Thread by @swathikasarah

முதல் அலை, இரண்டாம் அலை, மூன்றாம் அலை என்றால் என்ன?
ஒரு தொற்றுநோய் முதலில் ஒரு குழுவினரை பாதிக்கும். இது முதல் அலை இந்த தோற்று உச்சத்திற்கு சென்று பின்னர் நோய்த்தொற்றுகள் குறைய தொடங்கும். மறுபடியும், தொற்றுநோய்கள் மக்கள்தொகையின் வேறுபட்ட பகுதியில் அதிகரிக்கும்,

இதன் விளைவாக இரண்டாவது அலை நோய்த்தொற்றுகள் ஏற்படுகின்றன.

100 வருடங்களுக்கு முன் ஸ்பானிஷ் ஃப்ளூ 1917 முதல் 1919 வரை உலகம் முழுவதும் பரவியது. முதல் உலகப் போருக்குப் பிறகு பரவிய மிகப்பெரிய தொற்று அது. அந்தக் காய்ச்சல் உலகம் முழுவதும் மூன்று அலை வரை பரவியது.

முதல் அலையில் முக்கியமான நகரங்களும் இரண்டாம் அலையில் சின்ன சின்ன ஊர்களும் மூன்றாம் அலையில் கிராமங்களும் பாதிக்கப்பட்டன. ஸ்பானிஷ் ஃப்ளூ வந்தபோது இந்தியாவில் சுமார் 5 கோடி பேர் இறந்துள்ளதாகப் புள்ளி விவரம் உள்ளது. கொரோனாவில் உலக அளவில் பார்க்கும்போது இது நான்காம் அலை.

இந்தியாவுக்கு இது இரண்டாம் அலை. தமிழ்நாட்டில் தற்போது இரண்டாம் அலையின் தொடக்கத்தில்தான் உள்ளோம். டெல்லி இரண்டாம் அலையின் உச்சத்துக்குப் போய்விட்டது.

நியூஸிலாந்து, கியூபா போன்ற நாடுகளில் இரண்டாம் அலையே வரவில்லை. தினமும் சில நோயாளிகள் பாதிக்கப்படுகின்றனர்.

ஆனால் தினமும் தொற்று பரவும் அலை கிடையாது. தமிழ்நாட்டையே எடுத்துக் கொள்வோம் ஜனவரி, பிப்ரவரியில் இங்கே தொற்றின் பரவல் இருந்தது. ஆனால் அலை என்று நாம் சொல்லவில்லை. குறிப்பிட்ட எண்ணிக்கைக்கும் குறைவாகவே இருந்தது. அதுபோல அங்கேயும் அந்த எண்ணிக்கை இருக்கும். ஆனால் அலையாக மாறவில்லை.

அந்த நாடுகளில் சமூக, அரசியல் அமைப்புகள் பின்பற்றிய முறை சரியாக இருந்தது. தொற்று உள்ளவர்களைத் தனிமைப்படுத்தி ஒரு கட்டுக்குள் வைத்திருந்தனர். எனவே நாமும் இரண்டாம் அலையிலிருந்து பாடம் கற்றுக்கொண்டு கட்டுக்குள் வைத்தால் மூன்றாம் அலையிலிருந்து தப்பிக்கலாம்.

முதல் அலையின்போதே சீனா தீவிரமாகச் செயல்பட்டு தற்காத்துக் கொண்டது. எனவே சீனாவில் இரண்டாம் அலை வரவில்லை. கியூபா, வியட்நாம், நியூஸிலாந்து, தென் கொரியா போன்ற நாடுகளில் கொரோனா இரண்டாம் அலை வரவில்லை.

மக்கள் எவ்வளவு சீக்கிரம் தடுப்பூசி போட்டுக் கொள்கிறார்களோ அவ்வளவு சீக்கிரம்

மூன்றாம் அலை வருவதைத் தடுக்க முடியும். இஸ்ரேலில் பெரும்பாலானவர்கள் தடுப்பூசி எடுத்துக் கொண்டார்கள். இனி அங்கு அலை ஏற்படாது. சிறிய சலனம்தான் இருக்கும். இங்கிலாந்திலும் ஓரளவிற்கு தடுப்பூசி எடுத்துக்கொண்டதால் அங்கேயும் வர வாய்ப்பில்லை. எனவே நாம் தடுப்பூசி எடுத்துக்கொண்டால் அடுத்த

அலையிலிருந்து நம்மைக் காப்பாற்றிக் கொள்ளலாம்.

முதல் அலையில் குழந்தைகள், இளைஞர்களைப் பாதிப்பது மிகக் குறைவாக இருந்தது. ஆனால், இந்த இரண்டாம் அலையில் இப்போது அது மிகவும் அதிகரித்திருக்கிறது. முன்பு, இளைஞர்களுக்கு வந்தால் பெரும்பாலும், நோய்க்குறிகள் மிகக் குறைவாக இருக்கும்.

ஆனால், இப்போது வருபவர்கள், தீவிர நோய்க்குறிகளோடு, நிமோனியா நிலையில் வருகிறார்கள்.
இதுபோக, ஒரு குடும்பத்தில் ஒருவரை நோய் தாக்கியதென்றால், குடும்பத்தில் உள்ள மற்ற அனைவருக்கும் நோய் தாக்கியிருக்கும் வாய்ப்பு அதிகரித்திருக்கிறது. ஏனென்றால்,

நோய்க்குறி இல்லாத காலகட்டம் மிகக் குறைவாக இருப்பதால் நோய் தாக்கிய ஒருவர் தனக்கு நோய் தாக்கியிருப்பதை அறிவதற்கு முன்பே அந்நோய் பரவுவது அதிகரித்திருக்கிறது. இதனால், குடும்பத்தில் உள்ள அனைவருமே அதனால் பாதிக்கப்பட்டுவிடுகிறார்கள்.