இயற்கையில் கிடைக்கும் அனைத்தும் மனித உடலுக்கு உகந்தது என்றும் செயற்கையில் தயாரிக்கப்படுபவை அனைத்தும் மோசமானவை என்றும் தொடர்ந்து மக்கள் நம்ப வைக்கப்படுகின்றனர். ஆனால் நம்முடைய உலகில் இயற்கையில் வளரும் தாவர வகைகளில் லட்சக்கணக்கான தாவரங்கள் விடத்தன்மை (Poisonous) வாய்ந்தவை ஆகும்.
உலகில் ஒவ்வொரு ஆண்டும் கோடிக்கணக்கான மக்களை புற்று நோய்க்கு ஆளாக்கி கொல்லும் புகையிலை ஒரு இயற்கையில் வளரும் தாவரமாகும். வாழ்க்வாழ்க்கையை நாசமாக்கும் போதைப் பழக்கத்திற்கு ஆளாக்கும் கஞ்சா, ஒபியம் போன்றவைகளும் இயற்கையில் கிடைப்பதாகும். உண்டவுடன் மரணத்தை விளைவிக்கும் அரளிவிதை,
ஆமணக்கு, எட்டிக்காய் மற்றும் பல விஷ தாவரங்கள் இயற்கையில் எல்லா இடங்களிலும் விளைந்து கிடக்கின்றது. இந்தக் கொடிய வகைத் தாவரங்களை தவறுதலாக உண்டு பல விலங்கினங்களும், மனிதர்களும் ஆண்டுதோறும் உயிர் இழக்கின்றனர். அதேபோலவே செயற்கையில் தயாரிக்கப்படும் பல்லாயிரக்கணக்கான மருந்துகள்,
கோடிக்கணக்கான மக்களை இன்றும் உலகம் முழுவதும் காப்பாற்றி வருகின்றன என்பதும் இங்கே குறிப்பிடதகுந்தது. இவை காய்ச்சலை போக்க வல்ல ‘பாராசிட்டாமால்’ முதல் கேன்சர் நோயை குணப்படுத்தும் ‘இமாப்டினாப்’ வரை நீள்கின்றன. தாவர வகை உணவுகள் உடலுக்கு நல்லது என்றும் மாமிச உணவுகள் உடலுக்கு
ஆபத்தானது என்றும் மற்றுமொரு கருத்தும் நாட்டில் நிலவுகிறது. இதுவும் தவறானது ஆகும். இரண்டு மனிதர்கள் ஒரு காட்டுக்குள் சிக்கி கொண்டனர் என்று கருதுவோம். அங்கே உணவு ஏதும் அவர்களுக்கு கிடைக்கவில்லை. ஒரு மனிதர் மாமிச உணவு பிரியர். மற்றுமொருவர் தாவர உணவு பிரியர். மாமிச உணவு பிரியர்
அங்கே காட்டுக்குள் கண்ணில் தென்படும் ஏதாவது ஒரு விலங்கினை அடித்து நெருப்பு மூட்டி உண்கிறார். அதே போல தாவர உணவு பிரியர் ஏதாவது ஒரு தாவரத்தை கொண்டு வந்து சமைத்து உண்கிறார். இருவரில் யார் விஷத்தன்மை உடைய உணவை உண்டு இருக்கும் வாய்ப்பு அதிகம் என்றால் தாவர உணவை உண்டவர் தான் விஷத்தன்மை
உடைய உணவை உண்டு இருக்கும் வாய்ப்பு அதிகமாக கொண்டவர். ஏனெனில் தாவர வகைகளி்ல் பெரும்பாலானவை மனிதன் உண்ண தகுதியற்றவை ஆகும். எனவே இயற்கை அனைத்தும் நன்று, செயற்கை மோசம் என்பதும், தாவர உணவுகள் நல்லது இறைச்சி உணவு மோசமானது என்பதும் தவறான ஆதாரமற்ற நம்பிக்கைகள் ஆகும்.
-டாக்டர் சட்வா
-டாக்டர் சட்வா
• • •
Missing some Tweet in this thread? You can try to
force a refresh
