Thread by @jhuleDhotiRam

भाजप नेत्यांच्या दिल्ली दौऱ्याच्या पार्श्वभुमीवर महाराष्ट्र भाजप मध्ये संघटनात्मक बदल होण्याची शक्यता वर्तवली जात आहे. पुढील वर्षी महाराष्ट्रात मुंबई,पुणे,नाशिक सह अनेक ठिकाणी स्थानिक स्वराज्य संस्थेच्या निवडणुका येवु घातल्या आहे. मुंबई महापालिका ताब्यात घेण्यासाठी भाजपाने लक्ष-

केंद्रित केले आहे. देवेंद्र फडणवीस,चंद्रकांत पाटील,राम शिंदे,आषिश शेलार,चंद्रशेखर बावनकुळे,श्रीकांत भारतीय आदी भाजप नेते दिल्लीत डेरे दाखल झाले आहे. अचानक झालेल्या या दौऱ्यामुळे भाजप मध्ये बदालाची शक्यता वर्तवली जात आहे.

चंद्रकांत पाटील भाजपला लाभलेले सर्वात मितभाषी व शांत-

स्वभावाचे,संयमी नेतृत्व. पुणे पदवीधर मतदार संघाचा हुक्कमी एक्का म्हणून चंद्रकांत दादांकडे पाहिले जायचे. दादा मराठा समाजाचे व मुळचे कोल्हापूर पश्चिम महाराष्ट्रतले असले तरी दादा पाहिजे तसा फायदा भाजपला करु देवु शकले नाही. भाजपा सारख्या राष्ट्रीय पक्षाचे प्रदेशअध्यक्ष झाले तरी-

मराठा समाजाने दादांना स्विकारले नाही. त्याचाच फटका विधानसभा निवडणूकांमध्ये भाजपला बसला.

सध्याच्या घडीला भाजप मध्ये प्रदेशअध्यक्ष पदासाठी अनेक नाव इच्छुक आहे. त्यात प्रामुख्याने सुधीर मुंनगटीवार,आशिष शेलार,राम शिंदे,चंद्रशेखर बावनकुळे,गोपिचंद पडळकर तसेच पडद्यामागुन हालचाली करुन-

विनोद तावडे व पंकजा मुंडे ह्यांचा सुद्धा हालचाली सुरु आहे. २०१९ नतंरची परिस्थिती बघता महाराष्ट्राचे राजकारण नविन वळणावर आले आहे. महाराष्ट्रातील तीन प्रमुख पक्ष भाजप विरोधात एकत्रीत आल्यावर भाजपासाठी मोठे आव्हान निर्माण झाले आहे. हे आव्हान पेलण्यासाठी भाजपला बाहुबली-

प्रदेशअध्यक्षाची गरज आहे. भाजपा हा पार्टी विथ डिफरन्स असलि तरी बाहुबली नेतृत्व स्विकारण्या शिवाय त्यांच्या कडे पर्याय नाही. स्पर्धे मधे असलेले आशिष शेलार हे शहरी चेहरा असल्या कारणामुळे त्यांच्या हातात सुत्र जाण्याची शक्यता कमी आहे.विधानसभे ला तिकीट कापल्यावर सुद्धा प्रामाणिकपणे-

काम करुन बावानकुळेनी आपली बाजु भक्कम केली आहे. कर्जत जामखेड मधील पराभवानंतर राम शिंदे हे पुनर्वसनाच्या शोधात आहे. पण राम शिंदे भाजपाचा अभ्यासु चेहरा असला तरी त्यांच्या अभ्यासाची छाप त्यांच्या समाजावर नाही. मुख्यमंत्री पदाच्या शर्यतीत असलेले विनोद तावडे आणि पंकजा मुंडे यांना-

पद्धतशीर बाजुला केल्यानतंर विनोद तावडे यांनी कोणतेही बंड केले नसले तरीही फारसे सक्रीय ते दिसत नाही. राहिला प्रश्न पंकजा मुंडे यांचा तर त्यांना प्रदेशअध्यक्ष बनवुन भाजपा गटबाजीला खतपाणी घालण्याच्या मनस्थितीत नाही.पंकजांचे केवळ भावनिक राजकारण हाच ऐकमेव मुळ असल्या कारणामुळे-

भावनेच्या राजकारणावर निवडणूका लढल्या जातील अशी परीस्तिती राज्यात नाही.

उरले ऐकमेव नाव म्हणजे भाजपाचे नेहमी चर्चेत असलेले आमदार गोपिचंद पडळकर. चर्चेत राहणे हे पडळकरांचे खास वैशिष्ट्य. चर्चेत राहण्याची कला पडळकरांना अवगत आहे. विरोधकांना अगांवर घ्यायला पडळकर कधी घाबरत नाही.

मुद्याचे उत्तर मुद्याने ते देवु शकता. प्रसंगी दगडाचे उत्तर सुद्धा दगडाने देण्याची त्यांच्यांत धमक असल्याचे सोलापूर मध्ये दिसुन आले.वेळोवेळी पवारासांरख्या दिग्गज महाराष्ट्र केसरीला पडळकरांसारख्या नवख्या पैहलवानाने वेळोवेळी आसमान दाखवले आहे. वेळे प्रसंगी उद्धव ठाकरे व संजय राऊत-

यांना सुद्धा वेळोवेळी चितपट केले आहे. वाचाळवीर म्हणून ओळखले जाणारे राउत पडळकरांच्या नादी लागत नाही. बहुजन वर्गातुन आलेले पडळकरांनी बहुजन वर्गामध्ये जागृती निर्माण केली आहे. ज्या राजकीय पंडीतांना राजकारण कळते त्यांना पढंरपूर पॕटर्न काय हे समजले असेलच पण तो पॕटर्न हा पडळकर यांनी-

तयार केला होता याची फार कमी लोकांना माहीती आहे. ज्या मराठा समाजाला आरक्षण देवुन भाजप २०१९ च्या विधानसभेला सामोरे गेले. त्याच मराठा समाजाने भाजपला नाकरले हे सुद्धा सत्य आहे. फक्त मराठा समाजाच्या जिवावर राजकारण करुन सत्तेत जाता येत नाही हे शरद पवारांना न समजलेले राजकारण भाजपला-

कळाले. त्यामुळे अठरा पगड जातीनां बरोबर घेऊन चालणे हाच ऐकमेव पर्याय. महाराष्ट्रात असे ९० विधानसभा मतदार संघ आहे ज्यांचे आमदार हे १ मतापासुन ते १०,००० मतांच्या मतधिक्यांने निवडून आले आहे. ज्या मतदार संघात ज्या समाजाचे प्राबल्य त्यांना निवडणूकीत अधिक महत्व प्राप्त होते.

पण ह्या राजकारणाची पडळकरांनी व्याख्या बदलली आहे. ज्या समाजाचे संपुर्ण मतदार संघात ४ ते ५ मतदार आहे त्यांना किंगमेकर करण्याची पद्धत पडळकरांनी केली. आज पर्यंत समाजाची मतदार संख्या कमी असल्यामुळे कधीही एकसंघटीत न झालेले छोटेछोटे समाज मतदान करताना विखुरले जातात.

त्यांना त्यांच्यातली ताकद दाखवण्याचे काम पडळकरांनी घोंगडी बैठकीच्या माध्यमातून केले. त्याचाच परीणाम म्हणून पंढरपूर चा निकाल छोट्या छोट्या जात समुहांना घेऊन भाजपने पोटनिवडणूक जिंकून दाखवली. पडळकरांना जातीय स्पर्श आहे ही भाजपची जमेची बाब. पडळकरांच्या वकृत्व शैली मुळे महाराष्ट्र-

भाजप मध्ये असलेली मरगळ दुर झाली. पडळकरांमुळे कार्यकर्ते आत्ता सत्ताधार्यांच्या विरोधात बोलु लागले. जर नेता आक्रमक असला म्हणजे कार्यकर्ते सुद्धा आपसुक आक्रमक होतात. हाच आक्रमक पणा भाजपला हवा आहे. भाजपाचा तरुण चेहरा असल्यामुळे भाजपायुवा मोर्चामध्ये चैतन्य निर्माण झाले आहे. .

पडळकरांसारख्या युवकाला भाजपात संधी मिळते हे बघुन पक्षाकडे तरुण वर्ग आकर्षित होणार ह्यात शंका नाही. पडळकरांचा पिंड हा प्रस्थापित विरोधी असल्या कारणामुळे महाराष्ट्रात त्यांचे अनेक चाहते आहे. पडळकर हे अविवाहित असल्यामुळे महिनामहिनाभर दौऱ्यांची त्यांना सवय आहे.

महाराष्ट्राभर पायाला चाक बांधुन फिरण्यांची क्षमता पडळकरांमध्ये आहे. आपल्या वकृत्वशैली मुळे अबाल वृद्धांची मने पडळकरांनी जिंकली आहे. पडळकर ज्या समाजातून येतात त्या समाजाचा पडळकरांना पुर्ण पाठींबा आहे. पडळकरांनी मांडलेले सोशल इंजीनीयरींगचा प्रयोग भाजपला स्वबळाच्या सत्ते जवळ आणखी-

पोहचवु शकतो. विद्यार्थीसाठी पुण्यात केलेले आंदोलनांने पडळकरानी विद्यार्थ्यांच्या मनात वेगळे स्थान निर्माण केले आहे. पुण्यात शिकत असलेले विद्यार्थी हे महाराष्ट्राच्या कानाकोपर्यातुन येतात. योग्य ती संधी बघुन विद्यार्थ्यांच्या आंदोलनाला पाठबळ देत आंदोलन यशस्वी करुन सत्ताधारी सरकार-

विरोधात विद्यार्थ्यांच्या मनात आग निर्माण केली आहे. तीच आग घेऊन पुण्यात शिकत असलेले विद्यार्थी महाराष्ट्राच्या कानाकोपर्यात घेऊन जाण्याची खेळी पडळकर यशस्वी खेळले. अनेक पक्ष बदलुन आलेले पडळकर भाजपच्या अध्यक्ष पदी चालतील का? ह्या प्रश्नाचे उत्तर भाजपला त्याशिवाय पर्याय नाही.

दोन वर्षापुर्वी पक्षात आलेल्या खासदारांना केंद्रीय मंत्रीपदाची लॉटरी लागु शकते तर फडणवीसांच्या मर्जीतल्या पडळकरांना प्रदेशअध्यक्ष का भेटू शकत नाही. पडळकर आज जरी बर्याच जणांच्या विरोधी स्थानात असले तरी पडळकर हे महाराष्ट्राचे उद्याचे नेतृत्व करणार यात तिळमत्र शंका नाही.