#गुरूवर्य_कृष्णाजी_केळुस्कर_जयंती.
गुरूवर्य कृष्णाजी अर्जुन केळुस्कर यांचा जन्म कोकणातील वेंगुर्ले तालुक्यातील केळूस येथे दि.२० आॅगस्ट १८६० रोजी झाला.त्यांचे पूर्वज लष्करात होते.त्यांचे प्राथमिक शिक्षण सावंतवाडीत झाले.
गुरूवर्य कृष्णाजी अर्जुन केळुस्कर यांचा जन्म कोकणातील वेंगुर्ले तालुक्यातील केळूस येथे दि.२० आॅगस्ट १८६० रोजी झाला.त्यांचे पूर्वज लष्करात होते.त्यांचे प्राथमिक शिक्षण सावंतवाडीत झाले.
१८८१ ते १९२५ पर्यंत त्यानी विल्सन हायस्कूलमध्ये शिक्षक म्हणून नौकरी केली.त्यानी संत तुकाराम, गौतमबुध्द, शिवाजी महाराज,गुणाजी घुले,एल्लपा बाळाराम आदी चरित्रग्रंथ लिहिले.महात्मा फुले यांच्या सत्यशोधक चळवळीत त्यानी काम केले.ते नेहमीच डाॅ.बाबासाहेब आंबेडकरांच्या पाठीशी उभे राहिले.
१९०७ साली भीमराव आंबेडकर जेंव्हा मॅट्रिकची परीक्षा पास झाले तेंव्हा त्यानी रावबहाद्दर सी.के.बोले यांच्या समवेत भीमरावांच्या बी.आय.टी.च्या चाळीतील घरी जाऊन भीमरावाचे अभिनंदन केले.इतकेच नव्हे तर अस्पृश्यातील पहिला मॅट्रिक पास विद्यार्थी म्हणून बोले यांच्या अध्यक्षतेखाली भीमरावांचा
सत्कार घडवून आणला.रामजीबाबाना आपल्या मुलास पुढील शिक्षण देण्याचा सल्ला दिला.सत्कारप्रसंगी स्वतः लिहिलेले ' बुध्द चरित्र ' भेट दिले.त्याच ' बुध्द चरित्रा ' चा भीमरावांच्या भावी जीवनावर क्रांतिकारक परिणाम होऊन बुध्द तत्वज्ञानाचा त्यांच्या मनावर कायमचा ठसा उमटला.
डाॅ.बाबासाहेब आंबेडकरानी आपल्या The Buddha and His Dhamma ग्रंथाच्या प्रस्तावनेत कृतज्ञतापूर्वक उल्लेख करून तेंव्हापासून बुध्दाचे आकर्षण असल्याचे म्हटले अाहे. गुरूवर्य केळूस्करानी भीमरावांची बडोदा संस्थानचे महाराज सयाजीराव गायकवाड यांच्याशी भेट घालून दिली व पुढील
शिक्षणासाठी शिष्यवृत्ती मिळवून दिली.डाॅ.बाबासाहेब आंबेडकर पुढील आयुष्यात धुळीतून धुरंधराच्या मालिकेत जाऊन बसले त्या दैदीप्यमान जीवनाला गती देण्याचे काम गुरूवर्य कृष्णाजी अर्जुन केळूसकर यानी केले.त्यानी डाॅ.भीमराव आंबेडकरांवर पोटच्या मुलासारखे प्रेम केले.
शिवाशिवीच्या त्या कर्मठ काळात भीमरावाना गुरूजींच्या घरात मुक्तपणे प्रवेश होता.भीमरावाना ते प्रेमाने भिवा अशीच हाक मारत.रोज सकाळी गुरूवर्य भीमरावाना घेऊन समुद्रकिनारी दादर चौपाटीवर फिरायला जात.डाॅ. बाबासाहेब आंबेडकरानी आपल्या लिखाणात व भाषणात गुरूवर्य केळूसकर यांचा
नेहमी आदराने उल्लेख करत असत.
गुरूवर्य केळूसकर हे वयाच्या ६५ व्या वर्षी विल्सन हायस्कूलमधून निवृत्त झाले.निवृत्त झाल्यावर त्याना बडोदा सरकार कडून पेन्शन मिळवून देण्यासाठी डाॅ.बाबासाहेब आंबेडकरानी पत्रव्यवहार करून प्रयत्न केले.पण त्यात यश आले नाही.
गुरूवर्य केळूसकर हे वयाच्या ६५ व्या वर्षी विल्सन हायस्कूलमधून निवृत्त झाले.निवृत्त झाल्यावर त्याना बडोदा सरकार कडून पेन्शन मिळवून देण्यासाठी डाॅ.बाबासाहेब आंबेडकरानी पत्रव्यवहार करून प्रयत्न केले.पण त्यात यश आले नाही.
आयुष्याच्या शेवटच्या आठवड्यात गुरूजीना मुंबई मराठी साहित्य संमेलनाचे पहिले अध्यक्ष होण्याचा मान लाभला.पुढे ९ आक्टोबर १९३४ रोजी त्याना अर्धांगवायूचा झटका आला व त्यांचे अर्धे शरीर लुळे पडले.
१४ आक्टोबर १९३४ रोजी त्यांचे मुंबईतील राहात्या घरी निधन झाले.
बाबासाहेबांचे ते मार्गदर्शक गुरूच होते.त्यानीच बाबासाहेबाना बुध्द धम्माचा मार्ग दाखविला.
बाबासाहेबांच्या मार्गदर्शक गुरूवर्याना जयंतीदिनी विनम्र अभिवादन.भावपूर्ण स्मरण.
.......🖋️बी. एन. साळवे
#कृष्णाजी_केळुस्कर_जयंती
बाबासाहेबांचे ते मार्गदर्शक गुरूच होते.त्यानीच बाबासाहेबाना बुध्द धम्माचा मार्ग दाखविला.
बाबासाहेबांच्या मार्गदर्शक गुरूवर्याना जयंतीदिनी विनम्र अभिवादन.भावपूर्ण स्मरण.
.......🖋️बी. एन. साळवे
#कृष्णाजी_केळुस्कर_जयंती
• • •
Missing some Tweet in this thread? You can try to
force a refresh
