Thread by @tolchintamani01

या देशाला स्वातंत्र्य मिळालं मिळताना ज्या काही गोष्टी घडल्या त्या सर्वश्रुत आहेत. धार्मिक द्वेषातून देशाची फाळणी, गांधी हत्या, जातीयवादाचे परिमार्जन म्हणून राखीव क्षेत्र, लांगुलचालन अथवा अतिसहिष्णुपणाचे फळ म्हणून ज्या त्या धर्मानुसार वेगवेगळे पर्सनल लॉ बोर्ड ई गोष्टी ठळक आपल्या

समोर येतात. तत्कालीन अनेक प्रश्न पुर्णतः न सोडवल्याने आजही आपल्या पिढीला काही समस्यांना तोंड द्यावे लागते. यावर कित्येकदा माझ्या मित्रांनी अथवा इतरांनी त्या समस्यांवर लिहिले आहे. त्यातून एक मुद्दा समान आढळतो तो म्हणजे विशिष्ट वर्ग विशिष्ट समस्यांवर

कसा मूग गिळतो किंवा त्या समस्येत आणखी भर घालतो.

तर सर्वप्रथम हा जो विशिष्ट वर्ग आहे त्याचे स्वतःचे देखील काही हितसंबंध, विचार अथवा पूर्वानुग्रह आहेत ज्याला अनुसरून हेतुपुरस्सर किंवा नकळतपणे ते सदर गोष्टी करत असतात. यात सध्या

ज्यांना लिब्रांडू अथवा फुरोगामी म्हटले जाते ते स्वार्थापोटी- हेतुपुरस्सर-द्वेषातून सदर कृत्य करत असतात.

मीडिया, शिक्षण, साहित्य या क्षेत्रांवर या लोकांचा पूर्वी कब्जा असल्याने त्यांनी मोठ्या खुबीने राष्ट्रवादी असणे, हिंदुहीतवादी असणे, इथल्या पारंपरिक

गोष्टींचा सन्मान करणारी व्यक्ती असणे म्हणजे मोठे पातक असल्यासारखे वातावरण निर्माण करून ठेवले आहे.

आज इसवी सन २०२१ मध्ये भारतीय राष्ट्रवाद, हिंदू समाजाचे हित, या देशावर वेळोवेळी झालेले इस्लामिक हल्ले, काही राज्यांमध्ये सुरू असलेल्या फुटीरतावादी चळवळी, माओवादाचे आव्हान आदी

कुठल्याही गोष्टीवर तुम्ही मत मांडले की ती चर्चा थेट १९४७ साली झालेल्या महात्मा गांधींची हत्या अथवा स्वातंत्र्यपूर्व काळात सुरू असलेला जातीयवाद, ब्रिटिश काळात सुरू असलेली सती प्रथा या विषयांवर घेऊन येण्याचे युद्धतंत्र ते यशस्वीपणे राबवतात. हे चक्र गेली कित्येक वर्षे अव्याहतपणे

सुरु आहे, त्याच त्या व्यक्तींबरोबर त्याच त्या गांधी,सती,अस्पृश्यता वगैरे वगैरे विषयांवर वांझोट्या चर्चा सुरूच आहेत.

गेली सत्तर वर्ष गांधीहत्या,सती, अस्पृश्यता आदी चर्चा ऐकून ऐकून इथला बहुसंख्य हिंदू जणू काही महात्मा गांधी यांना आपणच गोळ्या घातल्या आहेत

या भीतीमध्येच वावरतो. ( याला आता आता काही अंशी अपवाद निर्माण होऊ लागले आहेत)

इस्लामी जिहाद, मिशनरी धर्मांतर,फुटीरतावादी चळवळी आदी समकालीन समस्या मांडणाऱ्या समूहाचे इतके खच्चीकरण झाले आहे की कळत

नकळतपणे त्यांचे मन तथाकथित पुरोगाम्यांच्या निर्दोषत्वाच्या प्रमाणपत्रासाठी आसुसलेले आहे. ते त्यांच्या कट्टर विरोधकांकडून अशा गोष्टींची अपेक्षा करत आहेत जी कधीच पूर्ण होणार नाही.

कोण कुठला गांधी आणि कोण ते सतीप्रथा पाळणारे मध्ययुगीन लोक ? ते गांधी गेले, त्यांना मारणारा

देखील गेला, ज्यांनी जातीयवाद केला ते देखील गेले आणि ज्यांनी तो सहन केला ते देखील गेले. कुठल्या तरी अनोळखी लोकांच्या कृत्यांवरून आजच्या कुणातरी फुरोगाम्याला किंवा तथाकथित वंचिताला मला जाब विचारण्याचा किंवा मला शिक्षा देण्याचा काय अधिकार ? मी यापैकी कुणाचे काही देणे लागत

नाही की मी कुणाचा अपराधी नाही त्यामुळे मी कुठल्या न्यूनगंडात राहण्याचे देखील कारण नाही.

मला माहित आहे की जे माझे विरोधक आहेत त्यांना माझ्याशी काही न काही कारणावरून भांडायचेच आहे. मग मी चांगला वागलो किंवा वाईट वागलो याने त्यांना काही फरक पडणार नसतो. मग ज्यांना

आपल्याशी भांडायचेच आहे त्यांना समजावण्यात किंवा ते मला कधीतरी चांगले म्हणतील यासाठी त्यांच्या प्रमाणपत्राची वाट बघण्यात मला रस नाही व गरज पण नाही.

माझी ही गरज, माझा न्यूनगंड ज्या दिवशी दिवशी संपला त्याच दिवशी मी खऱ्या अर्थाने मुक्त झालो आहे. तुम्ही मुक्त आहात का?

तुषार दामगुडे
महाराष्ट्रद्रोही-जातीयवादी- प्रतिगामी- कारस्थानी असामी
@barty_croutch @migratorscave @abhi_hinduwagh @gajanan137 @devharshada @stitch_yamalaa @Manishapangark1 @The_SpyDee_ @sameerlaxmanbh1 @jayant_rokade @Sanket_J_007 @GloriousHindu @Ram9699_ @rrrrajput @pallavict