11 പ്രാവിശ്യകളിലായി 562 നാട്ടുരാജ്യങ്ങൾ അതിൽ നിന്ന് പാക്കിസ്ഥാൻ വേർപെട്ട് പുതിയ രാഷ്ട്രം രൂപീകരിച്ചു. ചിന്നിച്ചിതറി കിടന്ന ബാക്കി നാട്ടു രാജ്യങ്ങളെ മുഴുവൻ ഇന്ത്യൻ യൂണിയനിൽ ലയിപ്പിക്കാൻ മുന്നിൽ നിന്ന രാഷ്ട്ര ശിൽപി ഓർമയായിട്ട് ഇന്നേക്ക് അൻപത്തിഏഴ് വർഷം.
(Thread)
(Thread)
ലോകം കണ്ട ഏറ്റവും മികച്ച സ്റ്റേറ്റ്സ്മെനിൽ ഒരാൾ. നിങ്ങൾ എന്നെ വിമർശിക്കണം എന്ന് മാധ്യമങ്ങളോട് പറഞ്ഞിരുന്ന നെഹ്‌റുവിന്റെ ഇന്ത്യയിൽ നിന്ന് മാധ്യങ്ങളെ വിലക്കെടുത്തു വാഴുന്ന പ്രധാനമന്ത്രിയും മുഖ്യമന്ത്രിയും ഭരിക്കുന്ന ഇന്നത്തെ അവസ്ഥയിലേക്ക് ഒരുപാട് ദൂരമുണ്ട്.
അതുകൊണ്ട് തന്നെയാണ് നെഹ്‌റുവിനെ എന്നും ഓർമിക്കേണ്ടത് ആവശ്യമായി തീരുന്നത്. ചില കാര്യങ്ങൾ പറയാൻ മെയ് 27 അല്ലെങ്കിൽ നവംബർ 14 ആണ് ശരിയായ ദിവസം.
മാധ്യമങ്ങൾ തെറ്റായി പറയുന്നത് പോലെ കോൺഗ്രസ്‌ ഒരിക്കലും ഒരു വലതുപക്ഷ പാർട്ടി അല്ല. കോൺഗ്രസ്‌ പൂർണ്ണമായും ഇടതുപക്ഷവുമല്ല. ഇടതുപക്ഷത്തിൽ ഊന്നിയ മധ്യപക്ഷമാണ് കോൺഗ്രസ്‌.
കാലങ്ങൾക്ക് അനുസൃതമായി ഇടതുപക്ഷത്തിലെയും വലതുപക്ഷത്തിലെയും നല്ലതിനെ ഉൾകൊള്ളാനും മോശമായവ തള്ളി കളയാനും കോൺഗ്രസിന് കഴിഞ്ഞിട്ടുണ്ട്.
അതുകൊണ്ടാണ് ആദ്യ കാലങ്ങളിൽ ഇടതുപക്ഷ സാമ്പത്തിക നയങ്ങൾ കോൺഗ്രസ്‌ സ്വീകരിച്ചതും. ഇടതുപക്ഷ സാമ്പത്തിക നയങ്ങൾ കലഹരണപ്പെട്ടപ്പോൾ 1986നു ശേഷം കാലങ്ങൾക്ക് അനുസൃതമായി ലിബറലൈസേഷൻ പോലുള്ള നയങ്ങൾ സ്വീകരിച്ചത്.
നെഹ്‌റുവിന്റെ ആശയങ്ങളിൽ നിന്ന് വിഭിന്നമായ നയമായിരുന്നു എങ്കിലും ആ നടപടികൾ ശരിയായിരുന്നു എന്ന് കമ്യൂണിസ്റ്റ് രാജ്യങ്ങളുടെ തകർച്ച നമ്മൾക്ക് തെളിയിച്ചതാണ്.
സാമ്പത്തിക രംഗത്ത് മാറ്റി ചിന്തിച്ച ഇതേ കോൺഗ്രസ്‌ തന്നെയാണ് ഇടതുപക്ഷ നയങ്ങൾ ആയ ബാങ്ക് നാഷണലൈസേഷനും രാജാക്കന്മാരുടെ പ്രിവി പഴ്സ് നിർത്തലാക്കലും ഇന്ത്യയിൽ കൊണ്ടു വന്നത്. അതുകൊണ്ടാണ് ഇടതുപക്ഷത്തിൽ ഊന്നിയ മധ്യപക്ഷമാണ് കോൺഗ്രസ്‌ എന്ന് പറയുന്നത്.
ഇന്ന് മറ്റു പല കാര്യങ്ങളിലും പാർട്ടി സ്വീകരിച്ച വലതുപക്ഷ നിലപാട് നമ്മളെ ജനങ്ങളിൽ നിന്ന് അകറ്റിയിട്ടുണ്ട്. വലതു പക്ഷത്തെ നല്ലതിനെ സ്വീകരിക്കുമ്പോൾ നമ്മുടെ ബേസിക് ഇടതുപക്ഷമാണ് എന്നത് നമ്മൾ പലപ്പോഴും മറന്നിട്ടുണ്ട്.
ജനങ്ങളുടെ വിശ്വാസം തിരികെ പിടിക്കാൻ നമുക്ക് നെഹ്‌റുവിലേക്ക് മടങ്ങേണ്ടിയിരിക്കുന്നു. ചാച്ചാജിയുടെ ഓർമ്മ ദിവസം ഈ ഒരു കാര്യം കൂടെ ഓർമിപ്പിച്ചുകൊണ്ട് നിർത്തുന്നു.
• • •
Missing some Tweet in this thread? You can try to
force a refresh
