Thread by @fmwales

Diolch i’ch ymdrechion chi, mae cyfraddau coronafeirws yn dal i fod yn gymharol isel yng Nghymru, ac mae mwy o bobl yn cael eu brechu’n llawn bob dydd.

Felly rydyn ni’n gallu symud i Lefel Rhybudd 0 o 6am ddydd Sadwrn 7 Awst.

Mwy o fanylion ⬇️

Ni fydd unrhyw gyfyngiad ar nifer y bobl y cewch gwrdd â nhw dan do nac yn yr awyr agored, gan gynnwys mewn cartrefi preifat, mannau cyhoeddus a digwyddiadau.

Bydd y nifer bach o fusnesau a oedd yn dal i orfod bod ar gau, gan gynnwys clybiau nôs, yn cael ailagor.

Ni fydd yn ofyniad cyfreithiol ichi wisgo masg mewn lleoliadau lletygarwch lle mae bwyd a diod yn cael eu gweini.

Ond rydyn ni’n dal i’ch annog i wisgo un yn y llefydd hynny pan fo’n ymarferol.

Os ydych wedi’ch brechu’n llawn neu dan 18 oed, ni fydd angen ichi hunanynysu mwyach ar ôl cysylltiad agos â rhywun sydd â coronafeirws.

Bydd dal angen ichi gael prawf ar ddiwrnod 2 ac 8. A rhaid i unrhyw un sy’n profi’n bositif hunanynysu am 10 diwrnod.

Rhaid i fusnesau, gweithleoedd a mannau cyhoeddus gymryd mesurau rhesymol i leihau’r risg o ledaenu coronafeirws.

Bydd ganddyn nhw hefyd fwy o hyblygrwydd i addasu eu mesurau coronafeirws ar sail eu hasesiad risg – gall hyn olygu llai o bwyslais ar gadw pellter corfforol.

Popeth yr ydych chi wedi’i wneud, a gwaith caled ein brechwyr, sy’n golygu ein bod yn gallu llacio’r cyfyngiadau ymhellach a mynd yn ôl i rywfaint o normalrwydd.

Ond mae’r feirws gyda ni o hyd a bydd rhai mesurau diogelwch yn parhau yng Nghymru.

Rhaid ichi ynysu yn syth a chael prawf os oes gennych symptomau coronafeirws. Os cewch ganlyniad positif rhaid ichi ynysu am 10 diwrnod.

Dylech barhau i wisgo masg yn y rhan fwyaf o fannau cyhoeddus dan do (gan gynnwys trafnidiaeth gyhoeddus, siopau a lleoliadau gofal iechyd).

Manteisiwch ar y ddau ddos o’r brechlyn. Dyma’r amddiffyniad gorau inni yn erbyn y feirws ofnadwy hwn ac rydyn ni’n falch iawn o’n rhaglen frechu ragorol.

Os nad ydych wedi manteisio ar y cynnig eto, gwnewch hynny cyn gynted â phosib:
llyw.cymru/cael-brechlyn-…

Wrth inni symud i ffwrdd o gyfyngiadau cyfreithiol, mae cymryd cyfrifoldeb yn golygu y gallwn ailddechrau gwneud y pethau yr ydyn ni wedi’u methu fwyaf.

Diolch am barchu’r cyfyngiadau ac am fanteisio ar y cynnig o frechlyn.

Rydych chi wedi helpu i ddiogelu Cymru.

Ymunwch â mi’n fyw am 12:30pm fory drwy @LlywodraethCym i gael gwybod mwy am y newidiadau hyn.

Mae’r manylion llawn ar gael yma hefyd:
llyw.cymru/cymrun-symud-i…