Thread by @NormanJonasMD

#CORONA --- #UVIKO19 UZI 👉 Je dalili kwa sasa ni zipi? Zimebadirika ? Picha ya ugonjwa ukiambukizwa ni ipi kwa sasa?

DALILI HUTOFAUTIANA KULINGANA UKALI WA UGONJWA?
✍️Tafiti kuhusu makali ya ugonjwa wa Korona-19 (UVIKO-19) yameonyesha makundi 3 ya wagonjwa

1. Ugonjwa usio mkali (81 kati ya 100)

2. Ugonjwa mkali maana mtu anahitaji oksijeni au 50% limeshambuliwa na ugonjwa (14 kati ya 100)

3. Ugonjwa mahututi maana mfumo wa upumuaji kushindwa kufanya kazi au ogani muhimu kama moyo, figo , ini kufeli

✍️HATARI YA KIFO: Kwa wastani vifo hutokea kwa asilimia 2.3 ya watu waliopata maambukizi kumaanisha asilimia wanopata maambukizi ya Corona 97.7 hupona

Kama ilivyo juu, ripoti ya kituo cha kudhibiti magonjwa CDC kilionesha kwa marekani wa kila watu 100 wenye maambukizi
- 14 walilazwa
- 2 walilazwa ICU
- 5 walifariki

Kwa Tanzania hamna taarifa kuhusu uwezekano wa kufariki au kulazwa ukipata maambukizi

Uwezekano wa kufariki kutokana na kupata maambukizi ya Corona huongezeka kulingana na umri
- 0.002% kufikika umri wa miaka 10
- 0.01% kufikika miaka 25
- 0.4% kwa miaka 55
- 1.4 kwa miaka 65
- 4.6% kwa miaka 75
- 15 kwa miaka 85
- Zaidi ya >25% kwa miaka zaidi ya ≥90

MUDA WA UGONJWA KUCHEPUA
- Kwa kawaida huchukua siku 14 tangu uambukizwe Corona hadi ugonjwa uchepue na kuanza kuonyesha dalili

- Watu wengi huanza kuonyesha dalili siku 4 hadi 5 baada ya kupata maambukizi ya virusi vya Corona.

✍️Kwa wagonjwa wanaokuja kupata dalili za Corona, wengi hupata kikohozi, misuli kuuma , uchovu na kichwa kuuma.

✍️Baadhi huarisha, koo kuuma , kupoteza uwezo wa kunusa au ladha

✍️Nimonia ni moja ya hatua kali ya ugonjwa ambayo hutokea wa wagonjwa wa Corona -- mtu huwa na homa, kikohozi na kushindwa kupumua

✍️ Kwa hali ya sasa kushindwa kupumua kwa wastani wiki moja baada ya dalili nyingine ni kiashiria cha Corona

✍️Dalili za Corona kati ya watu 100 wenye maambukizi

Kikohozi hutokea kwa 50
Homa kwa 43
Misuli kuuma kwa 36
Kichwa kuuma kwa 34
Kupata shida ya kupuma kwa 29
Koo kuuma kwa 20
Kuharisha - 19
Kutapika - 12
Kushindwa kunusa, kuonja , tumbo kuuma , mafua kuchuluzika - chini ya 10

✍️Baadhi ya watu wenye maambukizi ya Corona hupata dalili kama za red eyes - macho kuwasha na kuwa mekundu ila ni kwa kiasi kidogo

✍️Mfumo wa upumuaji kushindwa kufanya kazi – Hutokea kutokana na ugonjwa mkali wa upumuaji (ARDS)

✍️Ni madhara yanayoonekana zaidi kwa wagonjwa wenye ugonjwa mkali wa Corona

✍️ARDS kwa wastani inahusisha 20% ya wagonjwa na hutokea kwa wastani wiki baada ya dalili kuanza

✍️CORONA huathiri pia mfumo wa moyo na mishipa ya damu
✍️ Madhara hutokea zaidi kwa wenye ugonjwa mkali na mahututi
✍️Madhara ni pamoja na:
- Moyo kushidwa kufanya kazi
- Mapigo ya moyo yasiyo na mpangilio
- Mabonge ya damu mishipani kuleta shambulio la moyo

✍️Corona huweza kuathiri pia mfumo mkuu wa fahamu na kusababisha maumivu ya kichwa , kizunguzungu , kupoteza uelewa na kuchanganyikiwa kwa baadhi

✍️Baadhi hupata tatizo linaloitwa ukungu wa COVID maana yake hupoteza kwa kiasi uwezo wa kumbukumbu, uwezo wa kufikiri vyema na kukazia fikra

✍️Kuna changamoto ya wagonjwa wa COVID-19 wenye ugonjwa mkali kutengeneza mabonge ya damu mishipani

✍️Athari za damu kuganda mishipani ni kama kupata stroke/kiharusi ambazo zimeripotiwa zaidi kwa watu wenye umri mdogo chini ya miaka 50 bila ya kuwa na visababishi vingine.

✍️ #UPONAJI--- Muda wa kupona kabisa dalili za Corona hutofautiana sana kutegemea umri na magonjwa mengine

✍️Watu wenye ugonjwa usio mkali hupona haraka wastani wa wiki 2

✍️Wenye ugonjwa mkali huchukua muda mrefu kupona wastani hadi miezi 2

MWISHO: Ni muhimu kuendelea kuchukua taadhari kujikinga na maambukizi ya Corona maana inazuilika>

Jikinge, Wakinge Wengine

@threadreaderapp unroll