமணியர், சண்டிமகாலட்சுமி, பிராஹ்மி, மாகேஸ்வரி, கவுமாரி, வைஷ்ணவி, வராஹி, மாகேந்திரி, சாமுண்டா,மகாலட்சுமி ஆகியோர் இத்தலத்தில் விக்ரக வடிவில் இருப்பது மிகவும் கண்கொள்ளா காட்சியாக உள்ளது.

🙏🇮🇳5

இங்கு தான் கோவிந்தராஜப்பெருமாள் திருப்பதியைப்போல், சனிக்கிழமைதவிர மற்ற நாட்களில் கல்யாண உற்சவம் கண்டு அருள்புரிகிறார்.

இங்கு பெருமாளின் திருக்கல்யாணம் வைதீக சம்பிரதாயமும், பஜனை சம்பிரதாயமும் இணைந்த உற்சவம் நடத்தப்படுகிறது.

🙏🇮🇳6

இறைவனை நாம சங்கீர்த்தனம் (பக்திப்பாடல்) மூலம் வழிபாடு செய்யப்படும் முறை இத்திருத்தலத்தின் சிறப்புகளுள் குறிப்பிடத்தக்கதாக உள்ளது.கோயிலின் பின்பக்கம் ஞானானந்த சுவாமிகளின் பிருந்தாவனம் அமைந்துள்ளது.

🙏🇮🇳7

திருவிழாக்கள்

ஒவ்வொரு தமிழ் வருட பிறப்பின் போதும் "விஷுக்கனி உற்சவம்' என பழ அலங்காரத்தில் அருள் பாலிக்கிறார்.

🙏🇮🇳8

கோகுலாஷ்டமியில் முத்தங்கிசேவை நடக்கிறது. இது தவிர ராஜகோபாலனாக, கோவர்த்தன கிரியை கையில் பிடித்திருக்கும் கிரிதாரியாக, கீதை உபதேசிக்கும் கண்ணனாக, தேரோட்டும் பார்த்தசாரதியாக, ராதாகிருஷ்ணனாக சேவை சாதிக்கிறார்.

🙏🇮🇳9

அலங்கார திருக்கோலம்

ஞாயிற்றுகிழமையில் மதுராபுரி ஆளும் மன்னன் அலங்காரத்திலும், வியாழக்கிழமையில் பாத தரிசனத்திற்காக மிக எளிமையாக பாண்டுரங்க அலங்காரத்திலும்,

🙏🇮🇳10

வெள்ளியன்று வெள்ளிக்கவச அலங்காரத்திலும், சனிக்கிழமை திருப்பதி ஸ்ரீனிவாசப் பெருமாள் அலங்காரத்திலும் திவ்யமாக காட்சியளிக்கிறார்.

🙏🇮🇳11

பலன்கள்

தொழில் வளர்ச்சி,குழந்தை பாக்கியம் வேண்டி இங்கு பலர் வருகின்றனர்.பக்தர்கள் தங்களது வேண்டுதல் நிறைவேறியதும் சுவாமிக்கு புது வஸ்திரம் காணிக்கையாக வழங்குகின்றனர்.

🙏🇮🇳12

இருப்பிடம் மற்றும் போக்குவரத்து

காஞ்சிபுரம்-வந்தவாசி சாலையில் காஞ்சிபுரத்திலிருந்து சுமார் 36கி.மீ தொலைவிலும் வந்தவாசியிலிருந்து சுமார் 7 கி.மீ தொலைவிலும் உள்ளது.உத்திரமேரூரிலிருந்து சுமார் 23 கி.மீ தொலைவிலும் உள்ளது.

🙏🇮🇳13

சென்னையிலிருந்து சுமார் 30 நிமிடங்களுக்கு ஒரு பேருந்தும் காஞ்சிபுரத்திலிருந்து 20 நிமிடங்களுக்கு ஒரு பேருந்தும் உத்திரமேரூரில் இருந்து 15 நிமிடங்களுக்கு ஒரு பேருந்தும் உள்ளது.

🙏🇮🇳14

கோயில் திறந்திருக்கும் நேரம்

காலை 6 மணி முதல் 12 மணி வரை, மாலை 4 மணி முதல் இரவு 9 மணி வரை திறந்திருக்கும்

கோயில் முகவரி

அருள்மிகு ரகுமாயீ சமேத பாண்டுரங்கன் திருக்கோயில், தென்னாங்கூர்.

வாழ்க பாரதம் 🇮🇳🙏
வளர்க பாரதம் 🇮🇳🙏🇮🇳