Thread by @Aasifniyaz

குணா எப்பேர்ப்பட்ட பொய்யர் என்றால், எதற்குமே தரவுகளைத் தர மாட்டார்.. நூல் பிடித்துப் போய் பார்த்தால் வெறுமனே கற்பனையாகவோ (அ) அவரின் வன்மமாக இருக்கும்.

சில எடுத்துக்காட்டுக்கள்:

1.

மோரியப்பேரரசை நிறுவிட உதவிய சூழ்ச்சியில் வல்ல சாணக்கியனே ஒரு காஞ்சிபுரத்துத் தமிழ்ப் பார்ப்பானான்(தமிழர் வரலாறு)

தமிழ் நிலவுடைமையில் சாதிக் கொடுமையைப் பொறுக்கமுடியாத போதெல்லாம் ஊரைவிட்டேபோய்விடுகிற மரபுரிமை பள்ளருக்கும் பறையருக்கும் இருந்தது(இந்திய தேசியமும் திராவிட தேசியமும்)
2

"தீண்டாமை, காணாமை என்றெல்லாம் பழந்தமிழர் மீது பொல்லாச் சாதி ஒழுகலாறுகளைத் திணித்துச் சாதி அடிமைமுறைக்கு எக்காளம் ஊதிய கொடிய சுரண்டலரின் ஆட்சியே கன்னடத் தெலுங்கு வந்தேறி நாயக்கர் ஆட்சி. பார்ப்பனீயத்தை உச்சி முகந்து போற்றியது அந்நாயக்கர் ஆட்சி" (திராவிடத்தால் வீழ்ந்தோம்)

3.

இவை எதற்குமே எவ்வித ஆதாரங்களும் சொல்லப்படவில்லை. தீண்டாமைக்குக் காரணம் பார்ப்பனீயமோ இந்துத்துவமோ அல்ல. தெலுங்கரே காரணம் என்கிற கருத்தைத் திரும்பத் திரும்பச் சொல்கிறார்.

4.

"பெரியார் மார்வாரிகளிடம் பணம் பெற்றுக் கொண்டு தமிழினத்திற்குத் துரோகமிழைத்தார்" (திராவிடத்தால் வீழ்ந்தோம்)

இதற்க்கு தரவு என்ற பெயரில் அடிக்குறிப்பு ஒன்றைக் கொடுத்து இருக்கிறார். அதிர்ந்து போய் பார்த்தால், மேலும் ஒரு அதிர்ச்சி !!

5.

குமரிமைந்தன் எழுதிய ‘தமிழ்த் தேசியம்’ என்கிற கட்டுரைதான் குணாவின் அடிப்படை ஆதாராம் !!!!!

குமரிமைந்தனின் கட்டுரையைப் புரட்டிப்பார்த்தால் அது எவ்வித ஆதார மும் காட்டப்படாத முற்றிலும் நேர்மையற்ற அவதூறு என்பது புலப்பட்டு விடுகிறது.

6.

பெரியார் ‘தம் வாழ்நாளில் ஈட்டிய கோடிக்கணக்கானப் பணம் நேர்மையாய்ச் சேர்த்த பணமாக இருக்க முடியும்’ எனக் குமரிமைந்தனால் நம்ப முடியவில்லையாம்.

எனவே ‘பெரியாருக்கும் மார்வாரிகளுக்கும் இடையில் ஒரு மறைமுகத் தொடர்பு இருந்திருக்குமோ என்ற அய்யம் எழுவதைத் தடுக்க முடிய வில்லையாம்.யாம்யாம்!
7

இது கூடப் பரவாயில்லை; பாரதிதாசனைக் கூட்டி வந்து வண்டிக்கணக்கில் புளுகுவார்..

"பாரதிதாசன் திராவிட எதிர்ப்பின் காரணமாக தெலுங்கு, கன்னடர்களை எதிர்த்து கீழ்க்கண்ட பாடல்களைப் பாடினார்."

“தமிழ் நாட்டில் அயலார்க் கினி என்ன வேலை?
தாவும் புலிக்கொரு நாய் எந்த மூலை?”

இந்தப் பாடல் வரிகளைப் பார்க்கும் போது குணா சொல்வது உண்மை என்பது போலவே தெரிகிறதா? அதற்குத்தான் முழுப் பாடலைக் கொடுக்காமல் இடையில் இருந்து சில வரிகளை உருவிக் கொடுப்பது. முழுப் பாடலையும் பார்த்தால் எத்தனை பெரிய பூசணியை குணா சோற்றில் மறைக்கப் பார்க்கிறார் என்பது புரியும்.

9

“தூங்கிய துண்டு தமிழர்கள் முன்பு-பகை
தூளாகும் அன்றோ எழுந்த பின்பு?
தீங்கு புரிகின்ற வடக்கரின் என்பு
சிதைந்திடச் செய்திடும் தமிழரின் வன்பு.”

வடநாட்டு அரசியல்வாதிகள் செய்யவும் தமிழர்க்கு எதிரான அரசியலை எதிர்த்து பாடிய பாடலை தெலுங்கர்க்கு எதிராக பாடினாருனு ஒரு பொய் ..🤦🏿🤦🏿

பெரியார் தமிழைப் பழித்தார், தமிழ் இலக்கியங்களைப் பழித்தார். அப்போது,

“நூலைப்படி-சங்கத்தமிழ் நூலைப்படி!
முறைப்படி நூலைப் படி!
சங்கத்தமிழ் நூலைப்படி!
காலையில் படி, கடும்பகலில் படி,
மாலை இரவு, பொருள்படும்படி!”

எனப் பாடினார் பாரதிதாசன்.

10

பாரதிதாசன் கவிதைகள் நூலை வாங்கிப் படித்தால் இது எவ்வளவு பெரிய பொய் எனப் புரியும்..
இந்தப் பாடல் இடம் பெற்றிருக்கும் பகுதி “குழந்தைக்கு அழைப்பு”. அதாவது குழந்தைக்கு அறிவுரை கூறும் பாப்பா பாடல் தொகுப்பில் இருக்கும் பாடலை வைத்து அது பெரியாருக்கு அறிவுரை கூறும் பாடல் என்கிறார் குணா.

இந்த மாதிரி ஒரு ஆய்வறிஞர் சொல்லுறத வைச்சுத்தான் தமிழ்த் தேசிய space-ல கம்பு சுத்துறாங்க.. ஆனால் குணா வாயைத் திறந்தாலே வெறும் பொய்தான் வரும் ! 🤣🤣

<End>