Thread by @rajeshkmoorthy

வாகனக் கழிவுக் கொள்கை (Automobile Scrappage Policy) - ஒரு பார்வை.

நேற்றைய தினம், பிரதமர் மோடி, தேசிய அளவிலான வாகனக் கழிவுக் கொள்கையை அறிமுகப்படுத்தினார். இந்த கொள்கை ஏப்ரல் 1, 2022 முதல் அமலுக்கு வருகிறது. இதனால் ஏற்படும் மாற்றங்களை இந்த இழையில் காணலாம்.

இதனால் ஏற்படப்போகும் நன்மைகள் என்று பிரதமர் சொன்னவை:
1. சுற்றுச்சூழலை பாதிக்கும் பழைய வாகனங்களை அகற்றுவது.
2. சாத்தியமான சுழற்சி பொருளாதாரத்தை உருவாக்குவது.
3. ₹10,000 கோடி அளவிற்கு புதிய முதலீடுகளை பெறுவது.
4. வாகன சந்தையின் பொருளாதாரத்தை அதிகரிப்பது.

வாகன உரிமையாளர்களுக்கு இதனால் என்ன மாற்றங்கள் / பாதிப்புகள்.
1. சொந்த உபயோகத்திற்கான வாகனங்கள் 20 வருடத்திற்கு மேலும், வணிக உபயோகத்திற்கான வாகனங்கள் 15 வருடங்களுக்கு மேலும் பயன்படுத்த தடை விதிக்கப்படும்.

அதாவது, ஒரு வாகனம் வாங்கி (புதிய) 15/20 வருடங்களுக்கு மேல் ஆகியிருந்தால் (from the date of its first registration) அது பயன்பாட்டிலிருந்து நீக்கப்படும். உங்களால் அதை பயன்படுத்த முடியாது. 15/20 வருடத்தின் முடிவில் உங்கள் வாகனத்தின் registration காலாவதியாகி விடும்.

அப்படி நீங்கள் 15/20 வருடங்களுக்கு மேல் வாகனத்தை பயன்படுத்த விரும்பினால், தானியங்கி தனியார் மையங்களில் fitness test செய்ய வேண்டும். அதில் உங்கள் வாகனம் பாஸ் ஆனால், அடுத்து 5 வருடங்களுக்கு உங்கள் வாகனத்தின் பதிவு நீட்டிக்கப்படும். அதற்கான செலவுகள் என்ன?

(அ) Fitness தேர்வுக்கான கட்டணம் - ₹40,000
(ஆ) சாலை வரி (Road Tax)
(இ) சுற்றுச்சூழல் வரி (Green Tax) - சாலை வரியில் 10% - 25%. உங்கள் நகரத்தின் pollution லெவெலுக்கு ஏற்ப மாறுபடும். டில்லிக்கு 50% என தீர்மானிக்கப் பட்டுள்ளது.

இந்த பதிவு நீட்டிப்பு 5 வருடங்களுக்கு மட்டுமே. ஐந்து வருடங்கள் முடிவில் மறுபடியும் இதே செலவுகளை நீங்கள் செய்ய வேண்டி வரும்.

உங்கள் வாகனம் fitness டெஸ்டில் fail ஆனால், scrappage ஆக மாற்றப்படும். நீங்கள் உங்கள் வாகனத்தை scrappage ஆக மாற்றினால், உங்களுக்கு ஒரு சான்று வழங்கப்படும்.

அந்த சான்றினை வைத்து, அடுத்த வாகனம் வாங்குகையில் பின்வரும் சலுகைகளை பெறலாம்
1. Registration Charges - இலவசம் (தற்போது தமிழ்நாட்டில் பதிவுக் கட்டணமாக ₹600 வசூலிக்கப் படுகிறது) அதை நீங்கள் செலுத்த தேவையில்லை.
2. சாலை வரியில் குறைப்பு செய்யப்படும். எவ்வளவு என்று தெரிவிக்கப்படவில்லை

தற்போது உள்ள data வின் படி இந்தியாவில் 51 லட்சம் வாகனங்கள் 20 வருடங்களுக்கு மேல் பழமையானது. இந்த கொள்கை செயல்படுத்தப் பட்டால், தோராயமாக 45 லட்சம் புதிய வாகனங்கள் வாங்க வேண்டி வரும். இதனால் அரசுக்கு மற்றும் வாகன நிறுவனங்களுக்கு வருவாய் பன்மடங்கு அதிகரிக்கும்.

இந்த கொள்கை அரசு வாகனங்களுக்கு அமுல் படுத்தப் படுகிறது. தனியார் வாகனங்களுக்கு ஏப்ரல் 1, 2022 முதல் அமுல்படுத்தப்படும். கூட்டிக் கழித்துப் பார்த்தல், 20 வருடங்களுக்கு மேல் வாகனம் வைத்திருப்பது உங்களுக்கு செலவினங்களையே அதிகரிக்கும். You'll be forced to buy new vehicles after 20 yrs

"வாகனக் கழிவுக் கொள்கை"யில் மேலும் சில தகவல்கள் வரவேண்டி இருக்கின்றன. முழு சட்ட வரைவு வந்த பின், இந்த இழையினை update செய்கிறேன்.

முதலீட்டாளர்கள் பார்வையில், வாகன நிறுவனங்களின் பங்குகள் ஏற்றம் காணும் வாய்ப்புகள் அதிகம்.

இதில் உங்களுக்கு தெரிந்த தகவல்களையும் பதிவிடுங்கள். 🙏