இது உங்கள் இடம்: நிர்வாக திறன் வெளிப்பட வேண்டும்!
அ.அப்பர்சுந்தரம், மயிலாடுதுறையில் இருந்து அனுப்பிய, 'இ - மெயில்' கடிதம்:
தமிழகத்தில் உள்ள பல்வேறு கோவில்களுக்கு, நம் முன்னோர் பலர் தானமாகவும், தங்களுடைய வேண்டுதல்கள் நிறைவேறியவுடன் பரிகாரமாகவும், நிலங்களை வழங்கியுள்ளனர்.
அ.அப்பர்சுந்தரம், மயிலாடுதுறையில் இருந்து அனுப்பிய, 'இ - மெயில்' கடிதம்:
தமிழகத்தில் உள்ள பல்வேறு கோவில்களுக்கு, நம் முன்னோர் பலர் தானமாகவும், தங்களுடைய வேண்டுதல்கள் நிறைவேறியவுடன் பரிகாரமாகவும், நிலங்களை வழங்கியுள்ளனர்.
அதன் வழியே, கோவிலின் அன்றாட பூஜை, அன்னதானம் உள்ளிட்டவை தொடர்ந்து தங்கு தடையின்றி நடைபெற செய்தனர்.அப்படிப்பட்ட கோவில் சொத்து, அரசியல்வாதிகளாலும், அடாவடி பேர்வழிகளாலும் அனுபவிக்கப்பட்டு வருகிறது.
ஆட்சியாளர்களின் ஆசியோடு, கோவில் சொத்து பல இடங்களில் ஆக்கிரமிக்கப்பட்டுள்ளது.மேலும், கோவில் சொத்தை மிக குறைந்த தொகைக்கு குத்தகை மற்றும் வாடகைக்கு அனுபவிக்கின்றனர். அவர்கள், கோவிலுக்கு செலுத்த வேண்டிய வாடகையும், நிலங்களுக்கான பசலி தொகை உள்ளிட்டவற்றையும் சரிவர கொடுப்பதில்லை.
ஏகப்பட்ட ஏக்கர் நிலம் இருந்தும், பல்வேறு கோவில்களில் தினமும் பூஜை நடத்த, பொருளாதார வசதி இல்லை. இந்த பிரச்னைக்கு தீர்வு காண வேண்டும் என, பல ஆண்டுகளாக, பக்தர்கள் கோரிக்கை விடுத்து வந்தனர்.
இந்நிலையில், கோவில் சொத்து பாதுகாப்பு, நிர்வாகம் தொடர்பான பல்வேறு குளறுபடிகளுக்கு தீர்வு காணும் வகையில், புதிதாக பொறுப்பேற்றுள்ள, தி.மு.க., அரசு நடவடிக்கை எடுக்க துவங்கியுள்ளது.ஹிந்து சமய அறநிலைய துறை அமைச்சர் சேகர்பாபு, சில உத்தரவுகளை அதிரடியாக பிறப்பித்துள்ளார்.
கோவில் சொத்தில் உள்ள ஆக்கிரமிப்பு அகற்றல், நியாய வாடகை வசூலித்தல் மற்றும் கோவில் வருவாயினங்களை பெருக்கும் வகையில் செயல்பட வேண்டும்.
கோவில் நிலம் மற்றும் கட்டட விபரங்களை, புவிசார் குறியீடு செய்து, இணையதளத்தில் வெளியிட வேண்டும் என, அமைச்சர் சேகர்பாபு, அதிகாரிகளுக்கு உத்தரவிட்டுள்ளார்; இது வரவேற்கத்தக்கது.ஆனால், அந்த உத்தரவை செயல்பாட்டிற்கு வர செய்வது தான், அமைச்சரின் நிர்வாக திறனை வெளிப்படுத்தும்.
தினமலர்
தினமலர்
• • •
Missing some Tweet in this thread? You can try to
force a refresh
