Thread by @Godfath52464383

अलबेला 🌹
भगवान आबाजी पालव जन्म 1 ऑगस्ट 1913 अमरावती .वाचतांना किती साधे सरळ नाव वाटते ना ? दादर मध्ये वडील गिरणी कामगार म्हणून काम करत होते म्हणून यांचे बालपण पण मुंबईतच गेले .मध्यमवर्गीय कुटुंबातला हा आहे पहिला मराठी आणि हिंदी महानायक.हा होता 'शापित गंधर्व " प्रतिभेचे दान जरी

ईश्वराने पदरात टाकले तरी प्रारब्ध किंवा हाताच्या रेषांचे जाळे तुम्हाला त्यांनी आखून दिलेल्या रिंगणाबाहेर जाऊ देत नाही .भगवान दादा चे पण रिंगण वरतून आखून दिले होते दादर ची चाळ, चाळीतून जुहू चा समुद्र काठचा 20 खोल्यांचा बंगला ,आलिशान 8 दहा मोटारी उत्तुंग यश अमाप पैसा ,प्रसिद्धी

मग अपयश, घर दार गाड्या पैसा सर्व गायब आणि परत दादरची चाळ .लहानपणा पासून चित्रपटाची आवड वडील गिरणीत गेले की दादा परळ च्या स्टुडियोत चक्कर मारणार. एक मुकपट करून झाला ,दादा ला दिग्दर्शन करायची आवड एक दोन चित्रपट ही काढून झालेले.1951 मध्ये दादांनी बनवलेल्या "अलबेला " ने आयुष्याला

कलाटणी दिली .या चित्रपटाने भगवान दादा आणि संगीतकार सी .रामचंद्र हे दोन हिरे चित्रपट सृष्टी ला दिलेत. अलबेला च्या यशात होती दिलखेच कथा ,गीता बाली भगवान दादा यांची रोमॅटिक कॉमेडी ची केमिस्ट्री आणि सी रामचंद्र यांची सुमधुर सदाबहार गाणी .त्याकाळी गाण्यात कोंगो ,ओंगो ,क्लिरीनेट,

सेक्सफोन वापरण्याचा प्रयोग अण्णा यांनी केला सी रामचंद्र यांना अण्णा हे नाव दादांनी च दिले. आज ही कुठे पार्टी मध्ये "शोला जो भडके दिल मेरा धडके " हे निर्मिती ची सत्तरी गाठलेले गाणे लागले की जुनी आणि नवी पिढी स्टेज वर जाऊन भगवान दादांनी पडद्यावर दाखविलेले हळुवार पदलालित्य आठवून

बेधुंद होऊन नृत्य करु लागते .दादांच्या अंगातला हा निसर्ग दत्त ठेका लय आणि नाद यामुळे त्यांचे नृत्य आज ही भुरळ पाडते. अलबेला त ठेक्या ची गाणी च नाही तर "धीरे से आ जा रे अखियन मे निंदिया धीर से आजा "ही अजरामर लोरी म्हणजे अंगाई गीत पण होते .आणि होते अजून एक गाणे जे ऐकून नियती

गालातल्या गालात खुदकन हसली होती 😭😩 गाण्याचे बोल होते " किस्मत की हवा कभी गरम ,कभी नरम, कभी गरम गरम कभी नरम नरम कधी गरम तो कभी नरम " आजच्या पिढीने ल्युडो या वेब सिरीज मध्ये हे गाणे शिर्षक गीत म्हणून ऐकले असेल हेच ते गीत .चित्रपट रिलीज झाला आणि दादांची किस्मत गरम झाली .त्या

साल चा तीन नंबर चा गल्ला अलबेला ने जमवला .पैसाच पैसा नुसता पाऊस.जुहू चा आलिशान बंगला च नाही तर दादांनी चेंबुर ला जागृती स्टुडिओ विकत घेतला .सोमवार ते शनिवार वेगवेगळी कार , बुटपोलिश केली की दोन पैसे पोलिश तिथे दादा 10 रुपये देणार.त्याच धुंदीत मग लाबेला त्यानंतर झमेला असे चित्रपट

काढले दोन्ही दणकून आपटले.मध्यंतरी दादांनी एका सिन मध्ये नायिका ललिता पवार ला कानाखाली लगावली ललित पवार यांचा डोळा कायमचा अधू झाला .त्याच डोळ्याचा अधुपणा वापरून ललिता पवार यांनी खास्ट खलनायकीचे रोल करून चारित्र्य अभिनेत्री म्हणून बॉलिवूड गाजवले .एका मागे एक चित्रपट डब्यात गेले

आणि दादांना घर गाड्या विकाव्या लागल्या कर्ज इतके झाले की दादा सगळे विकून परत दादर च्या चाळीत राहायला आलेत.वय झाल्यावर शब्दशः दादांनी "पर डे " म्हणजे रोजंदारी कलाकार म्हणून काम केले .त्यांच्या वर लिहिलेल्या पुस्तकात एक ठिकाणी नोंद आहे दादर मध्ये इस्त्री विकताना दादा ना कोणतरी

पाहिले होते आणि मग दादांच्या हलाखीची परिस्थिती लोकांना समजली.वार्धक्यात त्यांच्या मुला मुलींनी त्यांचा सांभाळ केला. लहानपणी कुस्ती ची आवड असणाऱ्या दादांनी ऍक्शन आणि स्टंट पटात स्वतः च स्टंट केले होते .त्याच निरोगी शरीराची साथ घेऊन उणेपूरे 90 वर्ष जगून दादांनी दादरच्या चाळीत

प्राण सोडले. आज एक ऑगस्ट भगवान दादांन चा वाढदिवस म्हणून माझ्या कडून ही शब्दांजली .उतू नका मातु नका घेतला वसा टाकू नका ,रंका चा राव आणि रावाचा रंक झालेल्या पहिल्या मराठी महानायकाची ही डोळे भरून आणणारी कहाणी खरच कुणाला सांगू नका 🙏अलबेला म्हणजे सुंदर किंवा वेगळा किंवा त्या सारखा

दुसरा कोणी नसणे . खरच भगवान दादा सारखा कोणी झाला नाही आणि होणार ही नाही .म्हणूनच तर विधात्याने बनवून घेतला असेल का ? दादांच्या हातून
अलबेला 🌹🙏.