Thread by @Nishigandha269

पणजी, आजी आणि आई तिघींकडून जुन्या उत्तमोत्तम पाककला शिकायला मिळाल्या. साध्या जिन्नसांपासून तयार केलेले महाराष्ट्रीयन पदार्थ आजही तेवढेच प्रिय. हिवाळ्यात हुलग्यांपासून बनवलेलं तिखट माडगं, शिंगोळे तर पणजीची खासीयत. १/n
#महाराष्ट्रदिन
@LetsReadIndia

आजी लाल जोंधळ्यांची जाड भाकरी करायची त्यावर पाट्यावर वाटून केलेला हिरव्या मिरची लसणाचा झणझणीत खर्डा, तेल मिरची कच्चा कांदा टाकून केलेले तोंडलावणी म्हणजे केवळ अमृतचं. दोडका वाटून त्यात हिरवी मिरची ,लसूण टाकून दोडक्याचा ठेचा व्हायचा बाजरीच्या भाकरीसोबत खायला मजा यायची.२/n

उन्हाळ्यात केलेला सांगा वर्षभरासाठी आयत्या वेळेची भाजी म्हणून तयार असायचा. गव्हाच्या पिठापासून बनवलेल्या कुरडया सणासुदीला कुरकुरीत पणा आणायच्या. गव्हाच्या शेवया उन्हाळ्यात आमरसाबरोबर साजूक तूप टाकून तृप्ती द्यायच्या.३/n

नुसताच चुलीत हारावर भाजलेला बटाटा तेलात कुस्करून मीठ टाकून खायला मिळायचा. डाळींची पीठ, बाजरी एकत्र करून खमंग धापाटे लोण्याबरोबर किंवा लोणच्यासोबत खायला मिळायचे. शिळ्या भाकरीचे तुकडे तेलात परतून तिखट मीठ घालून नाष्टयाला तयार असायचे.४/n

गायीच्या कोवळ्या दुधापासून बनवलेला खरवस, शेंगदाणे गूळ घालून केलेली गूळ पोळी, शेंगदाण्याचे लाडू, घरीच माठात बनवलेली कुल्फी हे गोडाचे पदार्थ वर हिवाळ्यात मिळणारे नाचणीचं गूळ घालुन केलेलं सत्व लहानपणीच मेजवानी.५/n

नुसतीच कुरकुरीत भाजलेली सुकट, उभा कांदा चिरून तव्यात केलेला बोंबील, बोंबलाची हिरवी चटणी, अळणी चिकण ,मसाल्यात तळलेले मासे, तर्रीदार मटण आणि बाजरीची भाकरी हे विशेष उल्लेखनीय. साध्या जिन्नसांपासून ते राजेशाही थाटापर्यंत सगळी खाद्यसंस्कृती महाराष्ट्रात आहे.६/n

पुरणपोळी, मोदक, कोल्हापूरी तांबडा पांढरा रस्सा, कोकणी मासे, सोलकढी, सावजी चिकन, वांग्याचे भरीत महाराष्ट्राच्या समृद्ध खाद्यसंस्कृतीचं प्रतीक.
कितीही अद्यायावत खाद्यपदार्थ असले तरीही चुलीवरच्या जेवणाला आणि महाराष्ट्राच्या पाहुणचाराला कुठेच तोड नाही.
😊😊😊😊