Thread by @swathikasarah

Thread (Part1)

Mel Gibson அ எல்லாருக்கும் தெரியும். அவர் நடிச்ச Brave Heart படம் பார்த்து உருகி இருப்போம். அவர் இயக்கிய Apocalypto படம் பார்த்து உறைந்து இருப்போம்.

அவரை பற்றி DGS தினகரன் ஒரு முறை உருக்கமான கதை ஒண்ணு சொன்னாரு. கேட்டு கண்ணுல ஜலம் வைக்காத குறை. 👇

பல ஆண்டுகளுக்கு முன்பு ஒரு கடின உழைப்பாளி தனது குடும்பத்தை நியூயார்க் மாநிலத்திலிருந்து ஆஸ்திரேலியாவுக்கு பிழைப்பதற்காக அழைத்துச் சென்றார். இந்த மனிதனுக்கு ஒரு அழகான இளம் மகன், அவர் சர்க்கஸில் ஒரு ட்ரேபீஸ் கலைஞராக அல்லது ஒரு நடிகராக சேர விரும்பினார்.

இந்த அழகிய இளைஞன், ஒரு சர்க்கஸ் வேலை அல்லது சினிமா வாய்ப்பு வரும் வரும் வரை உள்ளூர் கப்பல் கட்டடங்களில் பணிபுரிந்து கொண்டு இருந்தார், இது நகரத்தின் மோசமான பகுதியின் எல்லைக்குள் இருந்தது, அதாவது குற்ற சம்பவங்கள் அதிகம் நடக்கும் பகுதி.

ஒரு நாள் மாலை, வேளையில் இருந்து வீட்டிற்கு நடந்து சென்ற இந்த இளைஞன் ஐந்து கொள்ளையர்களால் தாக்கப்பட்டான். தனது பணத்தை கொடுக்காமல், அவர்களுடன் அவன் சண்டையிட்டான். அவனால் 5 பேரை எதிர்த்து சண்டை போட முடியவில்லை.

அவர்கள் அவனது முகத்தை பூட்ஸால் பிசைந்து, அவனை கொடூரமாக அடித்து, அவனை கொன்று போட்டுவிட்டார்கள்.

சவக்கிடங்கிற்கு செல்லும் வழியில் ஒரு போலீஸ்காரர் அவனது கை ஆடுவதை கண்டார், உடனடியாக அவனை மருத்துவமனையில் அவசர பிரிவுக்கு அழைத்துச் சென்றனர்.

அவனை பார்த்த மருத்துவர் அதிர்ந்து போய்விட்டார், அந்த இளைஞனுக்கு ஒரு முகம் இல்லை. ஒவ்வொரு கண் சாக்கெட்டும் அடித்து நொறுக்கப்பட்டு இருந்தது, மண்டை ஓடு, கால்கள் மற்றும் கைகள் முறிந்து இருந்தன, மூக்கு உண்மையில் முகத்தில் இருந்து தொங்கிக் கொண்டிருந்தது, பற்கள் அனைத்தும் போய்விட்டன,

மற்றும் தாடை முற்றிலும் கிழிந்து இருந்தது. அவனது உயிரைக் காப்பாற்றிய போதிலும், அவன் மருத்துவமனையிலேயே ஒரு ஆண்டு முழுவதும் இருக்க வேண்டி இருந்தது. அவன் இறுதியாக வெளியேறும்போது முகம் பார்ப்பதற்கு அருவருப்பாக இருந்தது. எல்லோரும் போற்றிய அழகான இளைஞனாக அவன் இல்லை.

அந்த இளைஞன் மீண்டும் வேலை தேடத் தொடங்கியபோது, ​​அவன் முகத்தின் விகாரத்தின் காரணமாக அனைவராலும் நிராகரிக்கப்பட்டான். ஒரு circus முதலாளி அவனை சர்க்கஸில் நடந்த குறும்பு நிகழ்ச்சியில் 'The man who had no face" என்று அறிமுகம் செய்தார்.

அந்த நிகழ்ச்சியில் கோமாளித்தனமாக அவன் ஏதேதோ செய்து மக்களை கவர முயன்றான் ஆனால் யாரும் அவனை பார்க்க விரும்பவில்லை. அவனுக்கு தற்கொலை எண்ணங்கள் தோன்றின. இப்படியாக ஐந்து ஆண்டுகளாக போனது.

ஒரு நாள் அவன் ஒரு தேவாலயத்தைக் கடந்து செல்லும்போது யாரோ அவனை அழைப்பது போல இருந்தது.

தேவாலயத்திற்குள் நுழைந்த அவனை ஒரு பாதிரியாரை எதிர்கொண்டார். அவர் அவன் மீது பரிதாபப்பட்டு, அவன் சிறந்த கத்தோலிக்கனாக இருப்பேன் என்று உறுதியளித்தால், அவனது வாழ்க்கையை மீட்டெடுக்க செய்யக்கூடிய எல்லாவற்றையும் செய்வேன் என்று கூறினார்.

அவனது சித்திரவதை வாழ்க்கையிலிருந்து அவனை விடுவிப்பதற்கான கடவுளின் கருணையாக அவன் இதை பார்த்தான். அந்த இளைஞன் ஒவ்வொரு நாளும் சர்ச் க்கு சென்றான், தன் உயிரைக் காப்பாற்றிய கடவுளுக்கு நன்றி தெரிவித்து, மன அமைதியையும், கடவுளின் பார்வையில் தான் மிகச் சிறந்த மனிதனாக இருக்கும் கிருபையையும

் கொடுக்கும்படி கேட்டான்.

பாதிரியார், தனது தனிப்பட்ட தொடர்புகள் மூலம் ஆஸ்திரேலியாவின் சிறந்த பிளாஸ்டிக் அறுவை சிகிச்சை நிபுணரின் சேவைகளைப் பெற முடிந்தது. மருத்துவர் பாதிரியாரின் சிறந்த நண்பராக இருந்ததால் அவர் அந்த இளைஞருக்கு எந்த செலவுமின்றி சிகிச்சை அளிக்க முன்வந்தார்.

அவன் மீண்டும் பழைய அழகிய இளைஞன் ஆனான். அவன் ஒரு அற்புதமான, அழகான மனைவி மற்றும் பல குழந்தைகளுடன் ஆசீர்வதிக்கப்பட்டான், மேலும் திரை துறையில் மிகப்பெரிய ஆளாக வந்தான். தன்னை ஆசிர்வதித்த இறைவனை பெருமைப்படுத்தும் படி " The Passion of the Christ" என்ற ஒரு திரைப்படத்தையும் எடுத்தான்.

தனது வாழ்க்கையையும் "The man without a face" என்ற பெயரில் திரைப்படமாக எடுத்தான்.

அந்த

இளைஞன். . .

மெல் கிப்சன்.

இப்படி ஒரு miracle உண்மையில் நடந்ததா அப்படினு ஆராய்ச்சி செய்து பார்த்ததில் இந்த கம்பி கட்டும் கதை எப்படி தோன்றியது என்று தெரிய வந்தது.

அதை அப்புறமா சொல்றேன்....

https://twitter.com/swathikasarah/status/1418824827935154176?s=20