#சம்பவம் 2014-ஆம் வருடம்,சென்னையில் ஆபீஸ் மீட்டிங் மாதத்தில் ஒருநாள் கண்டிப்பா இருக்கும்.உடன்குடியில் இருந்து சென்னை சென்று வருவதற்கு அலுவலகமே டிக்கெட் போட்டு தருவதால்,நமக்கும் ஊர் சுற்ற பிடிக்கும் என்பதாலும் சந்தோசமாக சென்னைக்கு சென்று வருவேன்.சனிக்கிழமை மீட்டிங் இருக்கும்.
ஞாயிறு நண்பர்களோடு ஊர் சுற்றிவிட்டு அப்டியே மாலை வேளையில் கோயம்பேட்டில் இருந்து உடன்குடிக்கு பயணத்தை தொடங்கிவிடுவேன். எப்போதும் தனிமைதான். முக்கியமா ஜன்னல் சீட். ஜன்னல் சீட் கிடைக்கலைன்னா அடுத்த bus இப்டியே ஒரு நான்கு மாதங்கள் சென்றது. ஜோடியா எவனாவது வண்டியில் ஏறுனா. கொஞ்சம்
மனசுக்கு கடுப்பாகவே இருக்கும். வழக்கம்போல் மீட்டிங் முடித்து ஊர் சுற்றிவிட்டு பேருந்தில் ஏறினேன். ஜன்னல் சீட் என்பதால் வேடிக்கை பார்த்துக்கொண்டே வந்தேன்.பேருந்து பெருங்களத்தூரில் நின்றது. நம் பக்கத்துல ஒரு பொண்ணு அமருவாள் அவகிட்ட அப்டியே பேசி நம்பர் வாங்கி கடலை போடணும்ன்னு ரொம்ப
ஆசை. ஆனால் அதெல்லாம் நமக்கு நடக்காது என தெரியும் இருப்பினும் பேராசை. பெருங்களத்தூர்ல bus நின்றதும்,ஒரு அழகான பொண்ணு என் சீட் அருகே வந்தாள். நம் பக்கத்துல எப்படி உட்காருவா? என எண்ணும்போதே அருகில் அமர்ந்தாள் எனக்கு இதயம் வேகமா துடிக்க ஆரம்பித்தது. பிங்க் கலர் சுடிதார்.பார்த்துட்டே
இருக்கலாம் அவ்ளோ அழகு..சரி பேச்சு கொடுத்து நட்பாகலாம் என்று நினைக்கயில் நாமள பேசுனோம்னா நம்மை ஜொள்ளு பார்ட்டி ன்னு நினைச்சுட்டா என்ன பண்றதுன்னு பேசவே இல்லை. வண்டி திருச்சி அருகே நின்றது. அவள் அமைதியா பாட்டு கேட்டுட்டே இருந்தாள்.மனசு கேட்கல காபி சாப்பிடுறிங்களா ன்னு கேட்டேன்.
பதில் வரல. சரி பேச விருப்பம் இல்லை போல என நினைத்து இரு சீட்டுக்கு இடையே என் bag வைத்துவிட்டு அவள் மீது என் ஸ்பரிசம் பட்டு என்னை அவள் தவறாக நினைத்து விட கூடாதேன்று எண்ணி சுவற்றில் ஒட்டிய பல்லி போலவே நான் ஜன்னலில் முகம் சாய்த்து கொண்டே வந்தேன். அவள் தூங்கிகொண்டவந்தாள்.
வண்டி மதுரை தாண்டி வந்தது. தூக்கம் கண்களுக்குள் வந்தாலும். தூக்கத்தில் நான் அவள் மீது சாய்ந்துவிட்டால் என்ன செய்ய எனவே தூங்கவே இல்லை. வண்டி திருச்செந்தூரில் நின்றது. அவள் என்னை திரும்பி கூட பார்க்காமல் இறங்கி சென்றுவிட்டாள். திடீர்னு என் ஜன்னல் தட்டும் சத்தம். யாருன்னு பார்த்தா
அந்த பொண்ணு.. தேங்க்ஸ் என சொல்லி விட்டு ஒரு புன்னகை பரிசாக தந்துவிட்டு சென்றாள். நிஜமாவே அப்போ ரொம்ப சந்தோசமா இருந்துச்சு.. வாழ்க்கைல ஏதோ சாதிச்ச மாதிரி உணர்வு.. ❤❤❤
• • •
Missing some Tweet in this thread? You can try to
force a refresh
