சரியான வாழ்க்கைத் தத்துவங்களை அறிவதும்,கடமை உணர்ச்சியோடு காரியம் செய்வதுதான் இப்போது அவசியத்தேவை என்கிறோம்.இந்த இரண்டையும் உலகம் முழுவதற்கும் மக்களுக்குக் கொடுத்திருப்பது மதம்தான் என்பதும் நமக்குத் தெரியும்.(1) 
ஆனாலும் பிள்ளைகள் சமயக்கல்வி பெறாக்கூடாது என்று தடை செய்திருக்கிறோம்.வீட்டில் அவர்களுக்கு தெரிய வரும் மத வழக்கமெல்லாம் மூடக்கொள்கையில் பிறந்தவை என்று சொல்லிக் கொடுக்கிறோம்.(2)
மரியாதை பண்பு ,பயபக்தி ஆகியவற்றையும் மக்களின் ஒழுக்கத்தை உத்தேசித்து வளர்க்க வேண்டியதே என விரும்புகிறோம்.ஆனால் தொன்று தொட்டு எதைக் குறியாக வைத்து இந்த இரண்டும் செலுத்தப்பட்டிருக்கின்றனவோ,எது இவ்விரண்டையும் இயல்பாக மலர்த்திவிட்டிருக்கிறதோ அதற்கு வழியடைத்து வருகிறோம்.(3)
எல்லா மொழிக்காரர்களும் கூடி வாழவேண்டுமென்கிறோம்.ஆனால் ஆங்கிலேயர் வருவதற்கு முன்னாலிருந்தோ,அவர்கள் வந்தபின் நூற்றைம்பது ஆண்டுகளாகவோ வெகு நல்ல முறையில் கூடி வாழ்ந்து வந்த பல மொழி ராஜ்யங்களைப் பிரிந்திருக்கிறோம்.(4)
அப்புறம் எப்படியாவது உடைந்த சில்லுகளை ஒட்டுப் போடுவதற்கு வழி கிடைக்குமா? என்று முயற்சி செய்து கொண்டிருக்கிறோம்.சில்லுகளின் முனைகள் தெறித்துப் போய்விட்டதால் ஒன்றோடொன்று ஒட்ட மறுப்பதாகவே தெரிகிறது.(5)
நாம் எப்பேர்ப்பட்ட முரண்பாட்டு மூட்டையாகிவிட்டோம்! நம்மை இப்போது யார் திருப்பித் திருகி ஏதோ ஓர் உருவமாக்குவார்கள்?? ஆண்டவன் நம்மை காப்பானாக!
- #ராஜாஜி
(1958 ல் ஸ்வராஜ்யாவில் எழுதிய கட்டுரையில் இருந்து...) (6)
- #ராஜாஜி
(1958 ல் ஸ்வராஜ்யாவில் எழுதிய கட்டுரையில் இருந்து...) (6)
• • •
Missing some Tweet in this thread? You can try to
force a refresh
