Thread by @alifnagri

یہ 1282 ہجری کی بات ہے. سعودی عرب کے بریدہ شہر میں منیرہ نامی ایک نیک وصالح خاتون نے مرنے سے پہلے اپنے زیورات بھائی کے حوالے کئےکہ میری وفات کے بعد ان زیورات کو بیچ کر ایک دکان خرید لیں.پھراس دکان کو کرائے پر چڑھائیں اور آمدن کو محتاجوں پر خرچ کر دیں.
بہن کی وفات کے بعد بھائی نے

وصیت پر عمل کرتے ہوئے انکے زیورات بیچ کر بہن کے نام پر 12ریال میں ایک دکان خرید لی(اس زمانے میں 12 ریال کی بڑی ویلیو تھی) اور اسے کرائے پر چڑھا دیا۔کرائے کی رقم سے محتاجوں کیلئے کھانے پینے کی اشیاء خرید کر دی جاتی رہی یہ سلسلہ دہائیوں جاری رہا۔ دہائیوں بعد دکان کا ماہانہ کرایہ 15

ہزار ریال تک پہنچ چکا تھا،اور اس رقم سے ضرورت مندوں کیلئے اچھی خاصی چیزیں خرید کر دی جاتی تھیں۔ پھر وہ دن آیا کہ سعودی حکومت نے بریدہ کی جامع مسجد میں توسیع کرنے کا فیصلہ کیا اور یہ دکان توسیع کی زد میں آ رہی تھی۔چنانچہ حکومت نے 5 لاکھ ریال میں یہ دکان خرید لی.
دکان کی دیکھ بھال

کرنے والے امانتدار شخص نے اس خطیر رقم سے ایک دوسری جگہ ایک پوری عمارت بنا لی۔ جوکہ 4 بڑی دکانوں اور 3 فلیٹس پر مشتمل ہے،ان دکانوں اور فلیٹس سے اب ماہانہ لاکھوں ریال کرایہ آتا ہے۔ یہ کرایہ اللہ کی راہ میں خرچ کیاجاتا ہے۔اس نیک خاتون نے 12 ریال اللہ کی راہ میں صدقہ جاریہ کے طور پر

پیش کیا تھے۔آج وہ 12 ریال لاکھوں ریال میں تبدیل ہوگئے ہیں،اس دوران جو اجر مرحومہ کو ملتا رہا ہوگا اس کا حساب کتاب تو اللہ تعالی کو ہی معلوم ہوگا.

سوچنے کی بات یہ ہے کہ اگر وہ اپنے ان زیورات کو سماج کی روایت اور رسم کے مطابق اپنی بیٹی کو دیتی اور بیٹی آگے اپنی بیٹی کو دیتی۔ پوتی

تک پہنچتے پہنچتے یہ زیورات بوسیدہ ہوتے جاتے۔لیکن اس نیک خاتون نے صدقہ جاریہ کا جو خوبصورت فیصلہ کیا۔اسکی بدولت صدی سے زائد عرصہ ہوا لاکھوں محتاج لوگ اس سے مستفید ہو رہے ہیں.

اللہ تعالی کی راہ میں پیش کئے ہوئے صدقے کو حقیر اور کمتر نہ سمجھیں،
اللہ تعالی صدقات و خیرات میں برکت ڈالتا اور بڑھاتا ہے.

اللہ تعالٰی ہم کو سچے دل سے صدقات و خیرات دینے کی توفیق عطا فرمائیں۔
آمین ثم آمین۔

تحریر : ڈاکٹر شریفہ بنت محمد العبودی

#الف_نگری