Thread by @rajrajsi

मित्रानो आज श्री राम नवमी सर्व सनातनी हिंदूंना श्री राम जन्माच्या शुभ कामना
श्री राम म्हणजे आदर्शाचा मेरूमणीच एक आदर्श पुत्र एक आदर्श शिष्य,आदर्श मित्र,आदर्श बंधू आदर्श पती आदर्श राजा एक आदर्श महामानव,
श्री रामाला समर्पित असे महाशक्तिशाली स्तोत्र श्री राम रक्षा
@PadmakarTillu

राम रक्षा न येणारा हिंदू विरळाच.
आजच्या या पावन दिवशी जाणून घेऊ या राम रक्षेची कहाणी,बऱ्याच जणांना माहित हि असेल
पण ज्यांना माहित नाही त्यांच्या साठी हा राम रक्षा धागा
रामरक्षेची कथा अशी सांगितली जाते की, "एकदा माता पार्वतीने शंकारांस विचारले जसे विष्णुसहस्त्र नामावली आहे

तसेच रामाचे एखादे स्तोत्र नाही का?तेव्हा भगवान शंकरांनी माता पार्वतीस या 'रामरक्षा' स्तोत्र विषयी सांगितले.पण मुळात रामरक्षेची निर्मिती कशी झाली त्याला एक कथा आहे ती अशी की,
आद्यकवी वाल्मिकींनी रामायणाची निर्मिती केली.१००कोटी श्लोक असलेले हे रामायण सर्वांनाच मिळवावेसे वाटू लागले

देव, मानव आणि दानव भगवान शंकरां कडे ते प्राप्त करण्या साठी गेले. ते कुणाला मिळावे यासाठी त्याच्या मध्ये खूप वाद झाले. शेवटी श्ंकरांनी रामायणाची सर्वां मध्ये समान वाटणी करण्याचे ठरवले. १०० ही सम संख्या असल्याने कितीही वाटणी केली तरी एक श्लोक राहिलाच
@Vishakh50862352 @RajeGhatge_M

हा अनुष्टुप छंदातील असल्याने एका श्लोकात ३२ अक्षरे होते. त्याचीही वाटणी केली. शेवटी दोन अक्षरे शंकरांनी स्वत:कडे ठेवली. ते म्हणाले," ही दोन अक्षरे मी माझ्याकडे च ठेवतो " असे सांगून त्यांनी सर्वांना जाण्यास संगितले व ध्याना साठी बसले. पण देव, दानव, मानव यांचे मन काही भरेना

शंकरांनी ती अक्षरे स्वत:जवळ ठेवून घेतली याचाच अर्थ त्यात काहीतरी महत्वाचे असणार म्हणून सर्व जण वाट पाहू लागले. काही काळाने कंटाळून एकामागे एक सगळे जावू लागले. एक ऋषि मात्र शेवटपर्यंत थांबले.त्यांना काहीतरी अजून मिळावे याची प्रचंड इच्छा होती.
@gajanan137

त्यांनी बराच वेळ वाट पाहिल्या नंतर त्यांना डुलका लागला आणि नेमके त्याच वेळी शंकर ध्यानातून बाहेर आले. त्यांनी त्या ऋषींकडे बघितले. त्यांना त्यांचे कौतुक वाटले. मग त्यांनी एक आशीर्वाद म्हणून त्या ऋषींच्या स्वप्नात जावून 'रामरक्षा' सांगितली
@Prof_Jay1

काही काळाने ऋषींना जाग आली. आणि जे स्वप्नात सांगितले आहे त्यावरून त्यांनी सुरेख अशा 'रामरक्षेची ' निर्मिती केली. त्या ऋषींचे नाव होते 'बुधकौशिक' ऋषी. याचे वर्णन रामरक्षेच्या पंधराव्या श्लोकात केलेले आहे.

आदिष्टवान्यथा स्वप्ने रामरक्षामिमां हरः || तथा लिखितवान्प्रात: प्रबुध्हो बुधकौशिकः ||

शतकोटीचे बीज वाचे उच्चारी -शतकोटीचे बीज म्हणजे राम हि ती दोन अक्षरे

मित्रानो आपण आता श्री राम रक्षेचे महत्व जाणून घेऊ या

श्रीरामरक्षा या शब्दाचा अर्थ रक्षणकर्ता राम असा आहे. प्रभु रामचंद्रांना ‘मर्यादा पुरुषोत्तम‘असे म्हणतात. प्रभु रामचंद्रांचे चरित्र अवलोकन केल्यास आपल्या असे लक्षात येईल की,प्रभु रामचंद्रांनी राजा, पिता, बंधू, पति या सर्व नात्यांनी मर्यादा सांभाळून एक फार मोठा आदर्श घालून दिला आहे

बुधकौशिक ऋषिंच्या स्वप्नात जाऊन प्रत्यक्ष भगवान शंकरानेच रामरक्षा हे स्तोत्र सांगितले आहे. त्यामुळे रामरक्षा स्तोत्रा तील प्रत्येक अक्षर हे मंत्रमय व तारक असे आहे.

कुमार वयातील मुलांनी तर रामरक्षा नित्याने अवश्य म्हणावी

त्यामुळे वाणीवर पण योग्य संस्कार होतात व नित्य रामरक्षा पठणाने शक्ति उत्पन्न होते. व ती आपले सदा सर्वकाळ रक्षण करते. आबालवृद्धांनी पण नित्य रामरक्षा म्हणावी. त्याच्या पासून निश्चित फायदा आहेच.

रामरक्षेचे अनुपालन करण्याची पण पद्धत आहे

कोणत्याही महिन्याच्या शुद्ध प्रतिपदेपासून सुरुवात करून शुद्ध नवमी पर्यंत हे अनुष्ठान करतात.
प्रतिपदेला एकदा, द्वितीयेला दोनदा या प्रमाणे चढत्या क्रमाने वाचून नवमीच्या दिवशी नऊवेळा रामरक्षेचा पाठ म्हणावा

रामरक्षा हे स्तोत्र अत्यंत प्रभावी असे आहे. रामनाम घेत असतांना लक्ष नामावर स्थिर झाले की मन लक्ष+मन= लक्ष्मण होते. नामस्मरण करताकरता मन उन्मन होते म्हणजेच हनुमान होते. हनुमान झालेले हे मन भक्ती मध्ये रत झाले की भरत होते. असे मन सततच्या नामस्मरणा मुळे तृप्त होते

त्यातील विकार नाहीसे होतात ,शत्रुंचे हे मन हनन करते म्हणून ते शत्रुघ्न होते. अशा नामस्मरणाने मन शांत होते शीतलता प्राप्त करते म्हणजेच सीता होते.सीता झालेल्या या मनात दुसरा कोणाचा विचार येऊ न शकल्याने ते राम स्वरूप होते
रामरक्षेच्या एका श्लोका बद्दल-कदाचित माहिती असेलही सगळ्यांना

रामो राजमणिः सदा विजयते रामं रामेशं भजे ।

रामेणाभिहतो निशाचरचमू रामाय तस्मै नमः ।

रामान्नास्ति परायणं परतरं रामस्य दासो$सम्यहम् ।

रामे चित्तलयः सदा भवतु मे भो राम मामुद्धर ।

या श्लोकात राम या नामाच्या सगळ्या विभक्ती आल्या आहेत

रामो=रामः(प्रथमा) रामं (द्वितीया), रामेण (तृतीया), रामाय (चतुर्थी), रामान्नास्ति= रामात् (पंचमी)रामस्य(षष्ठी), रामे (सप्तमी),भो राम (संबोधन). ह्या श्लोकात रकाराची पुनरावृत्ती असल्याने गर्भारपणात हा श्लोक म्हणल्याने जन्माला येणारे बाळ बोबडे (किंवा जीभ जड असलेले) होत नाही.

मित्रानो राम रक्षेला आरोग्य रक्षक कवच असे हि म्हंटले जाते कसे ते पाहू या

एक वेगळा पैलू तुमच्या समोर मांडत आहे. श्रीरामरक्षा स्तोत्र हे आजही कित्येक घरांमध्ये तिन्ही सांजेला आवर्जून म्हटले जाते.

आजारी व्यक्ती वा शस्त्रक्रिया झाल्यानंतर त्या रुग्णाला रामरक्षा ऐकवली जाते

रामरक्षाच का? असे काय रहस्य या मंत्रात दडले आहे? त्यासाठी राम रक्षेतले काही श्लोक मांडत आहे

शिरो मे राघवः पातु भालं दशरथात्मजः ॥

कौसल्येयो दृशौ पातु विश्वामित्रप्रियः श्रुती । घ्राणं पातु मखत्राता मुखं सौमित्रिवत्सलः ॥

जिह्वां विद्यानिधिः पातु कण्ठं भरतवंदितः । स्कंधौ दिव्यायुधः पातुभुजौ भग्नेशकार्मुकः ॥

करौ सीतापतिः पातु हृदयं जामदग्न्यजित्‌ । मध्यं पातु खरध्वंसी नाभिं जाम्बवदाश्रयः ॥

सुग्रीवेशः कटी पातु सक्थिनी हनुमत्प्रभुः । उरू रघूत्तमः पातु रक्षःकुलविनाशकृत्‌ ॥

जानुनी सेतुकृत्पातु जंघे दशमुखान्तकः । पादौ विभीषणश्रीदः पातु रामोऽखिलं वपुः ॥
हे सहा श्लोकांचे कवच या स्तोत्रात आलेले आहे. कवच म्हणजे आपल्या प्रत्येक अवयवाचे रक्षण करण्या साठी मंत्र धारण करणे
थोडक्यात; आपले संपूर्ण शरीरच रामनामाने अभिमंत्रित करणे

मित्रानो आमच्या घरी आम्ही जेव्हा वाढदिवस साजरे करतो तेव्हा केक कापतो औक्षण करतो पण मेणबत्त्या विझवत नाही तर आम्ही अक्षता घेऊन राम रक्षेतले हे श्लोक म्हणून ज्याचा वाढदिवस आहे त्याच्यावर या अक्षतांचे सिंचन करतो आपण हि करून पहावे खूप समाधान आणि शांत वाटते

ह्या कवचाच्या फलश्रुती मध्ये किती अर्थ आहे पहा

पातालभूतलव्योम चारिणश्छद्मचारिणः । न द्रष्टुमपि शक्तास्ते रक्षितं रामनामभिः ॥

म्हणजे, पाताळ, भूमी आणि आकाश या तिन्ही लोकांत संचार करणारे, छद्मचारिणः म्हणजे खोटे सोंग घेणारे

असे (राक्षस) रामनामाने रक्षिलेल्या लोकां कडे नजर वर उचलून पण पाहू शकत नाहीत!!*
छद्मचारिणः' ह्या शब्दाचा शास्त्रीयअर्थ पाहूया विज्ञान शिकत असताना 'pseudopodium' हा शब्द आपण शिकलेला असतो. अमिबा सारखे जीव हे pseudopodium म्हणजे छद्मपाद म्हणून ओळखले जातात!!

थोडक्यात; इथे 'राक्षस' हे राक्षस जाती नसून सूक्ष्मजीव आहेत. आयुर्वेदात विशेषतः सुश्रुत संहितेत कृमी, राक्षस असे शब्द अनेक ठिकाणी सूक्ष्मजीवां साठी वापरण्यात आलेले आहेत. आजवर आयुर्वेदिक डाॅक्टरांना वैद्यकीय उपचार करत असताना;अनेक वेळेला रामरक्षेचा लाभ झालेला आहे

मित्रानो आजच्या कोरोना महामारीच्या काळात आपण हि श्री राम रक्षेचा आधार घेऊ या आणि वैद्यकीय उपचारांबरोबरच ह्या दिव्य स्तोत्राने आपले मनोबल उंचावू या
🙏जय श्री राम 🙏